Atuagagdliutit - 06.06.1984, Blaðsíða 38

Nangeqattaartoq:
Singajimmik
kinguaanillu
oqalualaaq
Immikkoortut sisamaat: Singajikkut ernertaartik
”Uppernarsiimilikasillarmat” atserpaat. Tusilartoq
kingorna nukartaarpoq. Marnilik qasusalerpoq uini
erninilu arlaleraarsimallutik tikikkaangata
angummassinnaajunnaarami
Nunaqqataasa usissatik naammat-
sikkamikkik kujammut aallassallu-
tik piukkuuginnaleqaat. Ulluf
ilaanni silagillarmat nunaqqataat
tamarmik kujammukassallutik
pikkusiinnaqaat. Aallarallarmata
sooruna Singajikkut kiserngorup-
put. Taannaqa Singajikkut Nia-
qunngunamiilerput, kiisa tassa nu-
nap qaava qerimmattalerpoq.
Ilaanni unnukkut kisimi nipaalluni
oqarpoq:
"Tassaniiginnassannginnatta
aqaguuna silagillarpat ullaamiit
kujammut aallarniinnarniarisa.”
Taamalu oqartoq soorunami i-
noqutaasa nuliatalu iluaraat. Sinik-
kamik ullaakkut iteramik Singajik
aneriallarami, eeq, silaginnguara-
mi, tamakkiimaannguaq. Singajiip
sila misissoreeramiuk anorilu ma-
lugereeramiuk tupermut iserami i-
noqutininuliilu oqarfigai: "Taqqa-
ma silaginnguarpoq, taamaattormi
kujammut aallaannarniarta, una-
kasik angallakkuminarsereerpoq
puallalikasikkami.” - Tassa ernika-
sini pillugu.
Taamalu oqartoq inoqutai pik-
kusiinnaqaat. Pikilersullu aamma
Singajiip oqarfigai: "Anorimik
akornuteqarutta akorninnarmut
tammaarumaarpugut, akornute-
qanngikkuttali Illorpaat angunia-
rumaarpavut, sussa unnukkaluaru-
ni.”
Naammassigamik kujammut
aallarput. Anorimi pitsaaqimmat
assornaqarani kujavalertungaaler-
put. - Ingerlagamik ingerlagamik
aqqutikkut tunorlikkut Kangaar-
suk tunoqqullugu tunungeraallu se-
qineq tarriinnaqaaq. Seqineq tar-
rittorlu Singajiip anguartini oqarfi-
gai:
"Aqqutaa maanna ilikkareerak-
ku sussa taarsigaluarpalluunniit Il-
lorpaat anguniassavavut.”
*
Aatsaat ulloq pukkiliartulersoq
Illorpannut uiariartuinnaqaat. Il-
lorpaat avannamut nuunnguatigut
uiariallaramik qanga igalaat qaa-
maalunnguarsi. Sissaq palliinnar-
lugu anisoqanngimmat Singajik ni-
pini tamaat umiaaginnaqaaq! Aat-
saat umiaarniariartoq igalaat qa-
nga taalliarpalunnguarsi.
Singajikkunngooq taamani Illor-
pannut tikilermata pisinnaasut ta-
marmik aterarput. Inuit timangiul-
lutillu allalu apeqqutigeqqaassana-
gu ernertaakasiata qanoq issusia
apeqqutigeqqaararaat. Ajunngit-
soq oqaatigigaangassuk ingammik
tipaatsuallattaraat.
Singajikkunngooq Illorpannut
pigamik ukiareermat kingornalu
umiartoratik. Illorpannut pisimale-
ramik suli ullut arlinngitsut ilaanni
unnukkut Singajiip ernertaakasit-
sik - upperinnginnamikku suli at-
serneqanngitsoq - nuliami milutsik-
kaa isigiinnaraluaramiuk nulii tim-
mut oqarfigaa:
”Aajuna massakkut uppernar-
siimilikasikkaluallartoq puallalika-
sillarami, sulili ateqanngilaq. Sugi-
sannik eqqaagisaqaruit atsiunniari-
uk.”
Taamalu oqartorlu nuliata
avammut qiviarlugu oqarfigaa:
”Uanga atsiutissanngilara. Illit eq-
qaamasaqaruit illit piliaraat atser-
niariuk!”
Nuliani taama oqartorlu Singaji-
ip timmut qiviarlugulu oqarfigaa:
"Eqqaamasakka qassiiugaluartut
ittorsuarput taanna utoqqarsuum-
mat siuartippara. Massakkut up-
pernarsilikaseqaaq Tusilartu-
mik-una atsiinnarniartigu, taama
ittorsuarput ateqarpoq.”
*
Tassa atertaarallarluni puallari-
artuinnarpoq alliartorneralu ma-
lunnarsinerulluni. - Singajiinngooq
ernikasimmi peroriartornera malu-
gigallarlugu ingamminngooq sul-
latsaalileramiuk.
Tamassa ukiuugami, ukiuugami
upernartorsuanngoqaaq. Aasarin-
nermut aallalersoq Singajiip isuma-
ni nangagassaajunnaartoq aalaja-
ngiusimaannaleqaa: Illorpaat isu-
mamigut qimakkumagaluarlugit
Kangermut kingumut nunasiuma-
galuarluni. Naalli Kangermut ute-
rumagaluaqaluni sakimi utoqqar-
suanngorluni nunaminut sakim-
mernissaa kisiat pilerpaa.
Singajiip ernikasia ukiuni arle-
riaramigit kiisa tamani angalaartu-
kasinngorpoq, kingornalu Singaji-
ip nulia naartunani. Massa taanna
Tusilartoq angalaartukasinngorial-
lartoq aarilli ningiuata utoqqaas-
sutsi naammagilersimagamiuk suli
angalaarniarluni nukillaariartorlu-
ni oqartalerpoq. Taama oqaluttale-
riannguallartoq nappaammik nap-
paateqanngikkaluaq ullukillileri-
annguallartoq toquffissaata tikiin-
naleqaa. Soorunami toquinnar-
poq.
*
Singajik nuliaminut suli oqarani
Kangeq isumamigut puiussaarpaa.
Ukioq naammat aasaleqqaasiani
ilaanni unnukkut Singajiip nuliani
oqarfigaa: "Illit iluarissasiman-
ngikkaluarparma, eqqarsaatigisar-
tagara oqaatigigallassavara mas-
sakkut nangaassutaarukkama, ki-
siannimi illit piumaguit”, Singajiip
taamalu oqarluni nuliani qiviariar-
lugu oqarfigaa: "Massakkut uagut
utoqqartaarukkatta piumasatsin-
nik angalaalissagatta eqqarsaatigi-
sartagara aatsaat tassa oqaatigissa-
vara: nunarputtamanna, Illorpaat,
nuannarigaluaqaara, mannali
akornutigisarujara, sikorujoqale-
raangat qaannamik angallavigini-
arlugu ajornarsisaqimmat. Qa-
vannga avannarpaqqaaratta nuna-
siffigisara eqqaajartuinnarpara
uterfigiumallugu. Uagut inuusuttu-
innaagatta piumasatsinnut angalla-
tileratta.”
Nuliata qiviariarlugu aatsaat
oqarfigaa: "Ilisimavutilli uagutsin-
nut peqqaaravilli sumik piumasa-
qaraangavit nangarneqarneq ajor-
tutit. Taama piumaguit illuliornar-
tillugu takkigunga nooriannguarta.
Nuna manna qimalerukku utoq-
qartakasipput kisiat eqqaanngit-
soorsinnaanngilara, tassa taanna
kisiat eqqaasassaraara”.
Taamalu oqartoq uiata oqarfi-
gaa: "Puigorsimanngippallaale-
raangakku ilisimassaatit iliviinnaa-
luunniit takusartassavat qanittun-
nguummat.”
Singajikkut Kangermut nutsera-
luttuaannaqaat. Soorunami nu-
naqqataalussuisa sakimmerigalua-
qaat. Sakimmerivallaalillarmanni-
gooq Singajiip ima oqarfigai:
"Ilisimassavassinga, erininan-
ngitsumik tikeraartuaannassaa-
nga."
Sooruna pikigamik Kangermut
aallarput nuukkiartorlutik. Ka-
ngermut pigamik Singajik illoqar-
fissaminik qinerlilerami illut akuli-
kinnermit iluarnerusut tamarmik
illoqarfiummata kangerlunnguup
kujammut saqqaa’tungaa kisimi
inigineqanngimmat illuliorfigiler-
paat sunaaffagooq inuunini tamaat
illoqarfigissallugu.
Illussartik passukkamikku uki-
arpallaanngitsoq inerpaat. Inerlu-
gulu iserterfigisinnaanngorialla-
raat Tusilartoq tamani angalaavis-
sukasinngorpoq. Singajiinngooq
isumamigut aappartaartikkumaga-
luaqigaa nulia akuttortuuginna-
qaaq.
Ilaanniaa unnukkut nulia oqan-
Briller
issarussat
Skriv til os, og vi sender
dig omgående farvefotos af de
sidste nye brillestel.
Vores grønlandsafdeling
er i stand til at ekspedere
ordrerne hurtigt
kalåtdlisut agdlagsinauvuse
I* TC* I C A. Østerport . 7430 Ikast
DU KAN OGSÅ PRØVE DE NYE MODELLER HOS:
Høka Sukkertoppen - Frederikshåb - Holsteinsborg
Brugsen Egedesminde
Brugsen Nanortalik
Rema Uummannaq
UILOQ Christianshåb
Knud Pedersen, Jakobshavn
Frisør Kousgård, Julianehåb
38 NR. 23 1984
ATUAGAGDLIUT1T