Fréttablaðið - 04.02.2005, Side 31

FÖSTUDAGUR 4. febrúar 2005
Tímaritið Birta - frítt fyrir þig
• Hjónasvipur Jóa og Simma
• Sólgleraugu sem öryggistæki
• Pæjulegir pelsar
• Konur og reykingar
• Bíómyndir vikunnar
• Sjónvarpsdagskráin
• Persónuleikapróf
• Stjörnuspá og margt fleira
ÚTBREIDDASTA TÍMARIT LANDSINS
Í gær voru líkamsleifar Móður
Maríönnu Cope fluttar í klaustur
Fransisku-nunna í Sýrakúsu í
Bandaríkjunum. Til greina kemur
að Móðir Maríanna verði tekin í tölu
dýrlinga fyrir hjálparstarf á Hawaí
síðari hluta nítjándu aldar.
Fjöldi manns var viðstaddur
guðsþjónustu í vikunni þar sem
fagnað var endurkomu líkamsleifa
nunnunnar. „Lífshlaup hennar fullt
af samúð og umhyggju snertir okk-
ur öllu og fyllir þakklæti,“ sagði
James Moynihan biskup í messunni,
sem haldin var í Dómkirkju ein-
getnaðarins (Cathedral of the
Immaculate Conception).
Líkamsleifarnar voru grafnar
upp fyrir rúmri viku, en hún hafði
verið jarðsett á afskekktu eiði á eyj-
unni Molokai á Hawaii þar sem hún
dó árið 1918, hafandi sinnt holds-
veikum í 35 ár. Hún fæddist árið
1838 í Þýskalandi, en var uppalin í
Utica í Illinois-fylki í Bandaríkjun-
um. Hún gerðist Fransisku-nunna
árið 1863 og var stofnandi fyrsta
sjúkrahússins í Sýrakúsuborg. Árið
1883 fór hún með sex öðrum nunn-
um til Hawaii, en þar hafa
Fransisku-nunnur sinnt holdsveik-
um í Kalaupapa á Molokai-eyju all-
ar götur síðan. Þar búa nú tæplega
fjörutíu sjúklingar.
Jóhannes Páll Páfi annar viður-
kenndi í desember kraftaverk sem
sagt er hafa gerst fyrir milligöngu
Móður Maríönnu, en það tengdist
unglingi frá Sýrakúsu sem náði sér
eftir að fjöldi líffæra gáfu sig.
Greiddi það götu hennar inn í „sam-
félag hinna blessuðu“ sem búist er
við að gengið verði frá síðar á árinu.
Til að hún verði tekin í dýrðlinga-
tölu þarf að eigna henni annað
kraftaverk. ■
Nunna sem gæti komist í dýrlingatölu
Í DÓMKIRKJUNNI Nokkur hundruð
manns sóttu messu í Dómkirkju kaþólska
safnaðarins í Sýrakúsu í New York í Banda-
ríkjunum í vikunni.
AP
M
YN
D
Uppruni kjötkveðjuhátíða
Segja má að á kjötkveðjuhátíð-
um, sem fram fara víðs vegar
um heim um þessar mundir, sé
lífinu fagnað. Hátíðahöld þessi
eiga sér hins vegar langa sögu og
eru talin eiga uppruna sinn með-
al kaþólikka á Ítalíu fyrir mörg
hundruð árum síðan. Elstu skrif-
legu heimildir um kjötkveðjuhá-
tíðir eru frá árinu 1268 í Feneyj-
um.
Ítalir eru þannig taldir hafa
verið fyrstir til að halda veislu
með grímubúningum fyrir
fyrstu daga föstunnar. Og vegna
þess að á föstunni eiga kaþólikk-
ar að forðast kjötát nefndu þeir
hátíðina carnevale, eða kjötið
lagt til hliðar.
Eftir því sem tímar liðu jókst
hróður ítalskra kjötkveðjuhá-
tíða, enda fór svo að hátturinn
var tekinn upp í Frakklandi, á
Spáni og að lokum öllum kaþólsk-
um löndum Evrópu. Þegar
Frakkar, Spánverjar og Portúgal-
ar hófu svo landnám í Ameríku
og víðar um heim, höfðu þeir
með sér kjötkveðjuhefðina, sem
hefur enda síðan þá blandast
helgisiðum annarra þjóða. ■
HÁTÍÐ Á HAÍTÍ Hópur svartmálaðra Haítíbúa tekur þátt í kjötkveðjuhátið í Jacmel, lítilli
hafnarborg um 50 kílómetra frá Port-au-Prince, um mánaðamótin.
M
YN
D
A
P
18-31 (18-19) Tímamót 3.2.2005 21.46 Page 3