Fréttablaðið - 10.07.2004, Síða 4

SAMKEPPNISMÁL Síminn braut
samkeppnislög með því að bjóða
og kynna áskriftartilboðið „Allt
saman hjá Símanum,“ að því er
fram kemur í bráðabirgðaá-
kvörðun Samkeppnisstofnunar
frá því í gær, föstudaginn 9. júlí.
Frá og með birtingu ákvörðunar-
innar er Símanum því óheimilt
að kynna þetta áskriftartilboð
eða skrá nýja viðskiptavini sam-
kvæmt því.
Og Vodafone kvartaði yfir til-
boðinu til Samkeppnisstofnunar í
byrjun júní sl., en í því földust
afslættir og sértilboð sem við-
skiptamönnum Símans stóðu til
boða ef væru með talsíma, far-
síma og Internetþjónustu hjá
Símanum. „Umræddir afslættir
eru augljóslega tryggðarafslætt-
ir og ekki verður séð að hlutlæg
kostnaðarrök búi þar að baki. Því
má ljóst vera að tilgangur til-
boðsins er að binda viðskiptavini
við Landssímann og útiloka þan-
nig keppinauta Landssímans,“
segir í bréfi Og Vodafone til
Samkeppnisstofnunar. Sam-
keppnisstofnun telur verulegar
líkur á að tilboð Símans feli í sér
misnotkun á markaðsráðandi
stöðu og gaf því út bráðabirgðaá-
kvörðun til að stöðva tilboðið og
kynningu þess þar til Samkeppn-
isráð hefur tekið málið fyrir. ■
4 10. júlí 2004 LAUGARDAGUR
Tryggðarafslættir í boði:
Síminn brýtur samkeppnislög
66 prósent vilja
að forsetinn synji
Samkvæmt skoðanakönnun Fréttablaðsins eru 73 prósent þeirra sem
taka afstöðu andvíg nýja fjölmiðlafrumvarpinu.Tveir af hverjum þrem
vilja að forsetinn synji því staðfestingar eins og hinu fyrra.
FJÖLMIÐLALÖG Tæplega 73 prósent
þeirra sem taka afstöðu eru and-
víg nýju fjölmiðlalögunum, en
rúmlega 27 prósent eru fylgjandi
þeim samkvæmt skoðanakönnun
Fréttablaðsins Hringt var í 800
manns en 78,3 prósent tóku af-
stöðu til málsins. Þegar tillit er
tekið til óákveðinna eru um 57,1
prósent andvíg lögunum, 21,3 pró-
sent fylgjandi og 21,7 prósent
voru óákveðnir.
Það eru því álíka margir þeirra
sem taka afstöðu sem eru andvíg-
ir nýju lögunum og ætluðu að
hafna þeim í þjóðaratkvæða-
greiðslu samkvæmt könnun
Fréttablaðsins 6. júní. Þá sögðust
70,7 prósent ætla að hafna lögun-
um en 29,3 prósent samþykkja
þau.
Tæplega 66 prósent telja að
Ólafur Ragnar Grímsson eigi líka
að synja þessu frumvarpi stað-
festingar, en rúm 34 prósent eru á
móti því. Þegar þeir sem ekki tóku
afstöðu er teknir inn í dæmið telja
um 55 prósent að forsetinn eigi að
synja nýja frumvarpinu stað-
festingar, 28,4 prósent eru á móti
því að hann geri það og 16,6 pró-
sent eru óákveðnir. Þegar forset-
inn beitti málskotsréttinum í júní-
byrjun voru 67,1 prósent þeirra
sem tóku afstöðu sammála
ákvörðun Ólafs Ragnars, en 32,5
prósent voru ósammála sam-
kvæmt könnun Fréttablaðsins.
Í könnun Fréttablaðsins í maí
sögðust 71 prósent vera fylgj-
andi að Ólafur Ragnar beitti
málskotsréttinum en 29 prósent
voru á móti því. Í apríl- og maí-
mánuði síðastliðnum voru gerð-
ar þrjár kannanir um afstöðu
fólks til fjölmiðlafrumvarpsins
og var andstaðan við lögin á bil-
inu 77,3 prósent til 82,8 prósent
en fylgismenn þeirra reyndust
vera á bilinu 17,2 prósent til 22,7
prósent.
bergsteinn@frettabladid.is
Aðild að ESB:
Matarverð
hefur hækkað
PÓLLAND, AP Matvælaverð hefur hækk-
að verulega í Póllandi eftir að landið
varð aðili að Evrópusambandinu 1.
maí. Þar með er ótti margra, sem
höfðu efasemdir um aðild, að verða að
veruleika. Bændur hafa hins vegar
ástæðu til að kætast þar sem hækkun
matvælaverðs hefur skilað þeim aukn-
um tekjum. Þó var mesta andstöðu við
aðild að finna í þeirra röðum.
Kjúklinga- og nautakjöt hefur
hækkað um meira en fimmtung á
tveim mánuðum. Svínakjöt hefur
hækkað um tæp tíu prósent á sama
tíma. ■
■ ASÍA
Er stjórnarandstaðan búin að
koma forseta Íslands í klípu í
fjölmiðlamálinu?
Spurning dagsins í dag:
Ætti að leggja hálendisveg milli
Reykjavíkur og Akureyrar?
Niðurstöður gærdagsins
á visir.is
59,37%
40,62%
Nei
Já
KJÖRKASSINN
Farðu inn á visir.is og segðu þína skoðun
visir.is
Harður árekstur:
Þrír slasast
SELFOSS Þrír voru fluttir slasaðir á
Landspítala - háskólasjúkrahús
eftir harðan árekstur fólksbíls og
jeppa. Slysið varð á Suðurlands-
vegi, rétt ofan við Kambana á
Hellisheiði, laust fyrir klukkan
átta í gærkvöldi.
Sjö manns voru í bílunum.
Tveir í fólksbílnum slösuðust og
einn í jeppanum en aðrir voru
lemstraðir. Flytja þurfti bílana
burt með kranabíl sem og felli-
hýsi sem annar þeirra var með í
eftirdragi, samkvæmt lögregl-
unni á Selfossi.
Við fyrstu skoðun lækna bend-
ir ekkert til þess að áverkar fólks-
ins séu alvarlegir, samkvæmt
vakthafandi lækni. ■
Landspítali -
háskólasjúkrahús:
DRG-kerfi
undirbúið
HEILBRIGÐISMÁL Undirritaðir hafa
verið tilraunasamningar við end-
urhæfingarsvið og lyflækninga-
svið II á Landspítala - háskóla-
sjúkrahúsi um fjármögnun á
grundvelli svokallaðs DRG-
greiðslukerfis. Í fréttatilkynningu
frá Landspítala segir að undirbún-
ingur þess að innleiða framleiðslu-
mælikvarða í þjónustu sjúkra-
hússins hafi hafist haustið 2000.
DRG er kerfi sem notað er víða
um heim til þess að ákvarða fjár-
veitingar til heilbrigðisstofnana
þannig að í stað fastra fjárfram-
laga fái sjúkrahúsin greitt í sam-
ræmi við afköst. ■
FÉLL NIÐUR Í LEST SKIPS Vinnu-
slys varð um borð í skipi á
Vopnafirði laust fyrir hádegi í
gær. Maður féll niður í lest skips-
ins og var fluttur með sjúkraflugi
til aðhlynningar.
HRAÐAKSTUR VIÐ VÍK Átta öku-
menn voru kærðir fyrir of hrað-
an akstur við Vík á tveim klukku-
stundum í gær. Lögreglan segir
umferðina hafa verið mikla. Öku-
mennirnir voru á um 120 kíló-
metra hraða.
TVEIR ÁREKSTRAR Á SELFOSSI
Tveggja bíla árekstur varð að
Suðurlandsvegi við Biskups-
tungubraut um sexleytið í gær.
Engin slys urðu á fólki en bílarn-
ir eru báðir óökufærir.
Þá rákust tveir bílar saman við
bensínstöðina Olís um fimmleyt-
ið. Skemmdir urðu minniháttar
og engin slys. ■
■ LÖGREGLUFRÉTTIR
DÓMSMÁL Konunni sem flutti rúm-
lega 5.000 e-töflur inn til landsins
10. júní var birt ákæra ríkissak-
sóknara í gær. Konan er frá Sierra
Leone en er með flóttamannavega-
bréf frá Hollandi. Hún er 26 ára og
barnshafandi.
Hún er ákværð fyrir að hafa
flutt 5.043 e-töflur, tæpt kíló að
þyngd, til landsins frá Frakklandi
og ætlað það að verulegu leyti til
söludrefingar hér á landi. Þau fund-
ust í bakpoka konunnar við komu
hennar til Keflavíkurflugvallar.
Konan hefur verið í gæsluvarð-
haldi síðan hún náðist þar sem ótt-
ast var að hún flýði landið.
Samkvæmt fréttum Bylgjunnar
neitar konan sök. Hún hafi ekki vit-
að af efnunum í farangri sínum en
hafi gefið mögulegar skýringar á
tilkomu þeirra í yfirheyrslum. Þær
hafi ekki verið teknar trúanlegar.
Konan situr í gæsluvarðhaldi í
kvennafangelsinu í Kópavogi til 28.
júlí, en aðalmeðferð þess hefst 20.
júlí. ■
Flutti inn rúmlega 5.000 e-töflur:
Barnshafandi konu birt ákæra
FÍKNIEFNI Í BAKPOKA
Barnshafandi kona frá Sierra Leone flutti inn 5.043 e-töflur.
Hún kveðst ekki hafa vitað af tilurð þeirra.
Urður, Verðandi, Skuld:
Fær styrk til
þróunar
VÍSINDI Líftæknifyrirtækið Urður,
Verðandi, Skuld hefur fengið
styrk frá Tækniþróunarsjóði til
rannsókna á nýjum aðferðum við
greiningu á krabbameini. Verk-
efnið er unnið í samstarfi fyrir-
tækisins, Landspítala - háskóla-
sjúkrahúss, Nimblegen Systems
og Ohio State háskólans í Banda-
ríkjunum. Þetta kemur fram í
fréttatilkynningu frá fyrirtækinu.
Til stendur að þróa DNA-
flögur sem geti fylgst með þróun
krabbameins í sjúklingum og
veitt upplýsingar sem gagnast við
að velja og stýra meðferð. ■
KEYPT Í MATINN
„Áður keypti ég alltaf kjúkling og við fengum
okkur nautakjöt einu sinni í viku. Nú er ég
hætt að kaupa nautakjöt,“ sagði eftirlauna-
þeginn Elzbieta Sulimierska.
KJÖRDAGUR ÁKVEÐINN Forseta-
kosningar í Afganistan fara fram
9. október. Heldur lengri bið er
eftir því að kosið verði á þing
landsins. Ekki er gert ráð fyrir
að þær kosningar fari fram fyrr
en á vori komanda. Upphaflega
átti að kjósa samtímis um forseta
og þingmenn.
BÆTUR FYRIR ÞRÆLAVINNU Jap-
anskur dómstóll hefur dæmt þar-
lent fyrirtæki til að greiða fimm
Suður-Kóreumönnum andvirði
tæpra 20 milljóna króna í skaða-
bætur. Bæturnar fá Suður-Kóreu-
mennirnir fyrir að hafa verið
neyddir í þrælavinnu í Japan á
tímum síðari heimsstyrjaldar. ■
AFSTAÐAN TIL NÝJA FRUMVARPSINS
Tæplega þrír af hverjum fjórum eru
andvígir nýju fjölmiðlafrumvarpi
af þeim sem tóku afstöðu
SYNJA EÐA STAÐFESTA?
Tæplega 66 prósent eru þeirrar skoðunar
að forsetinn ætti að synja nýjum
fjölmiðlalögum staðfestingar.
Fylgjandi 72,8%%
Andvíg 27,2%
Ætti að synja 65,9%
Ætti að staðfesta 34,1%
Svipuð afstaða:
Umhugsun-
arefni ríkis-
stjórnarinnar
SKOÐANAKÖNNUN Ólafur Þ. Harða-
son, prófessor í stjórnmálafræði
við Háskóla Íslands, segir niður-
stöðurnar hljóta að vera drjúgt
umhugsunarefni fyrir ríkisstjórn-
ina. „Forystumenn ríkisstjórnar-
innar hljóta að velta vandlega fyr-
ir sér þeirri leið sem þeir hafa
valið,“ segir Ólafur.
Ólafur segir afstöðuna til fjöl-
miðlafrumvarpsins svipaða og
áður og þær breytingar sem hafi
verið gerðar hafi ekki í grundvall-
aratriðum breytt neinu um af-
stöðu manna.
„Síðan er það mjög athyglis-
vert, miðað við hversu alvarleg
aðgerð það er, að tveir þriðju telja
að forsetinn eigi að synja þessum
lögum staðfestingar,“ segir Ólaf-
ur og bætir við: „Það hefur verið
ýmislegt í þróun umræðunnar
sem hefur frekar aukið líkurnar á
því að forsetinn muni neita aftur.
Þessar niðurstöður ættu enn að
auka líkurnar á því.“ ■
FRÁ AUSTURVELLI
Álíka margir telja að forsetinn eigi að synja nýju fjölmiðlalögunum og töldu að hann ætti
að synja þeim fyrri.