Fréttablaðið - 10.07.2004, Blaðsíða 41

29LAUGARDAGUR 10. júlí 2004
FRÉTTIR AF FÓLKI
FRÉTTIR AF FÓLKI
■ KVIKMYNDIR
Er Blair næstur?
Michael Moore sagði í viðtali við
bresku útvarpsstöðina BBC 4 að
hann gæti alveg hugsað sér að
næsta kvikmynd hans myndi fjal-
la um Tony Blair, forsætisráð-
herra Breta. Einungis fyrir mán-
uði síðan birtist tilkynning á vef-
síðu Moores þar sem hann dró til
baka allar sögusagnir þess efnis
að hann hefði slíka mynd í hyggju.
„Ég myndi aldrei loka fyrir
þann möguleika vegna þess að
mér finnst persónuleiki Blairs
meira heillandi en persónuleiki
Bush,“ sagði hann. „Blair er ekki
bjáni, Blair er gáfaður, hvaða af-
sökun hefur hann? Hann veit
betur.“
Þegar Moore var spurður að
því hvort nýjasta mynd hans,
Fahrenheit 9/11, um stefnu Bush í
Írak næði ekki bara eyrum þeirra
sem eru sammála honum og syng-
ja í takt, svaraði Moore því til að
hann vonaði að svo væri. „Banda-
ríski kórinn hefur verið sofandi og
ég vona að myndin vekji hann og
gefi honum lag til að syngja. Mið-
að við að myndin er að slá öll að-
sóknarmet, myndi ég segja að við
séum að ná markmiðum okkar.“
Hann bætti svo við að hann vonað-
ist til að vegna myndarinnar
myndi Bush tapa forsetakosning-
unum í haust. „Það eina sem ég
veit núna er að vegna hennar er
mikið af poppi keypt, við sjáum
svo til hvað gerist í nóvember.“
Á þriðjudag sagði hann á blaða-
mannafundi að hann vonaðist til
að einnig yrði stjórnarbreyting í
Ástralíu og Japan vegna myndar-
innar. ■
ANGELINA JOLIE
Hollywoodstjarnan er stödd í Bankok og notaði tækifærið til að fá sér myndarlegt tígris-
tattú hjá hinum heimsfræga húðflúrsmeistara Sompong Kanphai. Sagan segir að þetta sé
í annað sinn sem Jolie fer til Bankok til að fá sér tattú.
Britney Spears hefur ákveðið aðgera engan samning
við unnusta sinn áður
en hún giftist honum.
Fræga fólkið er þekkt
fyrir að gera samninga
um eignaskipti
komi til skilnaðar
áður en gengið
er upp að alt-
arinu. Britney
segist vera svo
yfir sig ástfang-
in að hún sjái
enga ástæðu til
að gera slíkt,
enda sé hún ekki
að giftast vegna
peninga. Unnusti
hennar, dansarinn
Kevin Federline,
getur því verið
viss um að eiga
nóg af peningum
það sem eftir er,
hvort sem sam-
band hans og
Britney endist
eður ei.
Marlon Brandogerði breytingar
á erfðaskrá sinni,
nokkrum dögum
áður en hann dó.
Hann lét fjármál sín í
hendurnar á öðrum
manni sem átti upp-
haflega að sjá um að
skipta eignum hans. Margir þykjast eiga
tilkall í eignir leikarans og á dögunum
mætti til dæmis ung kona heim til hans
og sagðist vera dóttir hans. Henni var
vísað á dyr.
Leikarinn Johnny Depp þykir mjögsérvitur maður. Hann er nú í Englandi
við tökur á næstu mynd Tim Burton,
Charlie and the Chocola-
te Factory. Eins og allir
leikarar býr hann í
hjólhýsi á tökustað
og fór kappinn
fram á að sérfræð-
ingar myndu inn-
rétta hýsið eins og
arabatjald.
MICHAEL MOORE
Segist vel geta hugsað sér að gera mynd
um Tony Blair. Blair sé ekki bjáni og því
eigi hann að vita betur.
AÐ MÍNU SKAPI
ÞÓRDÍS ELVA ÞORVALDSDÓTTIR, LEIKKONA OG LEIKHÖFUNDUR
Hjólhýsahyski, gospeltónlist
og djúpsteiktur matur
TÓNLISTIN: Flaming Lips diskurinn,
Yoshimi Battles the Pink Robots, hefur
átt hug minn allan síðan ég heyrði hann
fyrst nú í vor. Eins og nafnið gefur til
kynna fjallar hann um aðalsöguhetjuna
Yoshimi sem stendur í ströngu við bleik
vélmenni sem éta fólk. Engar gamlar
klisjur þar á ferð. Auk þess er eitthvað
við Flaming Lips sem gerir mann bara
glaðan. Trabant líka. Maður fær svona
gleðitásur.
BÓKIN: Ég hef verið að lesa talsvert
eftir Söruh Kane upp á síðkastið, til að
mynda leikritin Blasted og 4.48 Psychos-
is sem ég hef verið að dunda mér við að
þýða. Svo hefur það verið á stefnuskrá
allt of lengi að lesa Da Vinci lykilinn og
er ég næst á lista hjá vini mínum yfir fólk
sem vill fá hana að láni. Sem er náttúr-
lega bara léleg afsökun fyrir að vera ekki
búin að kaupa hana sjálf.
BÍÓMYNDIN: Ég horfði á City of God
á DVD um daginn og hef varla náð mér
síðan. Þetta var í fyrsta skiptið á ævinni
þar sem mér fannst ég frekar vera að
horfa á heimildarmynd í stað leikinnar
myndar, hún var svo raunveruleg og vel
gerð í alla staði. Það spillti ekki fyrir að
hún var tekin upp í fátækrahverfum Rio
de Janeiro þar sem hún á að gerast og
það gerði hana enn áhrifameiri. Átakan-
leg og frábær mynd.
BORGIN: Ég er á leiðinni til Athens í
Georgíu, en það er gamli háskólabærinn
minn. Staðurinn er í hjarta Suðurríkj-
anna með öllu sem tilheyrir, hjólhýsa-
hyski, gospeltónlist og djúpsteiktum
mat. Þetta er fyrsta heimsóknin mín eft-
ir útskrift og mikil eftirvænting í mér að
hitta gamla vini. Annars hefur mig alltaf
langað til Prag. Það er næst á listanum.
BÚÐIN: Ég á mér enga uppáhaldsversl-
un hérlendis, en í Atlanta er búð sem
selur allt milli himins og jarðar og heitir
Junkman’s Daughter. Næsta útibú var
nefnt Junkman’s Daughter’s Brother og
var í göngufjarlægð frá heimavistinni
minni. Þar ægir öllu saman af ægilegu
drasli í þvílíku magni að ég fékk nett víð-
áttubrjálæði þegar ég steig fyrst inn í
búðina. Í Junkman’s er m.a. hægt að fá
grímubúninga, sjálflýsandi klukkur, spá-
dómskúlur og pottaplöntur sem éta
skordýr, svo eitthvað sé nefnt.
VERKEFNIÐ: Ég skrifaði verk fyrir
skemmstu fyrir leikhópinn Tengdasyni
Jódísar, en hann samanstendur af dug-
legum og hæfileikaríkum framtíðarleik-
urum Listaháskólans. Verkið heitir Áttu
smit? og segir af manni sem langar að
smitast af eyðni og tilraunir hans til að
fá ósk sína uppfyllta. Þetta hefur verið
skemmtilegt og lærdómsríkt ferli fyrir
okkur sem að sýningunni stöndum.
Áttu smit? verður sýnt á þriðjudagskvöld og ef fólk vill fræðast meira um sýninguna
eða hópinn bendum við á netfangið tengdasynir@hotmail.com