Fréttablaðið - 18.10.2004, Qupperneq 15

15MÁNUDAGUR 18. október 2004
að ófrægja hann. Fjölskyldulífið
stóð höllum fæti, ekki síst fjár-
hagslega þar sem hann missti all-
ar heilbrigðistryggingar við brott-
reksturinn, en Wigand er faðir
tveggja stúlkna. Önnur þeirra
fæddist með klofinn hrygg og þarf
mikla umönnun. Í baráttunni við
tóbakið var honum hótað lífláti.
Hann gekk um tíma með byssu á
sér.
Lifað á lyginni
Wigand segir að fljótlega eftir að
hann hóf störf hjá Brown & Willi-
amson hafi hann orðið þess áskyn-
ja að fyrirtækinu var mikið í mun
að leyna sannleikanum:
„Innan fyrirtækisins ræddum
við um skaðsemi nikótíns og hve
ánetjandi það væri en út á við var
sagt að það væri eininungis notað
til að bæta bragð.“
Wigand segir að hvern einasta
vinnudag hafi hann þurft að takast
á við siðferðislegar spurningar:
„Ég horfði upp á ólöglegan inn-
flutning tóbaksfræja til landa þar
sem það var bannað. Sá skjöl flutt
úr landi til eyðingar. Það setti að
mér óhug. En það sem truflaði mig
mest var að þótt niðurstöður
sýndu að efni sem nýtt væru í sí-
garettur væru skaðleg var haldið
áfram að notast við þau. Jafnvel
þótt fyrirtækið hefði þekkt stað-
reyndirnar um efnin allt frá sjötta
áratugnum.“
Sér ekki eftir neinu
Á meðan Wigand starfaði hjá
Brown & Williamson voru árslaun
hans á þriðja tug milljóna ís-
lenskra króna. Rannsóknardeild
hans varði rúmlega tvö hundruð
milljónum í rannsóknir á innihaldi
og efnasamböndum sígarettna ár-
lega. Wigand segir fjárhagslegt
öryggi ekki hafa komið í veg fyrir
að hann segði sögu sína:
„Peningar hjálpa í lífinu og
gera hlutina auðveldari. En sem
manneskja ber manni að vera
heiðarlegur. Ef maður sér rang-
lega breytt er skylda að gera eitt-
hvað í því. Peningar eiga ekki að
blinda þig,“ segir Jeffrey Wigand
og bætir við: „Ég er ríkari nú en
ég hef verið á ævi minni. Þó ekki
ef horft er til peninga. Ríkidæmi
kemur á marga vegu. Ég er ró-
lyndari. Mér líður eins og ég hafi
gert rétt.“ ■
RÍKARI NÚ EN ÁÐUR
Jeffrey Wigand segir peninga auðvelda
lífið. Þeir megi þó aldrei koma í veg fyrir
að fólk breyti rétt. Hann sé ríkari nú en
þegar hann hafði 30 milljónir í árslaun í
tóbaksiðnaðinum.
BRASILÍA, AP Lög sem kveða á um að
óskráðar flugvélar verði skotnar
niður í brasilískri lofthelgi tóku
gildi í Brasilíu á sunnudag. Stjórn-
völd segja að skilaboðin þurfi að
vera skýr til að stöðva gríðarlegt
magn af kókaíni sem berst ólöglega
inn í landið. Lögin hafa verið kynnt
undanfarna þrjá mánuði en óskráð-
um flugvélum hefur ekkert fækkað
á tímabilinu.
Utanríkisráðherrann, Jose Vieg-
as, segir að flugmenn verði varaðir
við og viðvörunarskotum hleypt af.
Ef það dugi ekki verði flugvélin
skotin niður og skipti þá ekki máli
hvort börn séu um borð í vélunum.
Samskonar lög eru í gildi í Kól-
umbíu, en í Perú voru lögin aftur-
kölluð þegar flugvél bandarísks
trúboða var skotin niður fyrir mis-
tök fyrir þremur árum. ■
Brasilísk lofthelgi:
Dópflugvélar skotnar niður
BÖRN Í BRASILÍU
Mörg þeirra verða eiturlyfjum að bráð því gríðarlegt magn er af eiturlyfjum á markaðnum.
HVÍTA-RÚSSLAND Þingkosningar voru
haldnar í Hvíta-Rússlandi í gær, en
þingmönnum mun fækka úr 332 í
110. Meðfram þingkosningunum
var efnt til þjóðaratkvæðagreiðslu
um hvort núverandi forseti, Alex-
ander Lukashenko, mætti bjóða sig
fram til forseta í þriðja sinn, en
næstu forsetakosningar verða árið
2006.
Stjórnmálaskýrendur segja að
Hvíta-Rússland hafi einangrast í
tíð forsetans sem hefur verið við
völd í tíu ár. Til að þjóðaratkvæða-
greiðslan sé bindandi þarf 50% at-
kvæða, en fjölmargir erlendir full-
trúar eru í Hvíta-Rússlandi til að
fylgjast með að kosningarnar fari
fram samkvæmt lögum. ■
NEI VIÐ LUKASHENKO
Mikil andstaða er við Lukashenko meðal
Hvít-Rússa sem kusu um það í gær hvort
hann mætti bjóða sig fram í þriðja sinn.
Hvít-Rússar kusu í gær:
Kosið um Lukashenko