Fréttablaðið - 03.05.2005, Blaðsíða 25

17ÞRIÐJUDAGUR 3. maí 2005
Framsóknarflokkurinn er í mik-
illi vörn nú vegna vaxandi um-
ræðu um spillingarmál sem for-
maður flokksins tengist með
beinum hætti.
Hæst hefur borið umræðu um
spillinguna í kringum sölu á
Búnaðarbankanum en fyrirtæki
sem Halldór Ásgrímsson hefur
átt í tengdist S-hópnum, sem fékk
að kaupa bankann á útsölu. Fleiri
mál hafa komist í hámæli, t.d.
hafa stjórnarathafnir forsætis-
ráðherra í fiskveiðistjórn fært
fjölskyldufyrirtæki hans rétt-
indi, sem eru verðmetin á gríðar-
lega háar fjárhæðir, en sömu at-
hafnir hafa fært þjóðinni minni
afla á land. Er það tilviljun að
formaður Einkavæðingarnefnd-
ar, Jón Sveinsson, sem var falið
það trúnaðarverkefni að selja
hlut almennings í Íslenskum að-
alverktökum, er skyndilega eftir
söluna orðinn stjórnarformaður
sama fyrirtækis? Getur verið
eðlilegt að umboðsmenn almenn-
ings selji sjálfum sér eigur sem
þeim er treyst til að koma í verð?
Þess ber að geta að formanni
Einkavæðingarnefndar var ekki
einungis falið að selja eignir al-
mennings heldur var honum falið
að semja nýtt og umdeilt frum-
varp um Ríkisútvarpið.
Síðast þegar Framsóknar-
flokkurinn kom sér í vandræði
með því að lýsa yfir stuðningi við
árásina á Írak var leikinn sá leik-
ur að láta eina af nefndum Al-
þingis fjalla um lögmæti stuðn-
ings Íslands við árásina. Utanrík-
isnefnd Alþingis lenti í miklum
vandræðum við að verja vondan
málstað og þegar fokið var í flest
skjól var haft samband við pró-
fessor í Háskóla Íslands, Eirík
Tómasson, og hann fenginn til
þess að skrifa upp á lögmæti við
stuðning við árásina.
Prófessorinn gaf út það óskilj-
anlega lögfræðiálit að stuðning-
urinn við árásina væri minni-
háttar mál. Þess ber að geta að
þetta aflátsbréf Framsóknar-
flokksins kostaði ríkissjóð ein-
ungis 75.000 krónur.
Eins og áður segir þá er Fram-
sóknarflokkurinn enn á ný lentur
í vandræðum og virðist sem eigi
að leysa þau vandræði með svip-
uðum hætti og fyrri mál. Nú á að
vísa rannsókn á vafasamri sölu
Búnaðarbankans til vildarvina
Framsóknarflokksins, til fjár-
laganefndar Alþingis, en þar
hafa stjórnarflokkarnir tögl og
hagldir. Ef rannsókn fjárlaga-
nefndar á einungis að felast í að
lesa gamla yfirlitsskýrslu ríkis-
endurskoðunar sem fjallar al-
mennt um einkavæðingu ríkis-
eigna, þá er eins gott að panta
strax nýtt aflátsbréf hjá prófess-
ornum. Það er ódýrara fyrir
ríkissjóð. ■
SIGURJÓN ÞÓRÐARSON
ALÞINGISMAÐUR
UMRÆÐAN
VÖRN FRAMSÓKNAR
Getur verið eðlilegt
að umboðsmenn almenn-
ings selji sjálfum sér eigur
sem þeim er treyst til að
koma í verð?
,,
Fær ríkisstjórnin nýtt aflátsbréf?
Um al-
mannahag
Björn Ingi Hrafnsson ritar
grein á heimasíðu sína sl. laug-
ardag þar sem hann gefur í skyn
að stjórn BSRB sé einhvers kon-
ar framlenging á flokki Vinstri
grænna. Tekur hann þar tvö
málefni sem dæmi, annars veg-
ar ályktun BSRB um fjárveit-
ingu til Mannréttindaskrifstofu
Íslands og hins vegar tillögu um
að kveðið verði á um samfélags-
legt eignarhald á vatni í stjórn-
arskrá Íslands. „Það er naumast
hvaða tengingar Vinstri grænir
hafa inn í BSRB, sérstaklega
stjórnina! Það getur ekki verið
að Ögmundur, þingflokksfor-
maður VG, sé að blanda sínum
málum inn í störf sín sem for-
maður BSRB. Það getur bara
ekki verið,“ segir Björn Ingi. Í
sjálfu sér er ekki ástæða að elta
ólar við svona málflutning en
þar sem Björn Ingi er aðstoðar-
maður forsætisráðherra er rétt
að upplýsa hann um að stjórn
BSRB er skipuð formönnum
allra aðildarfélaga bandalagsins
og eru sumir þeirra flokks-
bundnir í Sjálfstæðisflokknum,
einhverjir í Framsóknarflokkn-
um og stjórnarandstaðan á líka
sína fulltrúa í stjórn BSRB, m.a.
Ögmund Jónasson. Ekki veit ég
hvert álit Björns Inga er á sam-
flokksmönnum sínum sem sitja í
stjórn BSRB, en ekki er það
mikið ef hann heldur að flokks-
skrifstofa Vinstri grænna
stjórni þeim. Samtök launafólks
hafa frá upphafi verkalýðsbar-
áttunnar haft skoðanir á málefn-
um sem varða samfélagsþróun-
ina og þar af leiðandi verið póli-
tísk í eðli sínu. Það er fleira sem
skiptir launafólk máli en það
sem í budduna kemur, m.a. rétt-
indamál og því stendur það
hreyfingunni nærri að láta sig
málefni Mannréttindaskrifstofu
Íslands varða. Sama gildir um
samfélagslega eign á náttúru-
auðlindum landsins, eins og
vatninu. Það eru ekki bara at-
vinnupólitíkusar eins og Björn
Ingi sem hafa leyfi til að hafa
skoðanir á pólitískum hitamál-
um. ■
RÖNG MYND BIRT-
IST Í frétt um aðal-
fund Eflingar sem
birtist í atvinnu-
blaði Fréttablaðs-
ins síðastliðinn
sunnudag, 1. maí,
birtist röng mynd.
Fréttablaðið biðst
velvirðingar á
þessum mistökum og hér fylgir
rétt mynd af Sigurði Bessasyni,
formanni Eflingar.
■ LEIÐRÉTTING
Sigurður Bessa-
son.
SIGURÐUR Á. FRIÐÞJÓFSSON
UPPLÝSINGA- OG FRÆÐSLUFULLTRÚI BSRB
UMRÆÐAN
SKOÐANIR Á PÓLI-
TÍSKUM HITAMÁLUM