Fréttablaðið - 22.09.2004, Blaðsíða 16
MESTA HÆKKUN
Jarðboranir 10,77%
Og Fjarskipti 4,59%
Bakkavör 1,43%
ICEX-15 3.612
KAUPHÖLL ÍSLANDS [ HLUTABRÉF ]
Fjöldi viðskipta: 365
Velta: 1.682 milljónir
-0,66%
MESTA LÆKKUN
KB banki -1,78%
Íslandsbanki -0,97%
Medcare -0,76%
MARKAÐSFRÉTTIR...
Breska verslunarkeðjan Tesco
sendi frá sér uppgjör í gær.
Tesco er stærsti viðskiptavinur
Bakkavarar. Uppgjörið sýnir
áframhaldandi vöxt sem er á
kostnað keppinauta en almennt
hefur dregið saman í smásölu í
Bretlandi.
Alþjóðaviðskiptastofnunin,
OECD, hefur birt endurskoðaða
spá um hagvöxt. Í nýju spánni er
gert ráð fyrir hærri hagvexti í
Evrópu frá fyrri spá, en hagvaxt-
arspá fyrir Bandaríkin hefur verið
lækkuð.
Ávöxtunarkrafa ríkisbréfa hélt
áfram að lækka í gær í töluverð-
um viðskiptum, en lækkun dags-
ins var á bilinu 6-10 punktar.
Breskir fjölmiðlar halda áfram að fjalla um yfir-
tökutilboð Baugs á Big Food Group. Stjórn BFG
hefur lýst stuðningi við tilboðið, en enn eru nokkrir
sérfræðingar á markaðnum sem ekki eru vissir um
að hugur fylgi máli hjá Baugi.
Einhverjir töldu einboðið fyrir Baug að innleysa
hagnað af upphaflegri fjárfestingu.
Gengi BFG hefur ríflega tvöfaldast
frá fyrstu kaupum Baugs í fyrirtæk-
inu. Þeir sem þannig hugsa telja
þá yfirtökutilboðið til þess fallið
að laða aðra að borðinu svo
Baugur fái sem mest fyrir
sinn snúð.
Talsmenn Baugs neita
öllum slíkum vangavelt-
um og telja að þeir geti
með aðkomu að fyrir-
tækinu náð meiru út úr
rekstrinum en raunin
hefur verið undanfarið.
Dómari í Bandaríkjunum
hefur orðið við ósk Mörtu Stewart um að hefja
afplánun dóms vegna hlutabréfasvindls. Stewart
mun hefja afplánun 8. október. Hún þarf að sitja
inni í fimm mánuði en að þeirri afplánun lokinni
mun hún sitja í stofufang-
elsi aðra fimm mánuði.
Marta Stewart er
frægur innanhúss-
hönnuður og rek-
ur fyrirtæki sem
sérhæfir sig í vör-
um til að fegra
heimili. Hún hef-
ur óskað eftir að
fá að afplána dóm-
inn nærri eigin heimili
og ekki að efa að hún
mun hafa góð áhrif
á umhverfið í
fangelsinu með-
an á dvölinni
stendur.
16 22. september 2004 MIÐVIKUDAGUR
Hagfræðingur hjá OECD
segir „gullbúr“ velferðar-
kerfa draga úr möguleikum
fólks á að flytjast á milli
svæða í atvinnuskyni.
Tímasetning á upptöku evrunnar
var óheppileg þar sem innleiðing
hennar kom samtímis almennri
niðursveiflu í efnahagslífi í
Evrópu. Fyrir vikið hefur evran
orðið að blóraböggli fyrir slaka í
efnahagslífi aðildarríkjanna. Þetta
segir Paul van den Noord hagfræð-
ingur hjá OECD.
Van den Noord hélt í gær fyrir-
lestur á vegum Samtaka iðnaðarins
og Háskóla Íslands. Þar fór hann
yfir áhrif evrunnar. Hann telur
áhrifin almennt hafa verið góð og
muni batna eftir því sem lengra
líði á samstarfið.
Í samtali við Fréttablaðið segist
van den Noorde ekki búast við því
að Ísland ætti erfitt með að upp-
fylla skilyrði um upptöku evrunn-
ar ef landið yrði aðili að Evrópu-
sambandinu. „Stærsta hindrunin
er auðvitað sú að gerast aðili að
Evrópusambandinu. Það er pólitísk
spurning,“ segir hann.
Hann segir að líta verði til þess
að þótt upptaka sameiginlegs
gjaldmiðils dragi úr möguleikum
stjórnvalda til þess að bregðast við
efnahagssveiflum þar sem pen-
ingamálastefnan væri ekki í þeirra
höndum þá mætti einnig benda á
að hættan á hagstjórnarmistökum
yrði minni.
Almennt er talið að ein forsenda
þess að upptaka sameiginlegs
gjaldmiðils sé heppileg sé að
vinnuafl geti með auðveldu móti
flust um set innan myntsvæðisins.
Þetta á ekki við á evrusvæðinu eins
og staðan er nú.
„Sumt af þessu hefur með hug-
arfar og menningu að gera. En þó
sýnir saga Evrópu að það þarf ekki
að sækja lengra aftur en til sjö-
unda áratugarins til að sjá að þá
fluttust Evrópumenn á milli landa
jafnvel í láglaunastörfum,“ segir
hann. Hann segir að stærsta hindr-
unin nú sé sú að fólk eigi erfitt með
að flytja sökum þess að það njóti
öryggis innan velferðarkerfis
heimalands síns – þeir eru því í
eins konar „gullbúri.“
Van den Noord segir að núver-
andi stefna Evrópusambandsins
byggist á þeirri hugmynd að flytja
eigi störf til fólksins í staðinn fyrir
að gera fólki auðveldara með að
flytjast þangað sem störf er að
finna. „Þetta er bæði dýrt og tíma-
frekt,“ segir hann.
Þorsteinn Þorgeirsson, hag-
fræðingur Samtaka iðnaðarins,
hélt einnig erindi á fundinum.
Hann segir að nýjar rannsóknir
gefi til kynna að ávinningur af upp-
töku evrunnar sé meiri en upphaf-
lega var talið. Hann segir að sínar
rannsóknir, sem gagnrýndar hafi
verið fyrir bjartsýni, hafi jafnvel
verið í hóflegri kantinum.
thkjart@frettabladid.is
Evran blóraböggull
vidskipti@frettabladid.is
Engir starfandi
stjórnarformenn
Peningaskápurinn…
HLUTABRÉF Í ÚRVALSVÍSITÖLU: Actavis 50,0 - • Bakkavör 28,40 +1,43%
• Burðarás 14,50 -0,68% • Atorka 4,60 - • HB Grandi 7,70 +1,99% • Ís-
landsbanki 10,20 -0,97% • KB banki 496,00 -1,78% • Landsbankinn
12,00 - • Marel 53,00 - • Medcare 6,55 -0,76% • Og fjarskipti 3,87
+4,59% • Opin kerfi 26,10 -0,76% • Samherji 12,60 +0,80% • Straumur
8,40 - • Össur 85,50 +0,59%
RÆDDU KOSTI EVRUNNAR Gylfi Magnússon, deildarforseti Viðskipta og hagfræðideild-
ar HÍ, stjórnaði fundi þar sem Paul van den Noord og Þorsteinn Þorgeirsson ræddu kosti
evrunnar.
Fyrirtækið Oz gekk frá samningi
í gær um kaup Vantagepoint
Venture Partners á hlutabréfum í
OZ fyrir um tvo milljarða króna.
Oz er afsprengi Oz.com sem
miklar vonir voru bundnar við,
en fyrirtækið varð gjaldþrota
eftir að netbólan sprakk.
OZ hefur á undanförnum
misserum þróað búnað fyrir
skyndiskilaboð í farsíma og teng-
ingar við rauntímaspjall á netinu
í gegnum farsíma.
Í tilkynningu um viðskiptin
segir framkvæmdastjóri Vanta-
gepoint Venture Partners að Oz
hafi sýnt að þeir séu leiðandi í þró-
un skyndiskilaboða í gegnum far-
síma.
Skúli Mogensen, forstjóri OZ,
segir þessi kaup mikla hvatningu
og þau muni vekja athygli á verk-
efnum fyrirtækisins. „Byggt á
fyrri árangri og reynslu þá telj-
um við að skyndiskilaboð gegn-
um farsíma muni verða í Norður
Ameríku þar sem SMS skilaboðin
eru í Evrópu.“
Skúli segir hlutaféð verða not-
að til þess að þróa búnaðinn
áfram í samvinnu við farsímafyr-
irtæki og framleiðendur. Auk
þess er nýju fé ætlað að efla fyr-
irtækið til frekari landvinninga í
Evrópu og Asíu. ■
Fjárfestar trúa á OZ
SKÚLI MOGENSEN Áhugi fjár-
festa á Oz hefur glæðst á ný,
en erlendir fjárfestar keyptu bréf í
fyrirtækinu fyrir tvo milljarða í gær.
Íslandsbanki hefur breytt af-
greiðslutíma útibúa sinna og eru
þau nú opnuð klukkan hálfníu að
morgni. Að sögn Jóns Þórissonar,
aðstoðarforstjóra Íslandsbanka,
er breytingin gerð til að koma
betur til móts við viðskiptavini.
„Við vorum að taka upp þessa
nýbreytni í morgun eftir rúmlega
þrjátíu ára tímabil þar sem
afgreiðslutíminn hefur verið 9.15
til 16. Sú ákvörðun var tekin við allt
aðrar aðstæður í þjóðfélaginu þar
sem menn höfðu jafnvel klukku-
tíma í mat og gátu sinnt bankavið-
skiptum í matartímanum sínum,“
segir Jón.
Hann segir að þótt stór hluti við-
skiptavina bankans notist við netið
þá hafi ekki dregið jafnmikið úr
heimsóknum í útibúin og búist var
við. heimsókna í útibúin. Hann
segir hlutverk þeirra hafa breyst.
„Þau eru ekki lengur færslustöðvar
eins og þau voru áður heldur erum
við þar að sinna ráðgjöf og ýmsum
öðrum verkefnum eins og að selja
tryggingar. Ráðgjöfin er miklu um-
fangsmeiri en áður,“ segir hann.
Ingólfur Guðmundsson hjá
Landsbankanum segir að þar
standi ekki til að opna fyrr á
morgnana. Hann segir að þar sé
frekar litið til þess að hafa útibúin
opin lengur fram eftir degi. „Það
er yfirleitt rólegt fyrst á morgn-
ana. Við höfum frekar lagt
áherslu á að hafa opið á þeim tíma
sem hentar viðskiptavinum og við
höfum ekki séð ástæðu til að opna
fyrr en erum aftur á móti með
opið lengur á fjölförnum stöðum
eins og í Smáralind og Grafar-
vogi,“ segir hann. ■
Segir að viðskiptavinir heimsæki útibúin að meðaltali tvisvar í mánuði þótt stór hluti við-
skipta hafi færst yfir á netið.
Íslandsbanki opnar fyrr
FR
ÉT
TA
B
LA
Ð
IÐ
/H
IL
M
AR
Þ
Ó
R
Fr
ét
ta
bl
að
ið
/S
te
fá
n
Helstu tillögur úr skýrslu við-
skiptaráðherra um viðskiptalífið
verða að lögum ef frumvarp ráð-
herra nær fram að ganga. Drög að
frumvörpunum voru kynnt á vef-
síðu ráðuneytisins í gær.
Ráðuneytið hvetur einstak-
linga, fyrirtæki og stofnanir til að
senda inn umsagnir á frumvarps-
drögunum og hafa þau frest til 5.
október.
Í frétt frá ráðuneytinu kemur
fram að meðal breytinga sem
lagðar eru til sé að möguleiki hlut-
hafa til að greiða atkvæði á hlut-
hafafundi sé bættur þannig að
unnt sé að greiða atkvæði bréf-
lega og rafrænt. Þá er lagt til að
hluthafafundir þurfi að sam-
þykkja starfskjarastefnu fyrir
stjórnendur fyrirtækja. Þetta
gildir um öll félög sem hafa fleiri
en fjóra hluthafa.
Lagafrumvarpið mælir einnig
fyrir um frekari aðskilnað á starfi
stjórnar og stjórnarformanns. Í
greinargerð kemur fram að þar sé
meðal annars átt við það fyrir-
komulag að stjórnarformenn séu í
fulli starfi og hafi titilinn „starf-
andi stjórnarformaður.“ Í laga-
frumvarpinu segir að slikt fyrir-
komuleg orki tvímælis og lagt til
að félög fjölgi fremur í hópi
stjórnenda heldur en að hafa
stjórnarformann í fullu starfi við
rekstur félagsins. Til þess að
skerpa enn á eftirlitshlutverki
stjórna er nú tekið fram í lögum
að stjórnir hafi heimild til þess
að funda sérstaklega án fram-
kvæmdastjóra. ■