Fréttablaðið - 22.09.2004, Blaðsíða 4
4 22. september 2004 MIÐVIKUDAGUR
Lýsti yfir hræðslu í
garð sakborninga
Sautján ára drengur segir Stefán Loga Sívarsson hafa ógnað sér með öxi
og hótað að henda honum fram af svölum áður en hann gekk í skrokk á
honum. Stúlka sem bar vitni fyrir dómi sagðist hrædd við sakborninga.
DÓMSMÁL Sautján ára drengur
vitnaði í gær gegn Stefáni Loga
Sívarssyni sem er ákærður fyrir
þrjár líkamsárásir. Drengurinn
sagði Stefán Loga hafa ógnað sér
með öxi skömmu áður en líkams-
meiðingarnar hófust. Stúlka sem
bar vitni í málinu var mjög
hrædd við Stefán Loga og annan
mann sem einnig er ákærður
fyrir tvær árásanna. Hennar ósk
var að þeir viku úr dómsal á
meðan hún bæri vitni.
Líkamsárásirnar sem Stefán
Logi er ákærður fyrir voru
framdar á tveimur dögum í
byrjun apríl síðastliðinn. Á þeim
tíma var Stefán Logi nýkominn úr
fangelsi og var á reynslulausn.
Eftir fyrstu líkamsárásina fór
lögreglan í Reykjavík fram á
gæsluvarðhald yfir Stefáni. Dóm-
ari hafnaði gæsluvarðhaldsbeiðn-
inni og Stefáni var sleppt lausum.
„Hann náði í risaöxi fyrir aftan
sófann og ógnaði mér. Þetta leit út
eins og grín en ég veit hvað hann
hefur gert í fortíðinni og vissi
ekki hvað ég ætti að gera,“ sagði
sautján ára piltur sem vitnaði
gegn Stefáni fyrir dómi í gær.
Síðan sagði hann Stefán hafa
tekið um axlirnar á sér og sagst
ætla að henda honum fram af
svölunum. Hann hafi reynt að rífa
sig lausan frá Stefáni og þá hafi
augu hans orðið brjálæðisleg.
Stefán hafi slegið hann á kjaftinn
og aftur í magann eftir að hann
féll á sófann. Að lokum segir
hann Stefán hafa sparkað í
magann á sér þar sem hann lá í
gólfinu. Árásin átti sér stað á
heimili Stefáns Loga þar sem þeir
tveir og annar maður voru að
neyta fíkniefna. Drengurinn
hlaut við árásina lífshættuleg inn-
vortis meiðsl. Drengurinn býr nú
í Bandaríkjunum.
Rúmlega tvítug stúlka sem
Stefán og annar maður eru sakað-
ir um að hafa beitt líkamlegu of-
beldi mætti sem vitni fyrir rétt-
inn. Hún sagði Stefán Loga ekki
hafa gert sér neitt heldur hefði
hinn maðurinn slegið hana
nokkrum sinnum. Í skýrslutöku
hjá lögreglu sagði hún Stefán hins
vegar hafa ráðist á sig. Auk þess
báru tvær konur vitni um að hafa
séð Stefán beita hana ofbeldi.
Stefán hlaut tveggja ára fang-
elsisdóm fyrir líkamsárás árið
2002 á heimili sínu á Skelja-
granda, auk annarrar líkams-
árásar sem hann framdi sama
dag. Gæsluvarðhald yfir Stefáni
rennur út þann sjötta október.
hrs@frettabladid.is
Miss Bjarnadóttir:
Keppir í
Kína
FEGURÐARSAMKEPPNI Halldóra Rut
Bjarnadóttir verður fulltrúi
Íslands í keppninni Miss
International 2004, sem fram fer í
Peking í Kína 16. október næst-
komandi, að því er fram kemur í
fréttatilkynningu frá Fegurðar-
samkeppni Íslands.
Halldóra Rut heldur til Tókýó
næsta laugardag, þar mun hún
dveljast ásamt um 60 öðrum kepp-
endum til 7. október. Þá fer hópur-
inn til Kína þar sem keppnin
verður haldin. Mun það vera í
fyrsta sinn í 44 ára sögu keppn-
innar að hún er haldin utan Japans
eða Bandaríkjanna. ■
Ástþór Magnússon
svarar fyrir sig:
Tók myndir
úr körfubíl
FJÖLMIÐLAR Ástþór Magnússon, fyrr-
um forsetaframbjóðandi og
forsvarsmaður Friðar 2000, tók
myndir af starfsmönnum Fréttar í
gær, í gegnum glugga á annarri hæð
úr körfubíl. Með þessu vildi Ástþór
svara fyrir sig, en Ástþór telur
umfjöllun DV um sig hafa farið út
fyrir velsæmismörk undanfarið.
„Mér var algerlega nóg boðið
þegar ljósmyndari DV réðst að
mér með tilefnislausri myndatöku
inn um glugga á einkabifreið
minni stutt frá sjúkrahúsinu
Landakoti þar sem ég var að
heimsækja móður mína á líknar-
deild,“ segir Ástþór á heimasíðu
sinni. Ástþór ákvað því að svara í
sömu mynt og á heimasíðu hans
má sjá myndir sem hann tók af
Illuga Jökulssyni, ritstjóra DV, nú
í upphafi vikunnar, þar sem Illugi
er fyrir utan heimili sitt ásamt
eiginkonu sinni.
Í gær ákvað svo Ástþór að
bæta um betur og mæta með
körfubíl fyrir utan hús Fréttar og
taka myndir inn um gluggann.
Mæltist uppátækið ágætlega fyrir
meðal starfsmanna. ■
Á ríkið að aðstoða einkafyrirtæki
við að byggja upp þráðlaus dreifi-
kerfi á landsbyggðinni?
Spurning dagsins í dag:
Ráða sveitarfélögin við rekstur grunn-
skóla?
Niðurstöður gærdagsins
á visir.is
53.97%
46.03%
Nei
Já
KJÖRKASSINN
Farðu inn á fréttahluta visir.is
og segðu þína skoðun
GUÐRÚN SESSELJA ARNARDÓTTIR OG STEFÁN LOGI SÍVARSSON
Ekki tókst að ljúka aðalmeðferð í málinu gegn Stefáni Loga þar sem síðasta vitnið í mál-
inu mætti ekki fyrir rétt.
FR
ÉT
TA
B
LA
Ð
IÐ
/G
VAÁSTÞÓR MEÐ MYNDAVÉLINA
Ástþór kom með körfubíl að húsi Fréttar
og tók myndir inn um gluggann á annarri
hæð.
HALLDÓRA RUT BJARNADÓTTIR
Önnur íslensk „Miss Bjarnadóttir“ sigraði
keppnina Miss International árið 1963. Þá
var það Guðrún Bjarnadóttir sem varð fyrst
íslenskra kvenna til að sigra í alþjóðlegri
fegurðarsamkeppni.
FR
ÉT
TA
B
LA
Ð
IÐ
/H
AR
I
AFSALAR SÉR RÍKISBORGARA-
RÉTTI Mijailo Mijailovic, morð-
ingi Önnu Lindh, hefur afsalað
sér sænskum ríkisborgararétti.
Mijailovic er fæddur í Svíþjóð
en foreldrar hans í Júgóslavíu,
eftir afsalið hefur hann því að-
eins serbneskan ríkisborgara-
rétt. Óvíst er hvort þetta hafi
áhrif á afplánun hans eða vist á
geðsjúkrahúsi.
■ NORÐURLÖND
FERÐALÖG Ásthildi Guðjónsdóttur,
bílstjóra hjá Teiti Jónassyni, brá
ekki lítið þegar hún sá bústinn hana
á vappi á bílastæði fyrirtækisins
í Kópavogi. Hún hafði nefnilega
séð þennan sama hana uppi á
Indriðastöðum í Skorradal nokkrum
klukkustundum áður. Enn skilur
enginn hvernig hann komst í bæinn.
„Ég fór með hóp í rútunni upp að
Indriðastöðum,“ sagði Ásthildur,
sem fór ferðina í fyrradag. „ Síðan
ók ég til baka. Þegar ég lagði rútunni
á bílaplaninu í Kópavogi sá ég mér
til mikillar furðu, að hani sem ég
hafði veitt athygli á Indriðastöðum
var á vappi á planinu. Við fönguðum
hann og settum í kassa. Hann hefur
nú verið sóttur að því ég best veit.“
Ásthildur kvaðst enga hugmynd
hafa um hvernig haninn hefði
komist með rútunni í bæinn. Hann
hefði ekki verið inni í henni, svo
mikið væri víst. ■
Rútuferð til borgarinnar:
Hani gerðist laumufarþegi
LAUMUFARÞEGINN
Bílstjórinn með laumufarþegann undir hendinni.
KJARADEILUR Nýtt útgerðarfélag
utan um ísfisktogarann Sólbak
frá Akureyri er háalvarleg
aðför að stéttarfélögum sjó-
manna, segir Árni Bjarnason,
forseti Farmanna- og fiski-
mannasambands Íslands og
formaður í félagi skipstjórnar-
manna. „Þetta er það grófasta
sem ég hef horfst í augu við í
kjaramálum sjómanna,“ segir
Árni.
Hann segir að málaferli komi
til greina ef ekki gangi að sporna
við breytingunni með öðrum
hætti. „Ég bind mestar vonir við
að Alþýðusambandið komi að
málunum og félög innan þess
neiti að afgreiða skipið,“ segir
forseti Farmanna- og fiskimanna-
sambandsins.
Guðmundur Kristjánsson, for-
stjóri útgerðarfyrirtækisins
Brims, en það er eigandi rekstrar-
félags Sólbaks, segir möguleika á
að allt fyrirtækið verði dregið út
úr Landssambandi íslenskra
útvegsmanna (LÍÚ).
„Útgerðarmaðurinn og sjómað-
urinn verða að geta talað saman
um útgerðina. Hvort sem það er í
gegnum heildarsamtök eða ekki,
verður að koma í ljós,“ segir
Guðmundur.
Árni segir að eðlilegra hefði
verið ef Guðmundur hefði samið
við samtök sjómanna um kjör um
borð í Sólbaki. „Í staðinn stillir
hann körlunum sínum upp við
vegg með hótunum og notar
verstu leið gagnvart þeim til að ná
sínum markmiðum fram,“ segir
Árni.
Guðmundur segir útgerðina
hafa beðið forystumenn sjómanna
um nútímalegri kjarasamninga í
byrjun júlí og aftur í september. Á
þeim bænum hafi hins vegar ekki
verið tekið undir þær óskir.
Sjá viðtal við Guðmund Kristjánsson
á síðu 10.
Forseti Farmanna- og fiskimannasambands Íslands:
Háalvarleg aðför að stétt sjómanna
ÁRNI BJARNASON:
Segir að sjómönnum á Sólbaki hafi verið
stillt upp við vegg með hótunum.