Fréttablaðið - 12.02.2006, Qupperneq 2

2 12. febrúar 2006 SUNNUDAGUR
DAGUR ER ALVÖRU
JAFNAÐARMAÐUR
84-85 (36-37) Dagskrá 4.2.2006 16:03 Page 2
Ölvaður velti bíl Jeppi valt við
Síðumúla í fyrrinótt og vildi ekki betur til
en svo að jeppinn hafnaði ofan á öðrum
bíl. Ökumaðurinn slapp ómeiddur en
hann er grunaður um ölvun við akstur.
Báðir bílar skemmdust töluvert.
Þjófur í Austurbænum Lögreglan
í Reykjavík leitar þjófs sem braust inn
í fyrirtæki í miðborginni í fyrranót.
Þjófurinn klifraði upp á vinnupalla og
spennti upp glugga á efri hæð. Ekki lá
ljóst fyrir í gær hversu miklu var stolið.
LÖGREGLUFRÉTTIR
STARFSMANNALEIGUR Starfsmanna-
leigan Vislande er talin hafa verið
einna stórtækust af öllum starfs-
mannaleigum á Íslandi í fyrra en
áætlað er að Vislande hafi flutt
inn minnst 75 manns á rúmlega
einu ári, frá ágúst 2004. Vislande
er með höfuðstöðvar í miðborg
Riga. Hún er staðsett á efri hæð-
inni fyrir ofan ljósmyndastofu
við stóra breiðgötu. Í heimsókn
Fréttablaðsins til Lettlands kom í
ljós að Vislande er með að minnsta
kosti tvö önnur heimilisföng í
sögufrægum bæ, Sigulda, í um
klukkustundar fjarlægð frá Riga.
Í bú ð i r n a r
eru í hrörleg-
um bæjar-
blokkum og
virðast vera
mannlausar, að
minnsta kosti
svaraði þar
enginn þegar
b l a ð a m a ð u r
F rét tablaðs -
ins var þar á
ferð í fyrradag og bankaði uppá.
Nágrannarnir vissu heldur ekki
neitt um íbúa í þessum íbúðum.
Þegar hringt var á skrifstofu
Nordic Barter í Riga fékkst sam-
band við yfirmanninn sem reynd-
ist vera Ilona Mikla. Þrátt fyrir
ítrekaðar tilraunir til að fá upp-
lýsingar um starfsmennina tókst
það aldrei. Ilona, sem á starfs-
mannaleiguna Vislande, benti
ítrekað á Ingu hjá Nordic Barter í
Riga þrátt fyrir óskir um að fá að
hitta hana sjálfa. Nordic Barter er
rekið í tengslum við Viðskiptanet-
ið á Íslandi og eru eigendur Nor-
dic Barter bræðurnir Benedikt og
Örn Karlssynir. Örn er barnsfaðir
Ilonu. Viðskiptahugmynd Nor-
dic Barter í Riga er sú sama og
Viðskiptanetsins á Íslandi, vöru-
skipti. Nordic Barter hefur meðal
annars verið í innflutningi á timb-
urhúsum og tengist það ýmsum
öðrum fyrirtækjum, þar á meðal
Viðskiptanetinu og Austurbrún.
Starfsmannaleiga Vislande
var í fréttum í fyrravor vegna
lettneskra bílstjóra sem störfuðu
sem bílstjórar hjá GT verktökum
á Kárahnjúkum. Lettarnir voru
ekki taldir hafa tilskilin leyfi og
fóru meðal annars fyrir héraðs-
dóm Austurlands vegna þess.
ghs@frettabladid.is
Höfuðstöðvarnar í
yfirgefnum íbúðum
Starfsmannaleigan Vislande, sem talin var stórtækust í innflutningi á vinnuafli
frá Lettlandi og Litháen í fyrra, hefur heimilisföng á nokkrum stöðum í Lett-
landi, þar á meðal í tveimur mannlausum íbúðum í Sigulda.
HÖFUÐSTÖÐVARNAR Skrifstofur starfsmanna-
leigunnar Vislande og Nordic Barter eru til
húsa á sama stað eins og sjá má á skiltunum
á þessari mynd. Bæði fyrirtækin eru til húsa
á efri hæðinni. Á götuhæðinni er ljósmynda-
stofa. FRÉTTABLAÐIÐ/KASPARS GOBA
FRÉTTABLAÐIÐ
Í LITHÁEN
GUÐRÚN HELGA
SIGURÐARDÓTTIR
ghs@frettabladid.is
HÉRAÐSDÓMUR AUSTURLANDS Lettneskir
bílstjórar á vegum Vislande starfsmanna-
leigunnar komu fyrir Héraðsdóm Austur-
lands síðasta vor. Þeir voru ákærðir fyrir að
vinna án atvinnuleyfis.
SPURNING DAGSINS
Ásbjörn, mun Samskip flytja
verk á Listahátíð?
Já, mig grunar að við eigum eftir að
flytja eitthvað af verkunum enda eru
flutningar okkar fag.
Ásbjörn Gíslason, forstjóri Samskipa, skrifaði
fyrir helgi undir samstarfssamning við Lista-
hátíð fyrir hönd Samskipa.
VARNARLIÐIÐ Mikill viðbúnaður var
á Keflavíkurflugvelli í gær þegar
fjórar C-23 flutningavélar í þjón-
ustu Bandaríkjahers, millilentu
á leið sinni frá Mið-Austurlönd-
um. Að sögn sjónarvotta beið á
flugvellinum hópur bandarískra
herlögreglumanna með alvæpni
og leitarhunda sér við hlið. Far-
þegar vélanna voru bandarískir
hermenn á leiðinni heim í frí og
voru nokkrir þeirra handteknir og
færðir burt í handjárnum; sumir
klæddir borgaralegum fatnaði.
Eftir að farþegar vélanna höfðu
verið færðir á brott voru vélarnar
skoðaðar nákvæmlega eða „tekn-
ar í sundur“ eins og sjónarvott-
ur orðaði það. Einnig var leitað í
öllum farangri .
Friðþór Eydal, upplýsinga-
fulltrúi Varnarliðsins á Kefla-
víkurflugvelli, sagðist ekki vita
nákvæmlega um hvað málið snýst
en staðfesti þó að um einhvers
konar agabrot væri að ræða. Hann
sagði að það væri mjög eðlilegt að
mál væru rannsökuð hér.
„Herlögregla fékk það verk-
efni að hafa afskipti af hermönn-
um sem voru um borð í vélunum
og það er það eina sem fram fór.
En þetta gæti verið eitthvað stór-
alvarlegt mál án þess að ég viti
það,“ segir Friðþór Eydal.
-shá
Herlögregla á Keflavíkurvelli hafði mikinn viðbúnað við komu fjögurra flugvéla:
Hermenn biðu með alvæpni
FLUTNINGAVÉL Á KEFLAVÍKURFLUGVELLI Fjórar vélar ekki ósvipaðar þessari voru skoðaðar
af herlögreglu í gærkvöld.
PRÓFKJÖR Guðmundur G. Gunnars-
son hreppti efsta sætið í prófkjöri
Sjálfstæðisflokksins á Álftanesi
sem fram fór í gær.
Guðmundur hlaut 143 atkvæði
í fyrsta sætið. Í öðru sæti með
71 atkvæði var Sigríður Rósa
Guðmundsdóttir og í þriðja sæti
lenti Kristinn Guðlaugsson með
72 atkvæði í fyrsta til þriðja sæti.
Erla Guðjónsdóttir hreppti fjórða
sætið með 94 atkvæði í fyrsta til
fjórða sæti. Alls voru greidd 172
gild at-kvæði.
Sjálfstæðisflokkur hefur nú
fjögur sæti af sjö í bæjarstjórn
Álftaness en Kristján Guðlaugs-
son er eini frambjóðandinn af
þeim sem hlutu efstu fjögur sætin
sem ekki situr í bæjarstjórn.
- sha
Sjálfstæðismenn á Álftanesi:
Afgerandi sig-
ur bæjarstjóra
ÁNÆGÐ MEÐ PRÓFKJÖRIÐ Kristinn Guð-
laugsson, Halla Jónsdóttir og Guðmundur
Gunnarsson. FRÉTTABLAÐIÐ/ATLI ÞÓR
ÍSRAEL, AP Ariel Sharon, forsæt-
isráðherra Ísraels, var færður
á gjörgæsludeild sjúkrahúss-
ins Haddasah í Jerúsalem þar
sem hann gekkst
undir aðgerð í
gær. Læknar
hans skáru hann
upp vegna þess
að þeir tóku eftir
því að kviður hans
var mjög bólginn.
Sneiðmynd sem
var tekin í kjölfar-
ið leiddi í ljós að komin var sýking
í kviðarhol hans.
Læknar þurftu að fjarlægja
hluta af ristli forsetans sem er nú
talinn úr bráðri hættu. Forsetinn
er búinn að vera í dái síðan 4. jan-
úar eftir að hann fékk alvarlegt
heilablóðfall.- shá
Sharon gekkst undir aðgerð:
Sharon nær
dauða en lífi
ARIEL SHARON
PRÓFKJÖR Kristán Þór Júlíusson,
bæjarstjóri á Akureyri, vann
afgerandi sigur í prófkjöri Sjálf-
stæðisflokksins á Akureyri í gær.
Kristján þór segist hafa vænst
góðs stuðnings í fyrsta sætið og
var að vonum í sjöunda himni
þegar úrslit lágu fyrir. “Þetta er
mjög afdráttarlaus traustsyfir-
lýsing sem ég fæ og ég er bæði
stoltur og þakklátur í senn. Kosn-
ingaþáttakan er meiri en ég átti
von á og nýskráningar í flokkinn
mjög margar. Það gefur okkur byr
undir báða vængi og ég get ekki
verið annað en mjög bjartsýnn
varðandi kosningarnar í vor,”
segir Kristján Þór.
Sigrún Björk Jakobsdóttir og
Þórarinn B. Jónsson eru áfram á
meðal efstu manna Sjálfstæðis-
flokksins á Akureyri en Elín Mar-
grét Hallgrímsdóttir, Hjalti Jón
Sveinsson og María Egilsdóttir
eru ný í efstu sætum.
Hvorki Oktavía Jóhannesdóttir,
bæjarfulltrúi Samfylkingarinnar,
né Sigbjörn Gunnarsson, fyrrver-
andi þingmaður Alþýðuflokksins,
voru á meðal sex efstu en bæði
gengu þau nýlega í Sjálfstæðis-
flokkinn.
Á kjörskrá voru 1.500 og
greiddu 1.150 atkvæði. Þátttakan
var 77 prósent.
Ellefu sitja í bæjarstjórn Akur-
eyrar og í síðustu kosningum fékk
Sjálfstæðisflokkurinn fjóra full-
trúa. - kk
Prófkjör Sjálfstæðisflokksins á Akureyri var haldið í gær:
Kristján Þór hlaut rússneska kosningu
SIGURINN VÍS Kristján Þór Júlíusson bæjar-
stjóri ásamt eiginkonu sinni, Guðbjörgu
Ringsted, þegar ljóst var að sigurinn var í
höfn. FRÉTTABLAÐIÐ KK
PRÓFKJÖR Alls höfðu 3.800 manns
kosið í prófkjöri Samfylkingar-
innar í Reykjavík þegar kjörstöð-
um var lokið klukkan sex í gær
en þetta var fyrri dagurinn. Með
utankjörfundaratkvæðum höfðu
því rúmlega 4.500 manns greitt
atkvæði.
Prófkjörinu lýkur í dag og er
reiknað með að fyrstu tölur berist
um klukkan hálf sjö í kvöld. Að
sögn Heiðu Bjargar Pálmadóttur,
formanns kjörstjórnar, er mikil
ánægja þátttökuna. „Þetta er
meira en við áttum von á,” segir
Heiða. - fgg
Samfylkingin í Reykjavík:
Fleiri kosið en
búist var við
GÓÐ ÞÁTTTAKA Úrslitin prófkjörsins verða
kunngerð í kvöld. FRÉTTABLAÐIÐ / ATLI ÞÓR
PRÓFKJÖR SJÁLFSTÆÐISFLOKKSINS Í AKUREYRI
1. sæti Kristján Þór Júlíusson 896 atkvæði
2. sæti Sigrún Björk Jakobsdóttir 696 atkvæði
3. sæti Elín Margrét Hallgrímsdóttir 298 atkvæði
4. sæti Hjalti Jón Sveinsson 301 atkvæði
5. sæti Þórarinn B. Jónsson 379 atkvæði
6. sæti María Egilsdóttir 440 atkvæði