Fréttablaðið - 04.06.2005, Qupperneq 27

LAUGARDAGUR 4. júní 2005
www.nysprautun.is
Viðurkennt
CABAS-verkstæði
Áfram veginn
Einar Elí Magnússon kemst leiðar sinnar
Spennt börn
Þegar ég var lítill polli eyddi ég ómældum tíma í aftursæti fjölskyldu-
bílsins. Ef við vorum ekki á leiðinni í höfuðstaðinn vorum við á ferða-
lagi með tjald í skottinu. Við systkinin gerðum okkur að leik að nefna
bíltegundir sem við sáum þjóta framhjá, eða telja hversu margir bílar í
umferðinni þann daginn voru rauðir, gulir og svo framvegis.
Stundum vorum við fjögur í aftursætinu og ef foreldrarnir áttu skut-
bíl fengum við að leika okkur í skottinu á ferðalögum.
Já, ég veit – þetta hljómar ótrúlega. En svona var þetta fyrir nokkr-
um árum. Vitund okkar um umferðaröryggi hefur sem betur fer stór-
aukist á örfáum árum. Á þessum tíma var hverjum og einum í sjálfsvald
sett að spenna öryggisbelti. Margir hentu rusli út um bílglugga á ferð
og kærðu sig kollótta um hvað varð um flöskuna eða samlokupokann.
Fólk reykti hvort ofan í annað við hvaða tækifæri sem er, jafnvel ófrísk-
ar konur í heimsókn hjá lungnaveikum ömmum sínum. Ekki af því að
við vorum kærulausari eða verr innrætt – við vissum bara ekki betur!
Sem betur fer vitum við í dag að reykingar drepa. Við vitum að
hreint land er fagurt land og við vitum að öryggisbelti bjarga mannslíf-
um. Við höfum lært að hugsa betur um sjálf okkur og þá sem eru í kring-
um okkur.
Samt sýna kannanir að fjöldi barna er keyrður í leikskóla á hverjum
degi án þess að vera í nokkrum öryggisbúnaði; bílstól, setu eða belti.
Um tíma hélt ég að þessar sögur væru mistúlkun á einhverjum nið-
urstöðum – fólk gæti ekki verið svona kærulaust um líf barna sinna á 21.
öldinni. En á leið minni um borgina undanfarnar vikur hef ég ítrekað
orðið var við börn í aftursæti bifreiða sem eru ekki bundin við eitt eða
neitt og valsa frjáls um bílinn.
Það er eitt að sýna eigin lífi svo mikla vanvirðingu að maður vill ekki
spenna á sig belti. Athöfnin tekur að vísu bara 4 sekúndur, en ef okkur
er alveg sama hvort við lifum eða deyjum skiptir það ekki máli. Það er
hinsvegar allt annað að taka þá ákvörðun fyrir barn sem hefur ekki
þroska til þess sjálft.
Fyrir kynslóð síðan vissum við ekki betur. Nú höfum við það svart á
hvítu. Á Íslandi er nánast bundið í lög að maður má ekki ættleiða barn
ef maður er feitur. Ættu ekki líka að vera til lög sem banna manni að
eiga barn ef maður vill ekki spenna á það bílbelti á leiðinni í leikskól-
ann?

 









 




 






 
Tímaritið Professional Van and Truck hef-
ur valið Vauxhall Combo frá Opel besta
bílinn í flokki lítilla sendibíla árið 2005.
Valið á besta sendibílnum er í tengslum
við sýninguna Commercial Vehicle Show
sem haldin var í Birmingham í apríl síð-
astliðnum. Tímaritið tók mið af verði, rekstrarkostn-
aði, farmþunga og endingu við mat sitt á eiginleikum bílsins. Verðlaun þessi bæt-
ast við þá velgengni sem Combo bíllinn hefur átt að fagna sem söluhæsti bíll í
sínum flokki í Bretlandi en umboðsaðili Opel á Íslandi er Ingvar Helgason.
Combo bíllinn besti bíllinn
LITLI SENDIBÍLLINN FRÁ OPEL SLÆR Í GEGN Í BRETLANDI.
Audi A6 á fjórum postulínsbollum
BÍLLINN ER TIL SÝNIS Í SMÁRALIND TIL 12. JÚNÍ.
Nýjasta gerðin af Audi A6 árgerð 2005
er komin til landsins á vegum bílaum-
boðsins Heklu og er til sýnis í Smára-
lind. Sýningin er þó harla óvenjuleg því
bílnum er komið fyrir á fjórum postu-
línsbollum frá versluninni Hirti Nielsen.
Bíllinn hefur unnið til ótal verðlaun og
var meðal annars valinn Alheimsbíll
ársins í ár. Hann vegur 1,6 tonn en
bollarnir fjórir sem hann stendur á eru
úr Wedgewood beinapostulíni. Er þetta
í fyrsta sinn sem þetta er reynt hérlend-
is. Bifreiðin var afhjúpuð í gær, föstu-
dag, en hún verður til sýnis til 12. júní.
Audi A6 hefur unnið til fjölda verðlauna
enda afar glæsilegur.
Yfir þúsund bílar seldir
P. SAMÚELSSON SETTI SÖLUMET Í MAÍ. TOYTOTA SELDIST BEST.
Umboðsaðili Toyota á Íslandi, P. Samú-
elsson hf. setti nýtt sölumet í síðasta
mánuði en þá voru afhentir alls 1.066
bílar til nýrra eigenda. Mest var selt af
nýjum Toyota-bifreiðum en voru þær
605 talsins, þar næst voru seldar 446
notaðir bifreiðar og 15 Lexus-bifreiðar.
Þessar tölur ættu ekki að koma á óvart
þar sem Toyota hefur verið söluhæsta
bifreiðin á Íslandi í nokkur ár, þar að
auki er Toyota vinsælasti bíll í heimi
samkvæmt könnunum erlendis.
Margrét Kjartansdóttir tekur við 600. bílnum í
mánuðinum, glænýjum Toyota Corolla Sport.