Tíminn - 26.06.1974, Side 14

14
TÍMINN
Miðvikudagur 26. júni 1974.
----------------------------------------N
A. Conan Doyle: (2)
Eimlestin,
sem hvarf
_________________________________________J
lestin hvergi staðnæmast fyrr en komið væri til
Manchester.
Eimlestirnar frá London og Liverpool voru vanar að
mætast í Manchester og aukalest Caratals hefði átt að
koma þar laust fyrir klukkan sex. Það vakti nokkra
undrun meðal starfsmanna járnbrautarfélagsins í
Liverpool, þegar símskeyti kom frá Manchester kl. 15
mínútur yf ir sex, og tilkynnti, að aukalestin væri ókomin
þangað. Fyrirspurn var símuð til St. Helens, næstu
stöðvar við Liverpool. Svarið var: ,,Til James Bland,
yfirumsjónarmanns Central Lt. W.C. Liverpool. —
Aukalest fór hér framhjá kl. 4.52 mín. Dowser St.
Helens".
Þetta skeyti kom til Liverpool kl. 6.40. Kl. 6.50 kom nýtt
skeyti frá Manchester: „Aukalestin, sem þér lýsið eftir
hef ur ekki farið hér um eða sézt hér". Tíu mínútum síðar
kom þriðja skeytið, sem olli enn meiri truflun: „Gerum
ráð f yrir mistökum með aukalestina. Eimlest, sem fór á
eftir henni f rá St. Helens komin hingað, en varð hennar
hvergi vör. Gerið svo vel að skipa fyrir, hvað gera skuli.
Manchester".
Málið var nú farið að líta ískyggilega út. Nokkuð virt-
ist það bót í máli, að önnur lest hafði farið sömu leiðina
án þess að verða þess vör, að nokkurt slys hefði komið
fyrir á línunni. En, um hvað annað gat þá verið að ræða?
Hvar gat aukalestin verið? Var það hugsanlegt, að henni
hefði verið ekið út á hliðarspor, t.d. til þess að hleypa
annarri lest fram hjá? Líka var hugsanlegt, að einhver
bilun hefði komið fyrir, svo nauðsynlegt væri að aka
lestinni út á hliðarspor. Símskeyti voru send til allra
stöðva milli St. Helens og Manchester. Forstjórinn og
umferðastjórinn biðu í ofvæni eftir einhverjum f regnum
af hinni horfnu eimlest. Svörin fóru brátt að koma frá
stöðvum þeim, er voru Londonarmegin við St. Helens.
Frá Collins Green: „Aukalest fór hér hjá kl. 5."
Frá Earles town: „Aukalest fór framhjá kl. 5.06."
Frá Newton: „Aukalest fór hjá kl. 5.10."
Frá Kenyon Junktion: „Aukalest fór hjá kl. 5.20".
Frá Barton Moss: „Engin aukalest farið hér um".
Embættismennirnir tveir litu hvor á annan, undrandi og
skelkaðir. „Slík undur hafa aldrei fyrr borið við á mín-
um þrjátíu ára starfsferli", sagði hr. Bland forstjóri.
„Alveg einstættog óskiljanlegt, herra forstjóri",'sagði
herra Potter Hood. „Eimlestin virðist hafa horfið milli
Kenyon Junction og Barton Moss". „En þar á milli er
engin hliðarlína út af aðalbrautinni. Eimreiðin hlýtur að
hafa steypzt út af brautarteinunum". „En hvernig má
það vera, að farþegalestin, sem fór af stað kl. 4.50 sömu
leiðina, skyldi einskis verða vör?"
„Hér erenginn millivegur til, hr. Hood. Eimlestin hlýt-
ur að hafa farið út af sporinu. Kannske hefur farþega-
lestin orðið einhvers vör, sem varpað geti birtu á málið.
Við skulum sima til Manchester og biðja um upplýsingar,
ef til eru, og sömuleiðis til Kenyon Junction með skipun
um rannsókn á brautinni þaðan til Barton Moss".
Svarið frá Manchester kom innan stundar: „Engin
vitneskja um.horf nu lestina. Okumaður og vörður á lest-
inni, er síðar fór, vissir um að ekkert járnbrautarslys
hef ur orðið milli Kenyon Junction og Barton moss. Línan
alveg hrein og í lagi, ekkert, sem bendir á neitt óvenju-
legt. Manchester".
„Þessi ökustjóri og vörður verða að hætta störfum",
sagði hr. Bland harðneskjulega. „Það hefur orðið óhapp
eða slys, þótt þeir yrðu einskis varir. Lestin hlýtur að
hafa runnið eða oltið út af teinunum, án þess að brjóta
þá, hvað sem því kann að hafa valdið. Við hljótum að fá
skeyti bráðlega, sem staðfesta þennan grun minn".
Vonir hr. James Bland áttu nú samt að bregðast. Hálf
stund leið, áður en eftirfarandi skeyti kom frá stöðvar-
stjóra Kenyon Junction-stöðvarinnar: „Engin merki sjá-
anleg um lestina, sem hvarf. Alveg er víst, að lestin fór
hér framhjá, og jafnvíst hitt, að hún kom aldrei til Bar-
ton Moss. Við losuðum eimreið frá farangurslest, og ég
fór með henni eftir allri járnbrautarlínunni. Línan er
hrein og heil og engin merki um slys eru sýnileg"." Hr.
Bland klóraði sér í höfði vandræðalegur. „Þetta líkist
hreinni brjálsemi eða töfrum, Hood", hrópaði hann upp.
„Getur heil eimlest á björtum degi horf ið með öllu hér i
Englandi? Slíkur viðburður er óhugsandi. Eimreið með
tveim vögnum og farangursklefa aftan í og f imm lifandi
verum ætti að hverf a á f erð ef tir beinni járnbrautarlínu!
Ef við fáum enga skýringu á næsta klukkutímanum, þá
fæ ég. Collins umsjónarmann með mér og fer sjálfur að
litast um".
Rétt á eftir kom nýtt símskeyti frá Kenyon Junction,
og var á þessa leið: „Hryggir oss að skýra frá því, að lík
Johns Slaters, stjórnanda aukalestarinnar, hefur rétt
áðan fundizt í skógarkjarri einu, 2 km frá stöðinni hér.
Hefur fallið af eimreiðinni, og kastast út fyrir undir-
byggingu brautarteinanna og út í kjarrið skammt frá.
Brotin höfuðkúpa bendir til þess, að fallið hafi valdið
bráðum bana. Umhverfið nákvæmlega rannsakað, en
engin merki sýnileg um hina horfnu eimlest."
— Á þessum tíma voru stjórnmálaflækjur miklar í
Englandi og þó miklu meiri og ískyggilegri meðal
franskra stjórnmálamanna í París. Var í almæli, að
stórhneyksli hefðu gerzt meðal æðstu stjórnmálamanna
Frakklands, og stjórnin þar væri í yfirvofandi hættu.
Blöðin voru full af frásögnum af þessum atburðum, og
Miðvikudagur
26. júni
7.00 Morgunútvarp. Veður-
fregnir kl. 7.00, 8.15 og 10.10.
Morgunleikfimi kl. 7.20.
Fréttir kl. 7.30, 8.15
12.00 Dagskráin. Tónleikar.
Tilkynningar.
12.25 Fréttir og veðurfregnir.
Tilkynningar.
13.30 Með sfnu lagi. Svavar
Gests kynnir lög af hljóm-
plötum.
14.30 Sfðdegissagan: Úr
endurminningum Manner-
heims-Sveinn Ásgeirsson les
þýðingu sina.
15.00 Miðdegistónleikar:
Erling Blöndal-Bengtsson
og Sinfóniuhljómsveit út-
varpsins í Baden-Baden
leika Konsert fyrir selló og
hljómsveit eftir Witold
Lutoslawski, Herbert Blom-
stedt stj. Michel Béroff
píanóleikari og Sinfóniu-
hljómsveit útvarpsins i
Baden-Baden leika ,,Die vi-
er Temperamente” eftir
Paul Hindemith, Erich
Schmid stj.
16.00 Fréttir
16.15 Veðurfregnir. Tilkynn-
ingar.
16.15 Popphornið
17.10 Undir tólf, Berglind
Bjarnadóttir stjórnar óska-
lagaþætti fyrir börn undir
tólf ára aldri.
17.40 Það er leikur að læra
Anna Brynjúlfs'dóttir
stjórnar þætti fyrir yngstu
hlustendurna.
18.00 Tónleikar. Tilkynning-
18.45 Veðurfregnir. Dagskrá
kvöldsins.
19.00 Fréttir. Fréttaauki. Til-
kynningar.
19.35 Landslag og leiðir.Jón I.
Bjarnason ritstjóri talar um
Fljótshllð.
20.00 Einsöngur f útvarpssal:
Guðmundur Jónsson syngur
lög eftir Hallgrim Helgason,
Steingrim K. Hall, Emil
Thoroddsen og Pál ísólfs-
son. Ölafur Vignir Alberts-
son leikur á pianó.
20.20 Sumarvaka a. Frá
Skjöldólfsstöðum að Þing-
múla með viðkomu í Kaup-
mannahöfn. Sigurður Ó
Pálsson skólastjóri flytur.
b. Kvæði eftir Hallgrim
Pétursson Hjörtur Pálsson
les. c. Kórsöngur. Bænda-
kórinn á Hvanneyri syngur.
Söngstjóri: Ólafur
Guðmundsson.
21.30 Útvarpssagan: „Gatsby
hinn mikli” eftir Francis
Scott Fitzgerald-Þýðandinn,
Atli Magnússon les (8).
22.00 Fréttir
22.15 Veðurfregnir. Stjórnmál-
in: Hringborðsumræður er
fram fóru i sjónvarpinu fyrr
um kvöldið.
23.50 Fréttir i stuttu máli.
Dagskrárlok.
Miðvikudagur
26. júni 1974
20.00 Fréttir
20.35 Veður og auglýsingar
20.40 Frá Listahátið. Yfirlits-
sýning á verkum Ninu
Tryggvadóttur. Umsjónar-
maður ólafur Kvaran, list-
fræðingur.
21.00 Alþingiskosningarnar
30. júni. Hringborðsumræð-
ur i sjónvarpssal. Formenn,
eða aðrir talsmenn, þeirra
fimm stjórnmálaflokka,
sem bjóða fram i öllum
kjördæmum landsins, taka
þátt I þessum umræðum.
Umræðum stýrir Eiður
Guðnason.
22.35 Bandarikin. Breskur
fræðslumyndaflokkur um
Bandaríki Norður-Ameriku
og sögu þeirra. 13. og siðasti
þáttur. Eitthvað fyrir alla.
Þýöandi og þulur óskar
Ingimarsson.
23.30 Dagskrárlok.