Fréttablaðið - 31.07.2004, Blaðsíða 32

24 31. júlí 2004 LAUGARDAGUR
Sumt gleymt og grafið
– annað lifir góðu lífi
Mikill fjöldi manns ferðast um landið þessa helgina, langflestir þeirra fara á einhverja skipulagða hátíð þar sem dansinn
mun duna og ýmislegt sem enginn veit gerist inn í tjöldum. Allir þekkja Eyjar, Akureyri og hina alræmdu Eldborgar-
hátíð. En í minningu margra eru það Rauðhettumótin, Þórsmörk eða Atlavík sem standa upp úr sem hin eina sanna
útihátið um verslunarmannahelgi.
Útihátíðir sækja í sig veðrið
Á seinni hluta sjöunda ára-
tugar fóru útihátíðir um
verslunarmannahelgi á
Íslandi að sækja verulega í
sig veðrið þó þær hafi alltaf
verið til staðar. Fyrir þann
tíma þótti vinsælla að
skemmta sér saman um
hvítasunnuhelgina. Ein af
útihátíðunum sem urðu gíf-
urlega vinsælar á þessum
tíma um verslunarmanna-
helgina var útihátíðin í
Húsafelli. Þar spiluðu fjöl-
margar vinsælar hljóm-
sveitir á þeim árum sem
hún var haldin og má þar
nefna Brimkló, Hljóma,
Náttúru og Pops. „Ég spil-
aði í Húsafelli 1969 með
Pops og árið 1979 með Nátt-
úru og þetta var aðalstaður-
inn,“ segir Pétur Kristjáns-
son tónlistarmaður. „Ég fór
reyndar fyrst í Húsafell
árið 1967 til að skemmta
mér, þá aðeins fimmtán ára.
En það var ofsa gaman að
spila á þessum stóru útihá-
tíðum. Útihátíðir voru að
byrja á þessum tíma og
þekktust ekki mikið áður.
Ég skemmti mér alveg
rosalega vel enda var ég
frekar ungur,“ segir Pétur
sem spilaði einnig á Rauð-
hettumótinu sem skátarnir
stóðu fyrir á Úlfljótsvatni.
„Ég spilaði með Paradís
árið 1976 og Póker árið á
eftir á Rauðhettumótinu.
Það var mjög fínt á þeirri
hátíð þar sem skátarnir
héldu öllu innan velsæmis-
marka. Það mættu yfirleitt fimm til sex þúsund manns á þessa hátíð og ég held að allir sem hafi sótt hana
hugsi til hennar með ljúfar minningar. Ég var að spila í mjög vinsælum hljómsveitum á þessum tíma og
áhorfendur voru mjög ánægðir með þær,“ segir Pétur og bætir við að Rauðhettumótið hafi verið í uppá-
haldi af útihátíðunum. „Það var reyndar alltaf mjög gaman um verslunarmannahelgina. Þetta var aðal-
giggið á árinu.“ ■
Veðrið gerði út af við Viðey
Sumarið 1984 var ákveðið að halda stórhátíð í okkar ástkæru eyju Viðey og þar var tónlistarmað-
urinn Magnús Kjartansson í broddi fylkingar. Þá var gerð fyrsta tilraun til útihátíðar í höfuð-
staðnum en heppnaðist þó ekki eins vel og vonað var. Meðal skemmtiatriða voru hljómsveitirnar
Kukl, Svart hvítur draumur og auðvitað hljómsveit Magnúsar Kjartanssonar. Því miður féll þessi
hátíð í skugga komu poppgoðsins Ringo Starr í Atlavík og veðrið hjálpaði ekki heldur til. „Þetta
gekk alls ekki vel. Það fór allt úr lagi sem gat farið úr lagi; löggæsla,
veður og allt. Við vorum nokkur sem komum þarna saman og
munum eftir hátíðinni og flæktumst í eyjunni í misklíð og vos-
búð. Hljómsveitirnar mættu eftir föngum þar sem það var
ófært út í eyjuna og bátar gátu ekki lagst að bryggju. Því vek-
ur þessi hátíð ekki upp góðar minningar og hef ég reynt að
gleyma henni og öllum skuldunum sem henni fylgdu,“ segir
Magnús Kjartansson tónlistarmaður sem gerir þó góðlátlegt
grín að öllu saman. „Ég held ég reyni þetta ekki aftur heldur
leyfi öðrum að prófa. Það kemur að því að Viðey verður notuð
í hátíðarhöld þar sem þetta er alveg tilvalinn staður og algjör
útivistarperla,“ segir Magnús og vonast væntanlega eftir
betra veðri fyrir þann sem á eftir honum kemur.
Eftirminnilegt er áramótaskaup ársins
1984 þar sem þáverandi hjónin Gísli Rúnar
Jónsson og Edda Björgvinsdóttir nærðust
á óförum Magnúsar og notuðu þær sem
dásamlegan efnivið í frábært skaup.
Allt var þetta þó í gríni gert og getur
fólk nú horft aftur til hátíðarinnar og
hlegið að öllu saman. ■
Stuðmenn setja
s-ið í stuðið
Stuðmenn er sú hljómsveit sem margir telja
að hafi vakið útihátíðarmenningu upp á nýtt
plan með hátíðum sínum í Atlavík 1982-1988,
að árinu 1987 frátöldu, og í Húnaveri árin 1989
til 1991. Þessar hátíðir lifa í minnum manna
eflaust um alla tíð og hafa sannarlega sett sinn
svip á verslunarmannahelgina gegnum tíðina.
Ekki spillti svo fyrir að Bítlagoðið Ringo Starr
mætti á hátíðina árið 1984. „Útihátíðin í Atla-
vík varð þannig til að við vorum að taka upp
myndina okkar Með allt á hreinu og vantaði
stað til að kvikmynda útihátíð. Þá kom fyrst
upp sú hugmynd um þennan stað og það var
frekar auðsótt mál á þessum tíma. Hátíðin
heppnaðist líka svona vel og fór stigvaxandi
með árunum. Þetta var frábær hátíð í frábæru
umhverfi og áttum við í mjög farsælu sam-
starfi við ungmenna- og íþróttasamband Aust-
urlands. Við eigum bara góðar minningar frá
Atlavík þar sem umhverfið, náttúrufegurðin,
aðstaðan og fólkið lagðist á eitt til að skapa það
góða hátíð að slíkt hefur ekki verið gert aftur
með sambærilegum hætti,“ segir Jakob
Frímann Magnússon, einn af Stuðmönnum.
„Við hlökkuðum alltaf til næsta árs í Atlavík
þangað til skógarvörðurinn tók af skarið og
taldi það ekki passa lengur að halda hátíðina.“
En útihátíðin var ekki það eina sem var eft-
irminnilegt. „Dvölin á Húsmæðraskólanum í
Hallormsstað var einstaklega eftirminnileg.
Þar var saga skólans myndum prýdd á göng-
unum og þar var hægt að líta sómakærar
heimasætur allt frá stofnun skólans og til
þessa dags. Ég fegin að kvenlegur yndisþokki
hefur vaxið í réttu hlutfalli við hækkandi ár-
töl,“ segir Jakob.
Stuðmenn sögðu ekki staðar numið við úti-
hátíðina í Atlavík og héldu næst í Húnaver.
„Útihátíðirnar í Húnaveri voru fínar og
skemmtilegar hátíðir. Vesen í kringum þær
hátíðir var aðeins stormur í fjölmiðlatebollum
og litlir gustar í tekoppum örfárra blaða-
manna sem raskaði ekki ró okkar. Við áttum
afskaplega farsæl samskipti við Húnvetninga
og það má gefa bæði sýslumanni og lögreglu á
Blönduósi hrós fyrir samstarfið. Umfjöllunar-
efni fjölmiðla um verslunarmannahelgina
virðist yfirleitt vera ruslið sem myndast á
svæðinu sem er samt horfið þrem dögum eftir
að hátíð lýkur. Mér finnst gaman að sjá hverju
fjölmiðlar taka upp á að fjalla um núna í ár,“
segir Jakob.
„Hátíðirnar voru
mjög vinsælar og í
látúnsbarkakeppnun-
um og hljómsveitar-
keppnunum stigu
margar frægar
hljómsveitir sín
fyrstu skref. Það má
því segja að þessar
keppnir hafi verið
Idol-keppnir síns
tíma,“ segir Jakob en
Stuðmenn munu
skemmta á Neista-
flugi í Neskaupstað í
ár eins og í fyrra. „Í
Neskaupstað er mjög
ánægjulegur félags-
skapur og eigum við
okkar bestu útihátíð-
arminningar frá
Austurlandi.“ ■
PÉTUR KRISTJÁNSSON Spilaði fyrst í Húsafelli
1969 og heldur mikið upp á Rauðhettumótin.
JAKOB FRÍMANN
MAGNÚSSON Stuð-
menn eru taldir hafa lyft
grettistaki í útihátíðar-
menningu landans með
Atlavíkurhátíðum.
MAGNÚS KJARTANSSON Ætlaði
að halda stórhátíð í Viðey en ekkert
gekk samkvæmt áætlun.