Fréttablaðið - 04.08.2004, Side 33

MIÐVIKUDAGUR 4. ágúst 2004
VI
LEÐJUKOSS Á ROKKHÁTÍÐ
Mikil rokkhátíð var haldin um síðustu helgi í Kostrzyn við landamæri Póllands og
Þýskalands. Hátíðin, sem kallast Woodstok in Kostrzyn, var sú tíunda í röðinni og
sóttu hana um 200 þúsund pólsk ungmenni. Ungt par lét ekki leðjuna á sig fá og
kysstist vel og lengi af mikilli nautn.
■ MÓTMÆLI
„Þetta eru góðlátleg mótmæli
gegn allri leðurnotkuninni í Gay
Pride-göngunni,“ segir Magnús
Skarphéðinsson, fulltrúi íslenskra
dýravina, en haldin verða mót-
mæli klukkan tólf að hádegi fyrir
framan styttu Jóns Sigurðssonar.
„Á svæðinu verður einn dýra-
vinur klæddur í kúabúning og
tveir erlendir fulltrúar frá PETA,
stærstu dýraverndunarsamtökum
í heimi. Annar þeirra er samkyn-
hneigður Íri sem hefur barist
ötullega fyrir réttindum dýra.
Hann ætlar að klæðast leðurlíki
til að sýna fram á að það er jafn
flott og leðrið.“
Magnús segir hugmyndina að
mótmælunum hafa komið upp í
fyrra. „Við erum búin að fá fullt
af fyrirspurnum því víða um heim
er Gay Pride-dagurinn auglýstur
sem The Gay Pride Leather
Summit. Við fögnum því að sam-
kynhneigðir veki athygli á rétt-
indum sínum en finnst sorglegt að
þegar verið er að vekja athygli á
réttindum eins minnihlutahóps að
það sé um leið traðkað á öðrum. Á
bakvið hverja leðurflík er ólýsan-
leg þjáning nautgripanna sem
eiga þessi skinn. Mest af leðrinu
hér á landi kemur erlendis frá og
þar eru verri aðstæður fyrir naut-
gripi og dýrin hljóta verri örlög
hvort sem þau eru ætluð til kjöt-
neyslu eða leðurgerðar. Við
styðjum þennan hryllingsiðnað
erlendis frá með því að kaupa
leður og nota hann hér á landi.
Margir samkynhneigðir gera út á
leðrið og við viljum hvetja sam-
kynhneigða og gagnkynhneigða
til að nota leðurlíki sem er alveg
jafn flott, minna skaðlegt fyrir
umhverfið og veldur engum
þjáningum.“
Mótmælendurnir sem verða
fyrir framan styttu Jóns í dag
ætla sér að halda á spjöldum sem
meðal annars stendur á „Sönnu
stolti fylgir aldrei þjáning“ og
„Hommar: Notum gúmmíið - Ekki
leðrið!“ ■
MÓTMÆLI
Þessi kýr verður við styttu Jóns Sigurðssonar klukkan 12 í dag til að mótmæla notkun
leðurs í Gay Pride-göngunni en samskonar mótmæli hafa verið haldin erlendis.
Vilja að hommar noti
gúmmí en ekki leður