Fréttablaðið - 16.11.2004, Blaðsíða 20

16. nóvember 2004 ÞRIÐJUDAGUR
Sjónarhóll á sínum stað
Hrefna Haraldsdóttir hlakkar til að takast á við verkefnin á Sjónarhóli.
Sjónarhóll, ráðgjafarmiðstöð fyrir
fjölskyldur barna með sérþarfir,
var opnaður á laugardaginn og
fyrsti starfsdagurinn var í gær. Þar
var strax mikið að gera, töluvert
verið að panta viðtöl og fólk virðist
almennt hafa áttað sig á starfsem-
inni, að sögn Hrefnu Haraldsdóttur
fjölskylduráðgjafa. „Samtökin hafa
verið starfandi um nokkurn tíma
svo það er komin nokkur reynsla.
Hópurinn sem leitar til okkar
breikkar, áður fyrr voru þetta for-
eldrar barna með skilgreindar fatl-
anir en nú koma foreldrar barna
með ýmis frávik, t.d. langveik börn,
börn með athyglisbrest og þesshátt-
ar. Við vonum að fólk leiti til okkar
um stuðning og það er sama hvers
eðlis málið er, þau eru öll jafn mik-
ilvæg. Svo má líka koma því að að
Sjónarhóll er ekki bara fyrir for-
eldra sem eiga börn og unglinga
heldur líka þá sem eiga fullorðin
börn sem eiga við heilbrigðisvanda-
mál að stríða.“
Hvernig þjónusta er veitt á
Sjónarhóli? „Við veitum foreldr-
um upplýsingar um sinn rétt og
barnanna, gefum góð ráð og
stuðning. Það er enginn í kerfinu
sem segir foreldrum hver réttur
barnsins er, kerfið er flókinn
frumskógur og þeir sem finnst
þeir ekki fá þjónustu við hæfi
leita hingað. Okkar starf er allt á
forsendum foreldranna, við ger-
um ekkert nema foreldrarnir sjái
tilgang í því.“ Hrefna hefur orðið
vör við að þörfin er mikil: „Við
ætlum heldur ekki að gleyma því
að við erum til vegna þess að
landsmenn allir söfnuðu fé og
erum að fara út á land að kynna
okkar starf. Vonandi getum við í
framtíðinni boðið upp á fasta við-
veru á stærri stöðum úti á landi
því þar er stuðningsins ekki síður
þörf. Við á Sjónarhóli viljum vera
á staðnum og fólk á ekki alltaf að
þurfa að koma til Reykjavíkur.“
Hvernig er svo starfseminni
háttað? „Sjónarhóll er samsettur
úr hagsmunasamtökum og óháður
öllum rekstraraðilum sem skiptir
mjög miklu því við getum þá veitt
ákveðið aðhald. Við störfum hér
þrjár eins og stendur: Þorgerður
Ragnarsdóttir framkvæmdastjóri
sem er hjúkrunarfræðingur að
mennt, Guðbjörg Andrésdóttir
móttökuritari sem er foreldri fatl-
aðs barns en hennar reynsla hér
innanhúss er mjög dýrmæt, eink-
um vegna þess að hún er sú fyrsta
sem foreldrarnir heyra í og svo ég
sem er eini ráðgjafinn sem stend-
ur en vonandi koma inn fleiri.“
Það ríkir bjartsýni á Sjónar-
hóli. „Margir hafa beðið með mik-
illi eftirvæntingu eftir ráðgjafar-
stöð af þessum toga og ég vona að
við stöndum undir þeim vænting-
um. Þetta er spennandi og ábyrgð-
armikið starf og við hlökkum til
að takast á við það,“ segir Hrefna
Haraldsdóttir að lokum.
brynhildurb@frettabladid.is
Sjónarhóll var opnaður formlega á laugardaginn og miklar vonir eru bundnar við starfsemina þar.
Ljúffeng máltíð með lágmarks fyrirhöfn
Balti • Korma • Sweet & Sour • Tikka Masala
FRÍ HEIMSENDING
Nánari
uppl‡singar
á somi.is
FJÖLVÍTAMÍN
MEÐ GINSENG
FÆST Í APÓTEKUM,
HAGKAUP, NETTÓ, SAMKAUP,
SPARKAUP, NÓATÚNI,
ÚRVALI OG STRAX.
Aukin líkamleg orka
og andleg vellíðan
Guðrún Arnalds verður með námskeið,
helgina 19.-21. nóvember
Endurnærandi helgarnámskeið fyrir þá
sem þurfa að hlaða batteríin.
Tækifæri til að losa um gamlar og nýjar tilfinningar
og finna svörin innra með sér.
Líföndun og jóga
Til að lifa til fulls þarftu að anda til fulls
Uppl. gefur: Guðrún Arnalds,s: 561 0151 / 896 2396 • gudrun@andartak.is; www.andartak.is
Umbo›s- og sölua›ili
sími: 551 9239
Vali› fæ›ubótarefni ársins 2002 í Finnlandi
Minnistöflur
FR
ÉT
TA
B
LA
Ð
IÐ
/H
AR
I