Fréttablaðið - 07.08.2005, Síða 59

Hljómsveitin Írafár heldur til Dan-
merkur á mánudag þar sem hún
dvelur í tvær vikur við upptökur á
væntanlegri plötu sem kemur út í
haust.
Þetta verður þriðja plata sveit-
arinnar en þær tvær fyrstu hafa
selst í um þrjátíu þúsund eintökum
hér á landi. „Við gerðum mjög
svipað fyrir tveimur árum. Þá fór-
um við til Bandaríkjanna og leigð-
um okkur hús þar,“ segir Sigurður
Samúelsson, bassaleikari Írafárs.
„Við duttum niður á þetta óðals-
setur á Norður-Sjálandi uppi í
sveit og leigðum það í tvær vikur.
Þetta er stórt hús sem rúmar tíu
manns. Þarna er ekkert stúdíó og
við tökum því allar græjurnar með
okkur út. Þetta er aðallega gert til
þess að fá góðan vinnufrið og ein-
beita sér að upptökunum. Það
gafst svo vel síðast og þess vegna
ákváðum við að gera þetta einnig
núna,“ segir hann.
Að sögn Sigurðar er hljómsveit-
in búin að taka upp fullt af demó-
um og velja lögin sem eiga að vera
á plötunni og því á eingöngu eftir
að taka þau upp. „Þetta hljómar
mjög vel. Þetta verður allt mjög
Írafárs-legt. Þetta verður blanda af
þessum tveimur plötum sem við
höfum gefið út en samt með nýjum
tón.“
Á meðal laga á plötunni verða
Alla tíð, sem kom út á Pottþétt 38 á
dögunum, Leyndarmál, sem var
gefið út fyrr í sumar og Lífið sem
kom út í fyrrasumar. Þriðja plata
Írafárs er síðan væntanleg um
mánaðamótin október-nóvember. ■
ÍRAFÁR Hljómsveitin Írafár er að hefja upptökur á sinni þriðju plötu.
FR
ÉT
TA
B
LA
Ð
IÐ
/Þ
.Ö
.K
.
Írafár til Danmerkur