Fréttablaðið - 15.07.2004, Qupperneq 35
23FIMMTUDAGUR 15. júlí 2004
Er ekki verið að taka
af okkur gjald vegna
villikatta sem við berum
enga ábyrgð á? Eru sveitar-
félögin á Suðurnesjum að
ná sér í tekjur af saklausu
fólki sem þykir vænt um
gæludýrið sitt?
Kattavinir taki höndum saman
Kæru kattaeigendur um land allt.
Við sem skrifum undir þessa grein
erum kattaeigendur á Suðurnesjum
og viljum að við kattaeigendur um
land allt spyrni við fótum því nú á
að fara rukka okkur um leyfisgjald
fyrir kettina okkar. Sveitarfélögin á
Suðurnesjum hafa samþykkt tak-
markanir á kattahaldi á Suðurnesj-
um og það verður örugglega stutt
þar til fleiri landshlutar koma á
eftir, sérstaklega þar sem umhverf-
isráðuneytið stendur að þessari
samþykkt. Ísafjarðarbær er þegar
búinn að samþykkja svipaðar tak-
markanir. Miðað við gjaldskrá sem
var gefin út hér af sveitarfélögun-
um verðum við öll sem eitt að taka
okkur saman og mótmæla harðlega.
Samþykktin hljóðar upp á leyfis-
gjald, skyldutryggingu (gæludýra-
tryggingu), greiðslu á öllum hugs-
anlegum skemmdum sem kötturinn
gæti orðið valdur að o.fl. o.fl. Jafn-
framt eru ákvæði um merkingu og
spóluormahreinsun, sem er að sjálf-
sögðu hið besta mál, bæði fyrir
kettina okkar og okkur sjálf. Heil-
brigðiseftirlit Suðurnesja er fram-
kvæmdaaðili að þessari samþykkt
og eru sveitarfélögin á Suðurnesj-
um búin að samþykkja gjaldskrá
yfir skráningargjald á köttum hér.
Skráningargjaldið skal vera við
skráningu kattarins í eingreiðslu
15.000 krónur, en fyrir þá sem nú
þegar eiga ketti geta sloppið með
10.000 kr. ef þeir skrá köttinn sinn
fyrir 10. ágúst nk. En jafnframt er
þeim möguleika haldið opnum að
það geti síðar orðið um frekari
gjaldtöku að ræða. Í ljósi þess að
tryggja verður köttinn, að eigandi
sé alfarið ábyrgur fyrir öllu tjóni
sem kötturinn getur valdið þá er
þessi upphæð óskiljanlega há. Fyrir
hverju er þessi gjaldtaka? Er ekki
verið að taka af okkur gjald vegna
villikatta sem við berum enga
ábyrgð á? Eru sveitarfélögin á Suð-
urnesjum að ná sér í tekjur af sak-
lausu fólki sem þykir vænt um
gæludýrið sitt? Alla vega er það al-
veg kristaltært að heimilisköttur
sem vel er hugsað um er ekki á úti-
gangi, né heldur að valda skemmd-
um hér og þar. Þannig að okkur sýn-
ist þetta vera gjaldtaka á röngum
forsendum. Látum vera þó eitt-
hvert skráningargjald yrði tekið, en
15.000 kr. það er alveg út í hött. Það
eru nokkrir aðilar á Suðurnesjum
og meira að segja fólk úr Reykjavík
sem hefur verið hugsa mjög alvar-
lega um að stofna félag kattaeig-
enda til að gæta hagsmuna okkar og
kattana okkar. Við viljum benda
ykkur á umræðuefni um þetta mál
og skorum á ykkur að taka þátt á
netinu, til að komast þangað er
heimasíðan: hugi.is/kettir/. Ef þið
eftir þennan lestur hefðuð áhuga á
að vera með í stofnun félagsins þá
megið þið hafa samband við neðan-
skráða: Anna Sigga, Grindavík, sími
690 5087, Ísleifur Björnsson, Njarð-
vík, sími 861 3906, eftir kl. 18, Ingi-
gerður Guðmundsdóttir, Njarðvík,
sími 861 3904, Steinunn Hlynsdótt-
ir, Reykjavík, sími 567 6734, net-
fang: steinunn@lanasysla.is og
nonni@fjoltengi.is, og Össur
Valdimarsson, Keflavík, sími 895
7155, netfang: ossur40@visir.is. ■
UMRÆÐAN
LEYFISGJALD FYRIR KETTI
,,
AF NETINU
Ekki rétt niðurstaða
Múrinn hefur ákveðið að veita stíl- og
rökfræðiverðlaun júlímánaðar. Þau hlýt-
ur Hákon Skúlason sem tilheyrir forystu
Félags ungra framsóknarmanna. Téður
Hákon birtir nýlega grein á Hriflu sem
ber nafnið „Þjóðaratkvæðagreiðsla hefði
ekki sýnt rétta niðurstöðu“. Svo við byrj-
um á að ræða þennan titil þá er hann
auðvitað hrein snilld og vekur óteljandi
spurningar. Hvernig getur niðurstaða
atkvæðagreiðslu orðið röng? Höfum við
misskilið lýðræðið allan tímann?
Katrín Jakobsdóttir á murinn.is
Skattarnir
Tæpur helmingur allra launa sem við
vinnum okkur inn fer í skatta. Þar af fer
tæpur helmingur fúlgunnar í útsvar til
sveitarfélagsins en restin til ríkisins. Þeir
sem ekki skilja reiði mína né annarra
frjálshyggjumanna yfir þessum skyldu-
greiðslum til ríkis og sveitarfélaga líta
gjarnan til þeirrar þjónustu sem þar er
veitt. Ekki myndum við vilja vera án
hennar, við erum jú samfélag. En reiðin
er ekki runnin undan því að þessi þjón-
usta skuli veitt heldur með hvaða hætti.
Helga Baldvinsdóttir Bjargardóttir
á frelsi.is
Mórall í löggunni
Enn á ný verður að gera athugasemdir
við þann móral sem virðist ríkja innan
lögreglunnar. Sú tilfinning vaknar sterk-
lega að sumir innan lögreglunnar og
stjórnsýslunnar upplifi íslenskan veru-
leika á allt annan hátt en hinn almenni
borgari. Hvernig dettur mönnum í hug
að koma með svona hugmyndir [um
tölvukubb til eftirlits í alla bíla landsins]
eftir alla þá þróun sem hefur orðið á
síðustu árum í mannréttindamálum hér
á landi?
Andri Óttarsson lögfræðingur
á deiglan.com
Veikt löggjafarvald
Gleymum því ekki að á Íslandi er löggjaf-
arvaldið svo veikt að það er varla meira
en formsatriði. Þingmenn beygja sig
undir vilja framkvæmdavaldsins sem
sést best á því að á yfirstandandi þingi
voru samþykkt vel á annað hundrað rík-
isstjórnarfrumvörp á móti einu þing-
mannafrumvarpi. Framkvæmdaræðið á
Íslandi hefur náð nýjum hæðum og er
kominn tími til þess að taka aftur upp
þingræði. Það verður ekki gert með því
að framkvæmdavaldið taki völdin með
brellum af öðrum handhafa löggjafar-
valdsins: Forseta Íslands.
Grímur Atlason á vg.is/postur
Annarleg forgangsröðun
Við verðum að standa vörð um lýðræðið
í landinu og því er umræðan um fjöl-
miðlafrumvarpið nauðsynleg. Við meg-
um þó ekki gleyma okkur í hita leiksins
og líta fram hjá þeim vandamálum sem
menntamál á Íslandi standa frammi fyrir,
sama á hvaða stigi skólastigsins um er
að ræða. Það verður að sporna við hinni
annarlegu forgangsröðun sem á sér stað
í menntamálaráðuneytinu þar sem
sparnaður virðist vera efst á lista og
menntunin sjálf mun neðar.
Hrafn Stefánsson á politik.is
ANNA SIGGA, ÍSLEIFUR, INGIGERÐ-
UR, STEINUNN OG ÖSSUR