Fréttablaðið - 03.05.2005, Blaðsíða 8

1Hvaða íslenski körfuboltamaður varðEvrópumeistari á dögunum?
2Hvað heitir breska tískukeðjan semvill skrá sig í Kauphöll Íslands?
3Hvaða breska hljómsveit kom smá-skífu sinni beint inn á topp tíu vin-
sældalistann í Bandaríkjunum?
SVÖRIN ERU Á BLS. 38
VEISTU SVARIÐ?
8 3. maí 2005 ÞRIÐJUDAGUR
VARNARMÁL Sameiginleg öryggis-
og varnarmálastefna Evrópusam-
bandsins, sem nú er í mótun, er
fyrst og fremst „svar við brýnni
þörf“ þar sem Atlantshafsbanda-
lagið getur ekki verið „vörður
Evrópu“. Hún er þáttur í við-
brögðum Evrópumanna við hætt-
um nútímans, eins og þær hafa
þróast eftir lok kalda stríðsins og
í kjölfar hryðjuverkaárásanna á
Bandaríkin.
Þetta kom fram í erindi sem
Frederic Baleine du Laurens, sér-
fræðingur um öryggismál í
franska utanríkisráðuneytinu,
hélt í Háskóla Íslands, í boði Há-
skólarektors og franska sendi-
ráðsins.
„NATO getur ekki haft stjórn á
eða verið vörður Evrópu,“ sagði
Baleine du Laurens í erindinu.
Það væri grundvallaratriði að
Evrópusambandið geti tekið sjálf-
stæðar og óháðar ákvarðanir í ör-
yggis- og varnarmálum sínum.
Hins vegar væru samskipti og
samstarf beggja stofnana mikil-
væg, sem og pólitískt samráð við
bandamanninn máttuga vestan-
hafs. Það væri hins vegar ekki
nóg að það samráð færi fram á
vettvangi NATO; það yrði að vera
víðtækara en svo. - aa
FÉLAGSMÁL Félagsfundur Hús-
félags alþýðu hefur samþykkt að
fela tveimur lögfræðingum að
móta tillögur sem laga starfsemi
félagsins að áliti kærunefndar um
fjöleignahús og lögum um þau.
Þar með hefst vinna við að leggja
niður þetta gamalgróna húsfélag,
sem á rætur í félagslegum íbúð-
um sem reistar voru af Bygging-
arfélagi alþýðu um og eftir 1930.
„Það var almennt mjög mikil
sátt um þetta á fundinum,“ sagði
Hrund Kristinsdóttir, lögmaður
hjá Húseigendafélaginu, en hún
mun móta tillögurnar ásamt lög-
manni húsfélagsins, Sigríði Rut
Júlíusdóttur. Hrund sagði að fé-
lagsmenn vildu leggja áherslu á
að starfsemi félagsins væri sam-
kvæmt lögum. Þeir vildu láta
þessa vinnu fara fram, en síðan
yrði tekin ákvörðun um með
hvaða hætti félagið yrði leyst upp
í núverandi mynd og skipt í fimm
minni húsfélög.
„Félagið á sameiginlegar eign-
ir sem þarf að skipta. Gera þarf
upp bókhaldið og skipta því upp
ásamt fleiri atriðum sem þarf að
vinna,“ sagði Hrund og bætti við
að það væri ekki einfalt mál að
skipta upp svo flóknu félagi sem
Húsfélag alþýðu væri. - jss
Endurreisnarstarf í Afganistan:
Tvær íslenskar
jeppasveitir á förum
FRIÐARGÆSLA Þegar síðustu starfs-
menn íslensku friðargæslunnar
fara frá alþjóðaflugvellinum í Kab-
úl eftir rúman mánuð hefst þátttaka
Íslendinga í endurreisnarstarfi í
norður- og vesturhluta Afganistans.
Davíð Oddsson utanríkisráðherra
sagði á Alþingi að gert væri ráð
fyrir að á hvorum staðnum yrðu
tveir sérútbúnir jeppar og átta til
níu manna lið.
„Með þessum hætti verður Ís-
land þátttakandi í skipulagi og
framkvæmd endurreisnarsam-
starfsins í Afganistan. Í þessu felst
meðal annars að friðargæsluliðar
fara um og kanna aðstæður í þorp-
um og sveitum og gera tillögur um
úrbætur til viðeigandi hjálparsam-
taka og alþjóðastofnana.“
Verið er að semja lagafrumvarp
um íslensku friðargæsluna og siða-
reglur fyrir liðsmenn hennar. Gert
er ráð fyrir að frumvarpið verði
lagt fram á þingi í haust. - jh
LAGAFRAMKVÆMD
Hróbjartur Jón-
atansson hæsta-
réttarlögmaður
telur að séu niður-
stöður nýfallins
dóms Héraðsdóms
Reykjavíkur um
útstillingu og um-
fjöllun um tóbaks
heimfærðar upp á
áfengislöggjöfina megi draga þá
ályktun að Áfengis- og tóbaksversl-
un ríkisins brjóti þá löggjöf.
„Í 20. grein áfengislaga segir að
hvers konar auglýsingar á áfengi
og einstökum tegundum séu bann-
aðar. Þá segir að með auglýsingum
sé átt við hvers konar tilkynningar
til almennings vegna markaðssetn-
ingar þar sem sýndar eru í máli eða
myndum áfengistegundir eða atriði
tengd áfengisneyslu, svo sem
áfengisvöruheiti eða auðkenni,
eftirlíkingar af áfengisvarningi,
spjöld eða annar svipaður búnaður
til útstillingar, dreifing prentaðs
máls, vörusýnishorna og þess hátt-
ar.“
Hróbjartur bendir á að ÁTVR
auglýsi um þessar mundir að fólk
geti aflað sér upplýsinga um vín-
tegundir í Vínblaðinu, sem fáist í
hverri vínbúð og sé þannig í al-
mennri dreifingu. „Hið opinbera
kýs þarna að túlka sambærilega
löggjöf með mismunandi hætti,“
segir hann og veltir fyrir sér hvort
jafnræðis sé gætt, en hann flutti
mál tóbaksverslunarinnar Bjarkar
og tóbaksframleiðandans JT
International fyrir Héraðsdómi 27.
apríl. Þar var tekist á um tóbakslög-
gjöfina. - óká
Lögregla í Sandgerði:
Tók fána
LÖGREGLUMÁL Lögreglan í Keflavík
tók að sér heimilisverk á þremur
heimilum í Sandgerði í fyrrinótt.
Hún var á ferð um miðja nótt og sá
að þar hafði íbúum láðst að taka
fánana niður en lög gera ráð fyrir
að þeir blakti ekki lengur að húni en
til sólseturs eða aldrei lengur en til
miðnættis. Lögreglan tók því fán-
ana niður og gerði þá upptæka en
eigendur vitjuðu þeirra í gær niður
á lögreglustöð. Engir eftirmálar
verða vegna þessa máls en að sögn
lögreglu er ekki þar með sagt að
hún taki að sér heimilisverk í um-
dæminu. -jse
ATLANTSHAFSTENGSLIN MIKILVÆG
Franski varnarmálasérfræðingurinn Frederic Baleine du Laurens segir samráðið yfir
Atlantshafið ekki mega takmarkast við NATO-samstarfið. Hér kyssir Jacques Chirac Frakk-
landsforseti hönd Condoleezzu Rice, utanríkisráðherra Bandaríkjanna, við útför Jó-
Jóhannesar Páls II páfa á dögunum.
M
YN
D
: G
ET
TY
I
M
AG
ES
Franskur varnarmálasérfræðingur:
NATO getur ekki
verið vörður Evrópu
410 4000 | landsbanki.is
Banki allra landsmanna
Ávöxtun Íslenska lífeyrissjóðsins var framúrskarandi á árinu 2004.
Góð ávöxtun á árinu skýrist af hækkunum á innlendum
verðbréfamörkuðum og virkri eignastýringu sjóðsins.
Stjórn Íslenska lífeyrissjóðsins
Dagskrá:
1. Skýrsla stjórnar
2. Kynning ársreiknings
3. Gerð grein fyrir tryggingafræðilegri úttekt
4. Gerð grein fyrir fjárfestingastefnu sjóðsins
5. Kosning stjórnar
6. Tillögur um breytingar á samþykktum sjóðsins
7. Laun stjórnarmanna
8. Kynning á nýjung hjá Íslenska lífeyrissjóðnum:
Lánamöguleikar fyrir sjóðfélaga með lögbundinn sparnað
9. Önnur mál
Allir sjóðfélagar og rétthafar eiga rétt til setu á fundinum.
ÍS
LE
N
SK
A
A
U
G
L†
SI
N
G
A
ST
O
FA
N
E
H
F.
/S
IA
.I
S
-
LB
I
28
25
0
0
5/
20
05
Ársfundur
Íslenska lífeyrissjóðsins í dag
kl.17:30 á Nordica Hotel, Suðurlandsbraut 2.
Íslenski lífeyrissjóðurinn er í vörslu Landsbankans.
Stjórn sjóðsins hvetur alla sjóðfélaga til að koma
á fundinn og taka þannig virkan þátt í starfseminni.
DAVÍÐ ODDSSON
Utanríkisráðherra segir að verið sé að
semja lagafrumvarp um íslensku friðar-
gæsluna.
HRÓBJARTUR
JÓNATANSSON
Lögmaður um nýfallinn dóm Héraðsdóms Reykjavíkur:
Telur ÁTVR
brjóta áfengislög
ALMENN SÁTT
Almenn sátt var meðal félagsmanna í Húsfélagi alþýðu um að hefja vinnu við að leysa
félagið upp.
RAUÐVÍNSHILLUR Í VÍNBÚÐ ÁTVR
ÁTVR kynnir vín í Vínblaðinu, en áfengislög banna markaðssetningu áfengis á prenti.
Almennur félagsfundur hefur ráðið tvo lögfræðinga:
Unnið að slitum
Húsfélags alþýðu
ÓHÓFLEG SALTNOTKUN Sænsk
rannsókn bendir til að ungir
karlar neyti tvöfalt meira salts
en góðu hófi gegnir. Afleiðingin
er aukin hætta á hjartaáfalli og
öðrum sjúkdómum.
■ SVÍÞJÓÐ