Fréttablaðið - 23.08.2005, Síða 31

Mikill erill var hjá lögreglunni í Reykjavík á
menningarnótt og sagði Árni Vigfússon,
aðstoðaryfirlögregluþjónn á forvarna- og
fræðsludeild, að færslur í atburðaskrá lög-
reglu væru á sjöunda tug talsins á tíman-
um frá miðnætti til fjögur á aðfararnótt
sunnudagsins. Hér fer á eftir upptalning á
sumum þessara verkefna, sem gefa ætti
nokkra mynd af því hversu fjölbreytt verk-
efni lögreglu voru þessa nótt.
00:12 Gönguhópar lögreglu voru á leið
að sinna stúlku sem fallið hafði í götuna
og slasast þegar þeir gengu fram á hvar
þrír til fjórir menn gengu í skrokk á ein-
um. Lögregla greip inn í og voru þrír
handteknir. Óskað var eftir frekari aðstoð
þar sem fjölda fólks bar að vegna átak-
anna. Mikið lögreglulið kom á vettvang,
en svo virðist sem í átökunum við hand-
tökuna hafi fórnarlambið forðað sér
sjálfur og náðist ekki í hann. Þar sem
enginn þolandi var á þessu stigi og
mennirnir virtust ekki undir áhrifum var
þeim sleppt að loknu tiltali á lögreglu-
stöð.
00:29 Par kom inn á lögreglustöð við
Hverfisgötu og var konan meðvitundar-
lítil. Að sögn mannsins höfðu þau farið í
tæki í tívólíi niðri í bæ, þar sem fólk er
híft í sætum sínum upp turn og svo
látið detta niður nokkrum sinnum.
Hann sagði að um 15 mínútum eftir að
hún fór í tækið hafi hún misst allan
mátt og ekki getað staðið í fæturna.
Lögregla kallaði til sjúkrabifreið, sem
flutti konuna á sjúkrahús.
00:39 Lögregla kölluð til vegna árekst-
urs strætisvagns og fólksbíls. Engin
meiðsli urðu á fólki.
01:09 Líkamsárás í Hverfisgötu. Maður
stunginn með hnífi og árásarmaðurinn
handtekinn skömmu síðar í Lækjargötu.
01:12 Lögregla kölluð í fjölbýlishús í
Breiðholti þar sem eldri maður hafði
fallið fram úr rúmi sínu og ættingi
komst ekki til að aðstoða hann.
01:12 Afskipti höfð af ölvuðum manni
við Ægisgötu þar sem hann var blóðug-
ur á höfði. Hann neitaði aðstoð og
kvaðst eiga heima rétt hjá.
01:14 Maður fluttur úr Bankastræti á
slysadeild með skurð eftir flösku.
01:14 Lögregla kölluð til vegna heimil-
isófriðar í íbúð við Langholtsveg.
Maðurinn var á leiðinni út þegar lög-
regla kom á staðinn.
01:18 Kvartað vegna hávaða frá gleð-
skap við Hörpugötu. Þegar lögregla
kom á staðinn var enginn hávaði, en
rætt við fjóra drengi. Mikil gleði hafði
verið í húsinu áður en lögregla kom.
01:19 Dyraverðir á skemmtistaðnum
Sirkus við Klapparstíg óskuðu eftir að-
stoð lögreglu. Bíllinn sem til var kvadd-
ur lenti í öðru meira áríðandi máli og
ekki annar laus til að sinna þessu.
01:20 Tilkynning barst um slagsmál við
bensínstöð Esso Geirsgötu.
01:20 Ölvaður maður fluttur í fanga-
geymslu, en lögreglu barst tilkynning
um að hann væri ósjálfbjarga í Ártúns-
brekku.
01:21 Kvartað yfir hávaða í Gullengi í
Grafarvogi. Lögregla ræddi við húsráð-
anda, sem lofaði að hafa hægar um sig.
01:39 Dyravörður á skemmtistað
óskaði aðstoðar vegna slagsmála utan-
dyra á Laugavegi. Komið hafði upp
ágreiningur gests og dyravarðar. Enginn
var handtekinn og enginn fluttur.
01:44 Lögregla kölluð til vegna manns
sem var með bjölluónæði í húsi við
Bergstaðastræti.
01:53 Maður tekinn til verndargæslu
og keyrður heim þar sem hann var
ölvaður á almannafæri við Víkurveg á
miðjum gatnamótum.
01:53 Lögregla kölluð til vegna ölvaðs
manns sem sagður var liggja á Túngötu.
01:56 Lögregla kölluð í Frostafold þar
sem drengur svaf ölvunarsvefni í stiga-
gangi. Honum var ekið heim til sín.
02:00 Lögregla hefur afskipti af manni
skornum á hendi eftir slys við Vatnsstíg.
Sjúkrabíll kom á staðinn.
02:00 Lögregla aðstoðaði dyraverði á
skemmtistaðnum Amsterdam þar sem
þeir áttu í vandræðum með mann sem
var með læti inni. Honum var vísað út
og sló í leiðinni dyravörð.
02:02 Dyraverðir á Miðbar við Lauga-
veg tjónkuðu ekki við konu. Henni var
vísað á brott.
02:03 Lögregla kölluð til vegna heimil-
isófriðar í Hraunbæ.
02:14 Lögregla fær tilkynningu um há-
vaða í húsi við Óðinsgötu. Ekkert óeðli-
legt að sjá eða heyra á staðnum.
02:16 Bíl velt með handafli í Austur-
stræti. Ekki náðist í eiganda bílsins, sem
lögregla tók í vörslu sína.
02:18 Maður vill kæra dyraverði á Ara í
Ögri eftir átök. Hann sagðist hafa misst
tönn og var fluttur á slysadeild.
02:31 Bruni í heimahúsi. Maður var að
fikta með skiparakettu inni í svefnher-
bergi hjá sér og kviknaði í henni. Af varð
nokkur reykur og kviknaði í sængurfötum.
Skemmdir voru minniháttar.
02:34 Lögregla kölluð í heimahús þar
sem maður hafði dottið úr hjólastól og
komst ekki í hann aftur hjálparlaust.
02:39 Ölvaður maður handtekinn eftir
að hafa veist að lögreglumönnum við
störf.
02:42 Dyraverðir óska aðstoðar vegna
slagsmála á skemmtistað við Tryggvagötu.
Einn handtekinn þar sem hann neitaði að
gefa upp nafn og kennitölu.
02:42 Lögregla kölluð til vegna meðvit-
undarlauss manns á Opus í Hafnarstræti.
Sjúkrabíll á leiðinni.
02:49 Starfsmenn á skemmtistaðnum
Pravda óskuðu aðstoðar vegna konu sem
sögð var ósjálfbjarga. Konan var mjög
ölvuð og faðir hennar sótti hana á lög-
reglustöðina.
02:49 Maður tekinn á Kaplaskjólsvegi
grunaður um ölvun við akstur, en þar
hafði hann lent í óhappi.
02:59 Tilkynning barst um eignaspjöll og
skemmdarverk við Hverfisgötu, en þar
höfðu rúður verið brotnar í verslun. Ekki
náðist í eiganda verslunarinnar.
03:05 Maður tekinn á Suðurlandsvegi og
færður á stöð grunaður um ölvun við
akstur.
03:11 Útkall vegna bruna við Bergstaða-
stræti. Maður hafði verið að sjóða bjúgu
en sofnaði frá verkinu þannig að bjúgað
brann við. Hann var svo ósamvinnuþýður
þegar lögreglu bar að og neitaði að gefa
upplýsingar um sig.
03:16 Afskipti höfð af öldauðum manni
við Hverfisgötu. Lifnaði við og gekk sína
leið.
03:18 Konu ekið á slysadeild með gat á
höfði. Hún var mjög ölvuð.
03:18 Drengur fluttur á slysadeild eftir að
lögregla ók fram á hann alblóðugan í
Lækjargötu. Hann hafði staðið við hliðina
á manni sem fékk flösku í höfðuðið og
hlaut djúpan skurð af glerbroti sem
kastaðist í hann.
03:20 Dyravörður tilkynnti mannsöfnuð
við skemmtistaðinn Sólon og sagði
stefna í átök. Lögregla kom á staðinn..
03:22 Tilkynnt um ölvaðan ökumann á
leið um Ártúnsbrekku.
03:23 Ökumaður fluttur á stöð grunaður
um ölvun við akstur á Sléttuvegi.
03:39 Kona sagði barnabarn sitt, unga
stúlku, hafa tekið bíl hennar ófrjálsri
hendi. Stúlkan hafði verið stöðvuð á leið
til Grindavíkur og bíllinn í vörslu lögregluí
Keflavík.
03:41 Fólk í heimahúsi lofaði að hafa
lægra þar sem það var að spila partíspil.
03:46 Tilkynnt um veika stúlku í Þjóðleik-
húskjallaranum. Hafði kastað upp á gólfið
og var flutt á brott með sjúkrabíl.
03:47 Afskipti höfð af hópslagsmálum í
Austurstræti, en þar ók lögregla fram á
marga unga menn að slást. Lögregla stillti
til friðar. Einn var með verulega áverka á
höfði, en ekki vitað hver veitti þá. Lög-
regla gaf mönnunum upplýsingar um
kæruferli og svo héldu vinahóparnir tveir
sem lent hafði saman í sína áttina hvor.
03:48 Ölvuð kona var til vandræða á
skemmtistaðnum 22 við Laugaveg. Henni
var ekið heim til sín.
03:58 Lögreglumenn í forvarnadeild til-
kynntu um slagsmál við Ingólfstorg. Einn
var handtekinn og annar aðstoðaður í bif-
reið. Þolandinn mjög ölvaður drengur,
hringt var í móður hans og hann síðan
sóttur.
04:00 Lögregla kölluð til vegna líkams-
árásar á Miðbar við Laugaveg. Kallað var á
sjúkrabíl vegna manns sem lá eftir slags-
mál. -óká
ÞRIÐJUDAGUR 23. ágúst 2005 19
Mikill erill hjá lögreglunni í Reykjavík:
FJÖLDI ÚTKALLA Á MENNINGARNÓTT
Lumex kynnir nýja kynslóð lampa. MultiPot er allt í
senn, lampi, fjöltengi og smáhlutageymsla. Undir
lokinu á MultiPot er fjöltengi fyrir allt að fimm raftæki,
þannig að þú getur hlaðið GSM síma, iPod eða
myndavél, geymt lykla og smámynt, allt á sama stað.
MultiPot fæst í fjórum litum. Komdu til okkar í Lumex
og kynntu þér málið.
MultiPot
Lampi, fjöltengi og smáhlutageymsla fyrir lykla og smámynt
www.multipot.com Lumex, Skipholti 37, Sími 568 8388, www.lumex.is
®