Fréttablaðið - 29.08.2005, Síða 40

Íslenska ríkið gaf æsku landsins glerlistaverkið í Grafarvogskirkju og þess vegna fannst Leifi Breiðfjörð kjörið að vinna verkið út frá ann-
ars vegar Kristi í hásæti sínu og hins vegar kristnitökunni á Þingvöllum árið 1000. Yfir öllu gnæfir svo sigurbogi sem þjónar líka því hlut-
verki að láta kirkjuna sýnast stærri.
24 29. ágúst 2005 MÁNUDAGUR
Glerlist á Íslandi blómstrar í
kirkjum landsins enda bjóða
þær upp á allar aðstæður til
að fallegur gluggi fái vel að
njóta sín í birtu og sjónar-
horni.
Fallegt gler hefur alltaf talist til
mikilla gersema og var flutt til
landsins og notað í kirkjum og
hugsanlega einnig á betri bæj-
um eða í híbýlum höfðingja svo
öldum skipti. Íslendingar hafa
hins vegar hvorki haft tækifæri
né hug á að skapa nokkuð úr
gleri fyrr en á síðustu öld.
Enn í dag eru steindir glugg-
ar ein mesta prýði íslenskra
guðshúsa og hefð fyrir því að
glerlist sé gert hátt undir höfði í
kirkjum landsins. Nú eru hins
vegar til fjölmargir íslenskir
glerlistamenn og yfirleitt ekki
ástæða til þess að panta glugga
utan úr heimi eða fá erlenda
aðila til að skreyta íslenskar
kirkjur nema í undantekningar-
tilfellum eins og til dæmis -
fallegu sögunni af gluggunum
frá Coventry sem enduðu í Ás-
kirkju til mikillar prýði. Að
ýmsu þarf að huga þegar gler-
listagluggar eru gerðir í kirkju.
Hvernig passar glugginn við
heildarsvipinn á kirkjunni? Á
verkið að tákna eitthvað? Og
þarf birtan kannski líka að kom-
ast inn? Eitt er víst og það er að
steindir gluggar eru einstaklega
fallegt listform sem gæðir allt
umhverfi sitt fallegri birtu og
upphöfnu lífi þegar best tekst til
auk þess að vera listaverk í
sjálfu sér.
Bústaðakirkja skartar gluggum eftir Leif Breiðfjörð. Gluggarnir mynda heild og eru unnir
með texta úr Opinberunarbók Jóhannesar í huga. Þá má geta þess að allar meginlínurnar
liggja í átt að miðju krossins sem hangir fyrir ofan altarið.
Í Áskirkju getur að líta einstaklega fallega
steinda glugga sem hjónin Óli M. Ísaksson
og Unnur Ólafsdóttir gáfu kirkjunni.
Gluggarnir eru komnir langt að, alla leið
úr dómkirkjunni í Coventry á Englandi, og
var bjargað þaðan undan loftárásum
Þjóðverja í síðari heimsstyrjöldinni.
Það hefur örugglega verið krefjandi að
gera gluggana í Hallgrímskirkju í jafnvægi
við risastórt kirkjuskipið. Leifur Breiðfjörð
hefur þó leyst verkefnið einkar fallega af
hendi, eins og hans var von og vísa.
Lít eg inn um ljóra
Í Neskirkju má bæði finna verk eftir Gerði Helgadóttur og Leif Breiðfjörð. Verkin skapa skemmtilega andstæðu við umhverfið og flókin mynstrin í glugganum kalla fram einfaldleikann í krossinum og við skírnarfontinn.