Tíminn - 23.09.1975, Blaðsíða 8

8
TÍMINN
Þriðjudagur 23. september 1975
Kristján Benediktsson:
Að vera á hægra
brjóstinu
Framkvæmdastjóri Ar-
mannsfells hf. gerir athuga-
semd i dagblöðunum sl. laugar-
dag við ummæli min i viðtali við
Timann deginum áður. Fram-
kvæmdastjórinn segir mig fara
með „rakalausar fullyrðingar”,
og ,,að ég viti betur en telji til-
ganginn helga meðalið”.
I umræddu viðtali sagði ég
m.a.:
„Augljóst er, að þeir aðilar,
sem styðja Sjálfstæðisflokkinn
vel og dyggilega, njóta þess með
ymsu móti i viðskiptum sinum
við Reykjavikurborg. Bygging-
arfélagið Armannsfell hf. hefur
þó að minum dómi notið alveg
óvenjulegrar fyrirgreiðslu”.
Siðan nefni ég þrjú ákveðin
dæmi, máli minu til sönnunar:
a) Framkvæmdir við Fella-
skólann
b) Lóðin við Espigerði og
gróði á þeirri byggingu
c) Lóðin við Grensásveg og
Hæðargarð.
I. Samningur milli Reykja-
vikurborgar og Armannsfells
hf. um byggingu Fellaskóla var
undirritaður 17. febr. 1972. Um
haustið (16. nóvember) var
gerður viðbótarsamningur til að
flýta byggingu unglingaálmu,
en á móti var ákveðið að seinka
framkvæmdum við iþróttahús-
ið. 1 hinum nýja samningi sagði,
að efri hæð unglingaálmu ætti
að vera tilbúin fyrir 1. október
1973 og iþróttahúsið fullgert og
tilbúið til notkunar 1. september
1974.
Fyrir þessar breytingar á
upphaflegum samningi til að
flýta unglingaálmunni varð
borgin að greiða Armannsfelli
4.640 þús. kr., sem samsvarar i
dag 13—14 millj. kr.
Þegar leið að haustdögum
1973 og unglingaálman við
Fellaskólann átti að vera tilbú-
in, vöknuðu fræðsluyfirvöld
borgarinnar við þá óþægilegu en
augljósu staðreynd, að verkinu
hafði miðað hægt um sumarið
og langt var i land, að húsnæðið
gæti orðið tilbúið til kennslu. Ég
skoðaði húsnæðið siðari hluta
septembermánaðar og sýndist
þá, að fyrst mætti reikna með,
að það yrði kennslhæft upp úr
áramótum, ef verulegur kraftur
yrði settur á verkið.
Fleiri en ég munu hafa talið,
að langt væri i land að gera ung-
lingaálmuna kennsluhæfa, þvi
um miðjan september brugðu
forsvarsmenn borgarinnar á
það ráð, að fela Armannsfelli hf.
að innrétta kjallara unglinga-
álmunnar undir kennsluhúsnæði
og greiða 10,3 milljónir kr. fyrir
það verk. Jafnframt var hafizt
handa um smiði tveggja færan-
legra kennslustofa fyrir samtals
að upphæð 6 millj. kr. Tæplega
hefði borgin lagt i þennan auka-
kostnað, ef talið hefði verið, að
Ármannsfell lyki verkinu 11.
nóvember, eins og fram-
kvæmdastjórinn lætur að liggja
i svari sinu.
Siðan mátti Armannsfell
dunda áfram við innréttingu
unglingaálmunnar, og fékk til
þess heilt ár i viðbót og losnaði
við allt sem heitir dagsektir, og
ýmsir verktakar a.m.k. munu
hafa kynnzt af eigin raun hvað
er.
Mér finnst, að fyrri ummæli
min standi óhögguð:
a) Ármannsfell stóð ekki við
timaáætlun um byggingu
unglingaálmunnar.
b) Þetta hafði i för með sér
rúmlega 16 millj. kr. auka-
kostnað fyrir borgina haustið
1973, sem jafngildir um 34
millj. nú.
c) Þrátt fyrir þetta gerði
borgin samning við fyrirtækið
án útboðs um nýtt verk fyrir
10,3 millj.
d) öllum dagsektum var
sleppt, og Ármannsfell hf.
fékk heilt ár i viðbót til að
ljúka unglingaálmunni.
Þetta leyfi ég mér að kalla
óvenjulega fyrirgreiðslu frá
hendi Reykjavikurborgar, þótt
framkvæmdastjóri Ármanns-
fells hf. sé þvi ekki sammála.
Hann virðist góðu vanur.
Það er rétt hjá framkvæmda-
stjóranum, að Ármannsfell skil-
aði i sumar af sér verkinu til
byggingadeildar. Að þessu leyti
var rangt með farið i áður-
nefndu viðtali við mig. Þess er
þó að geta i þvi sambandi, að
byggingadeildin tók við þessu
verki með óvenjulega mörgum
athugasemdum og fyrirvörum
um lagfæringar. Þann lista væri
fróðlegt að birta, en rúmsins
vegna er þess ekki kostur.
Armannsfell hf. er þvi enn
ekki laust allra mála við Fella-
skóla, verði eftir þvi gengið,að
það skili verkinu eins og bygg-
ingadeildin telur, að viðunandi
sé.
II. Um lóðaúthlutanirnar er
þetta að segja:
Meðan aðrir byggingaaðilar i
borginni fá annað hvort engar
byggingalóðir eða lóðir efst i
Breiðholtshverfum, fær Ar-
mannsfell hf. hverja úrvalslóð-
ina á fætur annarri i næsta ná-
grenni við hinn fyrirhugaða
nýja miðbæ Reykvikinga.
Um þetta er ekki neitt við Ar-
mannsfell hf. að sakast. Annað
hvort eru hluthafar Ármanns-
fells hf. þóknaiílegri ráðamönn-
um borgarinnar en eigendur
annarra byggingafélaga eða
Armannsfell hf. greiðir riflegar
i flokkssjóð Sjálfstæðisflokksins
en aðrir.
Kristján Benediktsson.
III. Meðan Ármannsfell hf.
leggur ekki fram reikninga, á-
ritaða af löggiltum endurskoð-
anda, yfir byggingarkostnað
ibúðanna I háhýsinu við Espi-
gerði, mun ég óhikað halda þvi
fram, að bygging þessa húss sé
eitt mesta gróðafyrirtæki, sem
hér- hefur verið stofnað til og
þeir, sem þarna kaupa ibúðir,
greiði fyrir þær langt umfram
sannvirði miðað við raunveru-
legan kostnað við bygginguna.
Þannan gróða á nú m.a. að
nota til að fjármagna bygging-
arnar á nýja svæðinu og græða
enn meira á kosthað væntan-
legra kaupenda, sem þurfa á
húsnæði að halda, en hafa ekki
fengið byggingarlóð, og gætu
raunar ekki fengið hana i þess-
um hluta borsarinnar.
Svona viðskiptamáti virðist
hins vegar ýmsum þóknanleg-
ur, m.a. ráðamönnum borgar-
innar. Kom það skýrt fram á
fundi borgarstjórnar, þegar
Espigerðislóðinni var úthlutað á
sinum tima.
„EINFALDLEIKANUM FYLGIR MIKILL KRAFTUR"
Timamynd Róbert
Asmundur stendur hér við listaverk sitt. Litla verkið til hægri er sjálf
frummyndin, sem gerö var 1959.
— Rætt við Ásmund Sveinsson,
myndhöggvara, um mynd,
sem Kvenfélagið á Akranesi
hefur lótið stækka
Allmargt manna lét sig
varða um það, þegar nýrri
höggmynd, eða skúlptúr
eftir Ásmund Sveinsson
var ýtt út úr verkstæði
vélasmiðjunnar Þrymur
að Borgartúni 25. Myndin,
sem ber nafnið ,,Pyra-
midisk afstraktion" fer
upp á Akranes, þar sem
gerður hefur verið stöpull,
sem er hálfur annar metri
á hæð. Þar mun myndin
hafa framfíðarstað.
Meðal viðstaddra var Ásmund-
ur Sveinsson myndhöggvari og
hafði hann þetta að segja um
myndina.
— Þessi mynd heitir „Pyra-
midisk afstraktion” og er gerð
fyrir hálfum öðrum áratug, eða
meira. Hún er a.m.k. i stóru bók-
inni um myndir eftir mig. Nú fer
hún upp á Akranes i þessum
ágæta búningi.
— Hver á myndina?
— Það er timinn og Island, sem
á hana eins og allar góðar myndir
og vondar. Einhverjar góðar kon-
ur, Kvenfélagið á Akranesi,
standa svo að þessu ferðalagi og
að varðveizlu hennar á Akranesi.
— Hvernig leggst ferðalagið i
þig, fyrir myndina?
— Ég er afskaplega ánægður
með stækkunina og þessa miklu
smiði, sem smiðuðu þetta eintak.
Þetta er lika vandað hjá þeim,
þrihyrningarnir úr stáli og
hringurinn i miðjunni, siðan var
þetta sandblásið og galvanhúðað.
Strengirnir eru svo úr kopar, en
inni i þeim eru stálteinar, sem
gera hana sterkari.
— Hvað kostar að smiða svona.
— Það kostar um hálfa milljón
hefi ég heyrt. Það er mikið, en
hún Ingrid (kona Asmundar) seg-
ir að ég hafi ekkert vit á pening-
um, mér ofbjóði allt, meira að
segja verðið á neftóbaki.
— Hvert cr aðaleinkenni
þessarar. myndar?
— Það er einfaldleikinn. Mynd-
ir eiga helzt að vera einfaldar,
svo einfaldar að menn segi við
sjálfa sig:
— Mikið er þetta nú einföld og
falleg mynd. Einfaldleikanum
fylgir mikill kraftur. Allt sem er
flókið er svo kraftlaust.
Tveir ' þrihyrningar standa i
endum myndarinnar, annar á
haus, hinn á einni hliðinni og
strengleikar fara á milli gegnum
hring. Strengirnir mynda kraft-
mikil furðuleg form.
— Að sjá svona stóra mynd ger-
ir mig hamingjusaman, en þó dá-
litið dapran, þvi maður er orðinn
of mikill ræfill til þess að geta
unnið. Myndhöggvarar verða að
þræla, þeir eru ofurseldir þræl-
dómi, meiri þrældómi en aðrir
listamenn. Án þrældóms verður
enginn myndhöggvari til.
Manneskjan er svo smá gagn-
vart þessari vinnu.
Að sögn fyrirsvarsmanna vél-
smiðjunnar Þrymur hf, tók verk-
ið töluverðan tima. Beðið var um
þessa stækkun þegar sumarleyfi
voru I smiðjunni. Myndin fer sið-
an með Akraborginni i dag,
þriðjudag og hún verður afhjúpuð
við athöfn á miðvikudag.
Yfirumsjón með smiði myndar-
innar hafði Jón Bergsson, yfir-
verkstjóri hjá Þrym hf.
JG.