Fréttablaðið - 26.11.2004, Qupperneq 58

FÖSTUDAGUR 26. nóvember 2004
■ RAPPHÁTÍÐ
■ TÓNLIST
Afrískt kvöld í
Alþjóðahúsi
Laugardagskvöldið 27. nóvember
kl. 19.00 – 21:00.
Menning og mannlíf í Gambíu
Kale frá Gambíu fjallar á léttan og lifandi hátt
um mannlíf í Gambíu, menningu, tónlist og trú
í Kaffi Kúltúre, Hverfisgötu 18.
Hann svarar einnig fyrirspurnum.
Af þessu tilefni verða afrískir réttir á sérstöku
tilboði á Kaffi Kúltúre.
Fyrirlesturinn og umræða fer fram á ensku.
Aðdáendaklúbbur hljómsveitarinn-
ar Queen á Íslandi ætlar að flytja
hingað til lands eina frægustu
Queen-hermihljómsveit í heimi.
Heitir hún Miracle og er frá
Hollandi. Verða tónleikar sveitar-
innar á skemmtistaðnum Nasa á
föstudags- og laugardagskvöld.
Hljómsveitin hefur fengið
góða dóma fyrir flutning sinn á
hinum sígildu Queen-lögum. Eitt
helsta einkenni hennar er að hún
flytur tónlistina á sinn hátt með
sinni eigin sviðsframkomu og
klæðnaði. Reynir hún ekki að apa
algjörlega eftir Queen á sviðinu.
Fjórar manneskjur stofnuðu
Queen-aðdáendaklúbbinn árið
1996; systkinin Margrét Sigur-
geirsdóttir og Sigurður og makar
þeirra. Að sögn Margrétar hafði
oft verið talað um að fá hljómsveit
sem þessa hingað til lands. Bolt-
inn fór þó ekki að rúlla fyrr en
Sigurður fór til Hollands og sá
Miracle spila. Talaði hann við
meðlimina og fékk þá til að koma
hingað til lands.
Margrét segist hafa smitast af
Queen-áhuga bróður síns þegar
hún var lítil. „Ég man eiginlega
ekkert annað en að hafa fílað
Queen í botn. Maður var mataður
á þessu af stóra bróður,“ segir
hún. Eitt af uppáhaldslögum henn-
ar með Queen er Brighton Rock
frá árinu 1974. Hún á þó ekki von
á því að Miracle taki það lag um
helgina, enda ekki eitt af allra
þekktustu lögum sveitarinnar. ■
Queen-krafta-
verk á Íslandi
Rímurnar flæða í Breiðholti
Rótgrónasta rapp- og rímnamót
Íslands, Rímnaflæði 2004, verð-
ur haldið í félagsmiðstöðinni
Miðbergi í kvöld. Þar fá ungir
rapparar tækifæri til að láta ljós
sitt skína.
Tuttugu sprellfjörug rapp-
atriði verða þar á dagskrá, þar
sem ungir rapparar á aldrinum
14 til 18 ára spreyta sig á
glímunni við orðin. Flestir eru
þeir strákar, en innan um eru
stelpur sem láta ekki sitt eftir
liggja.
Að venju velur dómnefnd sig-
urvegara kvöldsins, en aðstand-
endur Rímnaflæðis hafa samt
smám saman verið að draga úr
keppnisáherslunni.
„Rímnaflæðið er fyrst og
fremst skapandi vettvangur
fyrir ungt fólk til að tjá sig og
koma sér á framfæri, miklu
frekar en keppni,“ segir Birkir
Viðarsson, tómstundaleiðbein-
andi í Miðbergi, en hann hefur
skipulagt Rímnaflæðið.
„Það eru svo margir sem hafa
fullt að segja og vanda sig við
framsetninguna, eru með frum-
legan orðaforða svo þetta verði
ekki einhæft.“
Tvær gestasveitir koma
fram, en þær eru Antlew/Max-
imum og Hæsta hendin. Báðar
eru þær að senda frá sér geisla-
disk um þessar mundir og eru í
fremstu sveit íslenskra rappara.
Rímnaflæði hefst klukkan 19
og aðgangseyrir er aðeins
300 krónur. Eins og venjulega
verður svo allt saman tekið upp
og sett á geisladisk, og eitthvað
af því verður örugglega sýnt á
Popptíví og víðar. ■
MIRACLE Hljómsveitin Miracle er ein frægasta Queen-hermisveit heims.
GESTIR KVÖLDSINS Þeir félagar, Antlew og Maximum, verða gestir á Rímnaflæði 2004 í Breiðholti í kvöld ásamt Hæstu hendinni.
FR
ÉT
TA
B
LA
Ð
IÐ
/P
JE
TU
R
56-57 (44-45) Slanga 25.11.2004 18:44 Page 3