Fréttablaðið - 07.02.2005, Blaðsíða 14

Alþingi skipi rannsóknarnefnd
Í mars 2003 skrifaði ég blaðagrein
um Íraksstríðið og sagði þá m.a.
eftirfarandi: „Það er (því) full
ástæða til þess að Alþingi skipi
rannsóknarnefnd til þess að rann-
saka hvernig ákvörðun um stuðning
Íslands við innrásina í Írak var tek-
in.Hvaða upplýsingar hafði utanrík-
isráðherra um gereyðingarvopn
Íraka? Var ákvörðun Íslands tekin á
löglegan hátt?“. Þessi orð eru enn í
fullu gildi. Það er jafnmikil þörf á
því nú eins og á árinu 2003, þegar ég
setti fram tillögu um rannsóknar-
nefnd Alþingis, að fram fari rann-
sókn á þessu máli.
Ráðherrar og alþingismenn rík-
isstjórnarinnar eru ekki sammála
um það hvernig ákvörðun var tekin
um stuðning við innrás í Írak. For-
sætisráðherra, formaður Fram-
sóknarflokksins, og landbúnaðar-
ráðherra, varaformaður Framsókn-
arflokksins, eru ekki sammála um
málið. Nokkrir alþingismenn stjórn-
arflokkanna hafa upplýst, að
ákvörðun um stuðning við árás á
Írak var ekki borin undir utanríkis-
málanefnd eins og lög kveða á um
að gert skuli.
Alþingismennirnir Kristinn H.
Gunnarsson og Jónína Bjartmarz
hafa upplýst þetta. Magnús Stefáns-
son, þingmaður Framsóknar, segir
að málið hafi ekki verið rætt í þing-
flokki Framsóknar. Forsætisráð-
herra hefur upplýst í sjónvarpsvið-
tali, að formleg ákvörðun um stuðn-
ing Íslands við innrás í Írak var
ekki tekin í ríkisstjórn.
Ákveðið af tveimur mönnum!
Ráðherrar og þingmenn segja,
að ákvörðunin hafi verið tekin af
tveimur mönnum, forsætisráðherra
og utanríkisráðherra. Samkvæmt
stjórnarskránni ber að leggja mikil-
væg stjórnarmálefni fyrir ráð-
herrafund (fund ríkisstjórnar). Það
var ekki gert í þessu máli. Ákvörð-
unin um stuðning við innrás í Írak
og samþykki við því að setja Ísland
á lista hinna staðföstu ríkja var ekki
lögð fyrir ríkisstjórn. Æ fleiri al-
þingismenn telja, að framið hafi
verið lögbrot með því að sniðganga
utanríkismálanefnd í þessu mikil-
væga máli.
Var einnig framið stjórnarskrár-
brot með því að leggja málið ekki
fyrir ríkisstjórn? Allt þetta þarf að
rannsaka.
Því ber alþingi að skipa rann-
sóknarnefnd til þess að rannsaka
allt þetta mál og koma því á hreint.
Þjóðin á heimtingu á því að það
verði gert. Ekkert mark er takandi á
lögfræðiáliti Eiríks Tómassonar,
flokksbróður forsætisráðherra, í
máli þessu. Eiríkur er vonbiðill um
embætti Hæstaréttardómara.
Frá því ég varpaði fram tillög-
unni um rannsóknarnefnd Alþingis
á árinu 2003 hafa margir áhrifa-
miklir stjórnmálamenn tekið undir
þá tillögu. Öll stjórnarandstaðan er
sammála um það í dag, að rannsaka
þurfi mál þetta og leggja öll spilin
á borðið.
Pólitískur kattarþvottur
Kattarþvottur eins og sá, sem
forsætisráðherra viðhafði í þessu
máli 17. janúar sl. er ekki sæm-
andi næstæðsta embættismanni
þjóðarinnar. Það er ekki unnt að
bera það á borð fyrir þjóðina að
Íraksmálið hafi oft verið rætt á al-
þingi og í ríkisstjórn þegar verið
er að spyrja um það hvort
„ákvörðun um innrás“ hafi verið
rædd á réttum vettvangi. Þjóðin
vill skýr svör. Og skýr svör fást
ekki nema með rannsókn. Þess
vegna þarf að skipa rannsóknar-
nefnd á Alþingi. ■
13MÁNUDAGUR 7. febrúar 2005
Hvað er Framsóknarflokkurinn?
Hvaða leiðir hefur Framsókn svo reynt
að fara í veikburða tilraunum sínum til
að vera eitthvað annað en Sjálfstæðis-
flokkurinn? Jú, rándýr stóriðjuáform til
að rétta við þann litla trúverðugleika
sem flokkurinn á eftir á landsbyggðinni.
En slík hreppapólitík kemur ekki í stað-
inn fyrir sjálfstæða stefnu. Ef ekki væri
fyrir Framsókn þá á Sjálfstæðisflokkur-
inn eftir sem áður Árna Johnsen og aðra
slíka sérhagsmunagæslumenn. Þeir
munu alltaf finna upp á sérverkefnum til
að beina athyglinni frá því að ekkert
dregur úr flóttanum frá landsbyggðinni.
Og því hvaða afleiðingar stefna ríkis-
stjórnarinnar í kvótamálum, þjóðlendu-
málum, orkumálum og símamálum hef-
ur í raun fyrir bændur og sjávarbyggðir.
Sverrir Jakobsson á Múrinn.is
Alltaf er það eiithvað
Sama hve mikið menn kvarta undan
námi í ríkisreknu skólunum dags dag-
lega virðist svo þegar bæta við á nýjum
valkostum í menntakerfinum kemur í
ljós að sumir vilja hvergi hnika frá því
sem fyrir er. Nýja námið er þá annað-
hvort of létt, of stutt, of hagnýtt eða
snýst of mikið um peninga.
Pawel Bartoszek á Deiglan.com
Misskilningur um atvinnu
Það er almennur misskilningur að þeg-
ar aukin framleiðni verður inna atvinnu-
greinar sem leiðir til fækkunar starfa
verði niðurstaðan langvarandi atvinnu-
leysi hjá þeim sem þannig missa vinn-
una. Oft heyrast þau rök að vernda beri
ákveðnar greinar atvinnulífsins gegn
breytingum sem aukna framleiðni [sem
leiðir til fækkunar starfa] á þeim for-
sendum að greini skapi svo mörg störf.
Þetta er mikil rökvilla sem byggir á þeirri
trú að störf séu föst tala og fækki þeim
þá leiði það óhjákvæmilega til almenns
atvinnuleysis. Á sama hátt mætti spyrja
sig af hverju er verið sé að flytja inn
Komastsu gröfur frá Japan í stað þess að
nota bara skóflur því það skapa jú svo
mikla vinnu fyrir alla.
Ýmir Örn Finnbogason á Heimdall-
ur.is
Misjafnar áherslur
Vissulega er það frétt að finna megi út
að Framsóknarflokkurinn njóti svo lítils
fylgis um þessar mundir. Eins og fyrr
segir valdi Fréttablaðið að setja þetta
fram á forsíðu og aðrir fjölmiðlar hafa
varið miklum tíma í umfjöllun um mál-
ið. Í því samhengi vekur það óneitan-
lega athygli, þeirra sem til þekkja, að
sömu miðlar völdu ýmist að greina
mjög lauslega eða alls ekki frá könnun
sem Gallup birti í seinustu viku, þar sem
Framsóknarflokkurinn naut mun hærra
fylgis, eða um 13%.
Ragnar Þorgeirsson á Tíminn.is
BJÖRGVIN GUÐMUNDSSON
SKRIFAR UM ÍRAKSSTRÍÐIÐ
AF NETINU
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.