Fréttablaðið - 07.07.2005, Page 59

Ég á eiginlega bágt með að koma
orðum að því hversu frábær bíó-
mynd Sin City er en get fullyrt að
það er ekki á neinn hallað þó ég segi
það og skrifi að hér sé komin
svalasta mynd ársins og besta mynd
þessa sumars. Sin City er þó að vísu
síður en svo allra og mörgum mun
sjálfsagt þykja nóg um groddalegt
ofbeldið, staðlaðar kynjamyndir,
kvenfyrirlitningu og yfirkeyrða
karlrembu en það er bara ekki hægt
að endursegja myndasögur Franks
Miller úr lastabælinu Sin City án
þess að halda þessu öllu vandlega til
haga. Það er ekkert pláss fyrir póli-
tíska rétthugsun í Sin City og það er
jafn fánýtt að kvarta yfir berum
stelpum í Sin City og of mörgum
geimskipum í Stjörnustríði.
Mörg sorgleg dæmi (Daredevil,
Elektra, The League of Extraordin-
ary Gentlemen, From Hell) hafa
sannað það að eðalmyndasögur geta
steindrepist á hvíta tjaldinu og
Rodriguez hefði hæglega getað
klúðrað Sin City en með höfundinn,
Miller, sér við hlið slær hann ekki
eina einustu feilnótu. Myndin bygg-
ir á þremur Sin City bókum Millers,
The Hard Goodbye, That Yellow
Bastard og The Big Fat Kill. Efni-
viðurinn er auðvitað skotheldur og
Rodriguez breytir engu sem máli
skiptir og kaldhömruðum samtölum
Millers er veitt beint á tjaldið
þannig að unun er á að hlýða.
Þá nýtti Rodriguz sér tölvutækn-
ina í botn og tekst á undraverðan
hátt að blanda saman leikurum af
holdi og blóði og tölvugrafík, þannig
að teiknaðir myndarammar Millers
lifna við í bókstaflegri merkingu.
Það má eiginlega segja að bækur
Millers séu einnig „storyboard“
myndarinnar.
Allir leikarar, bæði í aðal- og
aukahlutverkum, standa sig frá-
bærlega en fremstir fara þeir á
kostum gamla brýnið Mickey Rour-
ke og Bruce Willis. Rourke leikur
tuddann Marv með stórkostlegum
tilþrifum og það er óhætt að segja
að með þessu hlutverki hafi þessum
heillum horfna leikara verð gefið
ómetanlegt tækifæri til upprisu.
Mickey Rourke er Marv. Það er ekki
hægt að segja neitt meira um það.
Stórkostlegt og velkominn aftur
heillakallinn!
Undir allri þessari snilld kraum-
ar svo eðaltónlist, menguð seiðandi
saxófónleik, sem bindur alla þessa
svart/hvítu dýrð saman í film noir í
sinni tærustu mynd. Sin City er há-
tæknilistaverk og um leið óður til
svart/hvítu reyfarana sem áttu sitt
blómaskeið upp úr 1940. Allt er
þetta svo vel gert að maður á alveg
eins von á að Humphrey Bogart
birtist í einhverju regnvotu og
skuggalegu strætinu.
Sin City hefur því fullan rétt á að
vera gamaldags karlremba og þó
tvær meginsögurnar, The Hard
Goodbye og That Yellow Bastard,
séu glettilega keimlíkar og myndin í
raun og veru tveggja klukkustunda
blautur draumur unglingspilts er
hún æði.
Þetta verður ekki betra!
Þórarinn Þórarinsson
Skotheld snilld
SIN CITY
LEIKSTJÓRAR:
ROBERT RODRIGUEZ OG FRANK MILLER
AÐALHLUTVERK:
MICKEY ROURKE, BRUCE WILLIS,
JESSICA ALBA, CLIVE OWEN
NIÐURSTAÐA: Sin City er hátæknilistaverk og
um leið óður til svart/hvítu reyfarana sem áttu
sitt blómaskeið upp úr 1940. Allt er þetta svo
vel gert að maður á alveg eins von á að Hump-
hrey Bogart birtist í einhverju regnvotu og
skuggalegu strætinu.
[ KVIKMYNDIR ]
UMFJÖLLUN
18.–29. júlí
Heyrnar- og talmeinastöð Íslands verður lokuð
vegna sumarleyfis dagana 18.–29. júlí nk.
Opnum aftur þriðjudaginn 2. ágúst.
Fram að sumarleyfi og að því loknu er tekið við
tímapöntunum alla virka daga kl. 9–16
í síma 581 3855. Nánari upplýsingar er að
finna á vefnum www.hti.is.
Óskum viðskiptavinum okkar gleðilegs sumars.
Starfsfólk Heyrnar- og talmeinastöðvar Íslands.
Írska hljómsveitin U2 vann mál sitt
gegn fyrrvarandi stílista sínum,
Lola Cashman. Cashman hafði eign-
að sér nokkra hluti sem höfðu mikið
gildi fyrir sögu sveitarinnar og
sagði hljómsveitarmeðlimi hafa
gefið sér þá. Meðal þess sem Cash-
man hafði í fórum sínum voru bux-
ur og Stetson-hattur sem Bono var í
á Joshua Tree-hljómleikaferðalag-
inu. Hlutirnir voru metnir á rúm-
lega fjögur hundruð þúsund krónur.
Dómarinn Matthew Deery kvað
upp úrskurð sinn í réttarsalnum í
Dublin og sagði augljóst að Cash-
man hefði tekið hlutina án leyfis. Þá
þótti honum frásögn hennar mjög
ótrúverðug. Honum fannst ólíklegt
að Bono hefði striplast um á nær-
buxum eftir tónleika en Cashman
hélt því fram að Bono hefði gefið
henni buxurnar og hattinn eftir tón-
leika sveitarinnar í Arizona 1987. Þá
var það Cashman varla til fram-
dráttar að hún gaf út ósamþykkta
ævisögu hljómsveitarinnar „Inside
The Zoo“ sem kom sveitarmeðlim-
um í mikið uppnám. Bono sagði
sjálfur fyrir rétti að hljómsveitin
gæfi yfirleitt ekki hluti frá sér og
sér í lagi ekki hann, þar sem þeir
væru honum mikilvægir. ■
BONO Söngvarinn knái úr U2 fær hattinn
sinn og buxurnar aftur eftir að dómari í
Dublin úrskurðaði hljómsveitinni í hag.
U2 fær hlutina sína aftur
Leikkonan Shannon Elizabeth hef-
ur sótt um skilnað frá eiginmanni
sínum til þriggja ára, Joseph D.
Reitman. Þau hafa ekki búið saman
síðan í mars.
Elizabeth, sem er 31 árs, sló í
gegn í fyrstu American Pie-mynd-
inni sem hinn kynþokkafulli
skiptinemi frá Tékklandi Nadia.
Hún lék einnig í American Pie 2
auk þess sem hún hefur farið með
hlutverk í Jay and Silent Bob Stri-
ke Back og Scary Movie. Á meðal
mynda sem Reitman hefur leikið í
eru Drop Dead Sext og Choices. ■
Elizabeth sækir um skilna›
SHANNON ELIZABETH Leikkonan sem
sló í gegn í American Pie hefur sótt um
skilnað.