Fréttablaðið - 29.08.2005, Síða 4

4 29. ágúst 2005 MÁNUDAGUR
BRETLAND Stjórnvöld í Bretlandi
voru vöruð við tengslum milli
aukinnar öfgastefnu breskra
múslima og stríðsins í Írak fyrir
einu ári síðan. Þetta kemur í ljós
í bréfi sem breska dagblaðið
Observer hefur undir höndum og
var skrifað í maí árið 2004 af hátt
settum embættismanni í utan-
ríkisráðuneyti Breta til Andrew
Turnbull ráðuneytisstjóra.
Þar segir meðal annars að ut-
anríkisstefna Breta sé einn aðal-
hvati íslamskra öfgahópa til að fá
nýtt fólk til liðs við sig.
Í bréfinu segir enn fremur:
„Bresk utanríkisstefna og
hvernig hún virðist hafa neikvæð
áhrif á múslima um allan heim
eykur á reiði og tilfinningu fyrir
vanmætti, sérstaklega hjá yngri
kynslóð breskra múslima.“ Þá
væri stefna Breta í utanríkismál-
um, sérstaklega í tengslum við
friðarferlið í Mið-Austurlöndum
og Írak, ein af aðalástæðum öfga-
stefnu í samfélagi múslima í
Bretlandi.
Yfirmenn í utanríkisráðuneyt-
inu vilja ekki tjá sig um málið
þar sem bréfið lak úr ráðuneyt-
inu. ■
Gísli Marteinn sækist
eftir fyrsta sætinu
Fjölmenni var á fundi stu›ningsmanna Gísla Marteins Baldurssonar í I›nó í
gær flar sem hann tilkynnti um ákvör›un sína a› gefa kost á sér í fyrsta sæti í
prófkjöri sjálfstæ›ismanna. Hann segist finna fyrir miklum stu›ningi.
PRÓFKJÖR Gísli Marteinn Baldurs-
son, varaborgarfulltrúi og sjón-
varpsmaður, tilkynnti í gær að
hann gæfi kost á sér í fyrsta sæti
í prófkjöri Sjálfstæðisflokksins í
haust vegna komandi
borgarstjórnarkosninga. Stuðn-
ingsmenn Gísla Marteins boðuðu
til fundar í Iðnó í gær þar sem
Gísli Marteinn tilkynnti þessa
ákvörðun sína. Húsfyllir var á
fundinum.
„Ég hef rætt við Vilhjálm Þ.
Vilhjálmsson um þá ákvörðun
sem ég er hingað kominn til að
tilkynna ykkur og hann tók erindi
mínu eins og sá heiðursmaður
sem við vitum öll að hann er. Við
vorum sammála um að hvernig
sem prófkjörið færi, væru það
kosningarnar í vor sem augu
okkar ættu að beinast að,“ sagði
Gísli Marteinn í tölu sem hann
hélt á fundinum.
„Ég er snortinn af því að sjá
hvað það komu margir. Upphaf-
lega átti þetta að vera fámennur
fundur fyrir mína helstu stuðn-
ingsmenn en hér eru yfir tvö
hundruð manns og það er ég held-
ur betur ánægur með,“ sagði Gísli
Marteinn eftir fundinn. Hann
sagðist finna fyrir miklum stuðn-
ingi. „Ég finn hér í dag að ég er að
fá mikinn meðbyr og er afar
ánægður með það. Ef þessi
stemning helst í prófkjörinu og
þetta verður með svona jákvæð-
um og uppbyggilegum hætti þá
verður þetta afar skemmtilegt og
mun enda vel,“ sagði Gísli Mart-
einn
Vilhjálmur Þ. Vilhjálmsson
segist eiga von á skemmtilegu
prófkjöri. „Ég býð Gísla Martein
velkominn í kosningabaráttuna,“
sagði Vilhjálmur. „Ég vona að í
prófkjörinu taki menn tillit til
þess hvaða þekkingu og reynslu
menn hafa á borgarmálum og
möguleika til þess að koma festu
á stjórn borgarinnar. Ég fullyrði
að Sjálfstæðisflokkurinn undir
minni forystu muni stuðla að
verulega miklum og góðum
breytingum í Reykjavík.“
hjalmar@frettabladid.is
Bæjarstjóraskipti á Álftanesi:
Gu›mundur
tekinn vi›
SVEITASTJÓRN Guðmundur G. Gunn-
arsson tók á föstudag við embætti
bæjarstjóra Álftaness af Gunnari
Val Gíslasyni sem verið hefur
bæjarstjóri í rúm þrettán ár. Guð-
mundur hefur verið oddviti
hreppsnefndar og síðar forseti
bæjarstjórnar Álftaness um ára-
bil og því flestum hnútum kunn-
ugur í málefnum sveitarfélagsins.
Við bæjarstjóraskiptin þakkaði
Guðmundur Gunnari vel unnin
störf í þágu Álftaness og sagði það
skarð fyrir skildi að missa hann til
annarra starfa. - bþs
JARÐSETTUR Á NÝ Ættingjar gráta yfir gröf
gyðingsins Nehemia Vinter sem jarðsettur
var á ný í gær í kirkjugarði við bæinn Nitzan.
Brottflutningar halda áfram:
Grafir fær›ar
frá Gaza
GAZA Ísraelski herinn hófst í gær
handa við að grafa upp 48 grafir
gyðinga á Gaza-svæðinu. Hinir
látnu verða síðan fluttir til Ísrael
og jarðsettir á ný. Þetta er hluti af
brottflutningi landtökumanna af
Gaza en vika er liðin frá því að
lokið var við að rýma 21 byggð
landtökumanna á Gaza-svæðinu.
Gert er ráð fyrir að mannlegar
leifar hinna látnu gyðinga verði
jarðsettar sama dag og þær eru
teknar upp en aðgerðinni á að
ljúka í lok vikunnar. ■
STEINUNN VALDÍS ÓSKARSDÓTTIR Stein-
unn Valdís kippir sér ekki upp við gagnrýni
Össurar.
Borgarstjóri Reykjavíkur:
Er fáor› um
gagnr‡ni
STJÓRNMÁL Steinunn Valdís Óskars-
dóttir, borgarstjóri Reykjavíkur,
segist ekki mikið hafa að segja um
gagnrýni Össurar Skarphéðinsson-
ar, fyrrum formanns Samfylking-
arinnar, á hennar orð í gær.
„Össur Skarphéðinsson hefur í
gegnum tíðina haft sínar skoðanir
bæði á mönnum og málefnum,
bæði utan og innan Samfylkingar-
innar. Hann má hafa allar þær
skoðanir sem hann vill á mér og
því sem ég segi,“ sagði hún. Össur
gagnrýndi orð sem hún lét falla í
fréttaviðtali um að Stefán Jón Haf-
stein hafi „gengið með borgar-
stjórann í maganum“ og þótti um
virðingarleysi að ræða hjá forystu-
manni til samflokksmanns. -óká
VEÐRIÐ Í DAG
KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
63,13 63,43
114,02 114,58
77,71 78,15
10,416 10,476
9,793 9,851
8,329 8,377
0,5754 0,5788
92,8 93,36
GENGI GJALDMIÐLA 26.08.2005
GENGIÐ
HEIMILD: Seðlabanki Íslands
SALA
108,63 -0,34%
SORG Lundúnarbúar leggja blóm við
lestarstöðvar til að minnast þeirra sem
létust í hryðjuverkunum þann 7. júlí.
Stjórnvöld í Bretlandi vissu af tengslum milli öfgastefnu múslima og Íraksstríðsins
Utanríkisstefnan hvetur öfgamenn áfram
GÍSLI MARTEINN ÁSAMT STUÐNINGSMÖNNUM Frá fundi Gísla Marteins í Iðnó í gær þar sem hann tilkynnti um þá ákvörðun sína að
sækjast eftir forystusæti hjá Sjálfstæðisflokknum í Reykjavík. Stuðningsmenn hans boðuðu til fundarins sem var afar vel sóttur.
FR
ÉT
TA
B
LA
Ð
IÐ
/S
TE
FÁ
N
Blaðamenn í Írak:
Fleiri drepnir
en í Víetnam
BLAÐAMENN Fleiri blaðamenn hafa
verið drepnir frá upphafi stríðsins
í Írak en á þeim tuttugu árum sem
átökin í Víetnam stóðu yfir. Þetta
kemur fram í tilkynningu frá sam-
tökunum Blaðamenn án
landamæra.
Sextíu og sex blaðamenn og að-
stoðarmenn þeirra hafa látist í
Írak frá 20. mars árið 2003 en til
samanburðar létust 63 blaðamenn
í Víetnam á árunum 1955-1975.
Samtökin segja Írak vera
hættulegasta stað fyrir blaðamenn
að starfa á en fyrir utan þá sem
hafa dáið hefur 22 verið rænt. ■