Fréttablaðið - 06.06.2006, Síða 18

6. júní 2006 ÞRIÐJUDAGUR18
FASTEIGNALÁN
Í MYNTKÖRFU
Nánari upplýsingar veita lánafulltrúar Frjálsa og á www.frjalsi.is
Miðað við myntkörfu 3, Libor vextir 3.4.2006
Imperial 42 cl
rauðvínsglös
1.924 kr.
12 stk.
Smart og létt á fæti
– heilsteypt glös á tilboðsverði
Þórunn Kristjánsdóttir
Sölumaður hjá RV
Maldive 36 cl
bjórglös
Imperial 31 cl
rauðvínsglös
Imperial 23 cl
hvítvínsglös
Imperial 19 cl
hvítvínsglös
1.757 kr.
12 stk.
1.579 kr.
12 stk.
1.341 kr.
12 stk.
854 kr.
6 stk.
R
V
62
07
A
Rauð
vínsg
lös, h
vítvín
sglös

og b
jórgl
ös á
tilbo
ðsve
rði
í jún
í 200
6
Ströje-Wilkens var síðast sendi-
herra í Argentínu en hún á langan
feril að baki í sænsku utanríkis-
þjónustunni og hjá Sameinuðu
þjóðunum, Öryggis- og samvinnu-
stofnun Evrópu (ÖSE) og sem
sjálfstæður ráðgjafi.
„Ég er atvinnudiplómat, gift
diplómata,“ segir Ströje-Wilkens,
beðin um að segja frá sjálfri sér.
„Við hjónin höfum því þurft að
una því að vera í fjarbúð - hann er
núna sendiherra í Chile en flytur
hingað í október. Hann mun vænt-
anlega geta unnið héðan fyrir
utanríkisþjónustuna unz hann
kemst á eftirlaun.“
Hún segist reyndar hafa unnið
heilmikið utan utanríkisþjónust-
unnar. Þannig starfaði hún fyrir
þróunaráætlun SÞ (UNDP), bæði í
Santiago í Chile og Nairobi í Kenía.
„Svo hef ég starfað sem sjálfstæð-
ur ráðgjafi í þróunarverkefnum,
meðal annars hjálpað stjórnvöld-
um í þróunarlöndum að bera sig
eftir þróunaraðstoðarfé,“ segir
hún. Svo vann hún við kosninga-
eftirlit í hinum ýmsu löndum á
vegum bæði SÞ og ÖSE, meðal
annars í Namibíu, Níkaragúa,
Sambíu og í Suðaustur-Evrópu-
löndum á borð við Makedóníu og
Króatíu. Á tímabili stýrði hún
kosningaeftirliti á vegum ÖSE í
Úsbekistan.
„Mér finnst það mikilvægt að
hafa byggt upp það tengslanet sem
fylgir þessari margþættu starfs-
reynslu, ekki bara við aðra
diplómata og stjórnmálaleiðtoga í
höfuðborgunum, heldur einnig að
komast í samband við venjulegt
fólk utan höfuðborganna, við full-
trúa frjálsra félagasamtaka o.s.frv.
Ástæðan fyrir því að ég sótti í slík
verkefni var auðvitað að geta búið
á sama stað og maðurinn minn var
staðsettur sem diplómat hverju
sinni, en ég verð að segja að ég er
mjög ánægð með að hafa haft tæki-
færi til að öðlast þessa marghátt-
uðu reynslu,“ segir hún.
Byltingarsækin
„Það má segja að í nærri öllum
löndum sem ég hef verið send til á
vegum sænsku utanríkisþjónust-
unnar hafi verið gerð stjórnar-
bylting á meðan ég var þar,“ segir
Ströje-Wilkens. „Þannig var
Salvador Allende steypt skömmu
eftir að ég kom fyrst til Chile
haustið 1973, þegar ég var í Kenýa
var gerð byltingartilraun þar, í
Lesótó var gerð stjórnarbylting.
Það var kannski í trausti þess að
hér væri friðvænlegra sem yfir-
menn mínir ákváðu að senda mig
hingað til Íslands,“ segir hún, en
bætir við, kímin á svip: „Reyndar
hefur það svo gerst síðan ég kom
hingað að Davíð Oddsson hætti í
ríkisstjórn og áföll skóku fjár-
málamarkaðinn. Kannski þora yir-
menn mínir í Svíþjóð ekki að fá
mig alveg heim!“
Reyndar segir hún að sér finn-
ist það að koma hingað til Íslands
vera nánast eins og að koma heim.
„Ég var í allt ellefu ár í Rómönsku
Ameríku, níu ár í Afríku og svo
hjá Sameinuðu þjóðunum í New
York. Sem Svía finnst mér ég
því vera nærri því heima með því
að vera hér á Íslandi,“ segir hún.
Ástæðuna fyrir því að sér líði nán-
ast eins og heima hjá sér í Reykja-
vík segir hún ef til vill koma til af
því að sjálf sé hún uppalin í hafn-
arborginni Landskrona, sem meðal
Svía er kölluð Borg vindanna. „Sé
maður alinn upp við hafið vill
maður vera við hafið. Svo að mér
líður mjög vel hér,“ segir hún.
Það er mjög ánægjulegt að vera
norrænn sendiherra á Íslandi,
segir hún. Aðeins eitt hafi valdið
sér vonbrigðum, þar er hversu
erfitt það sé að læra íslenzku. En
það sé mjög auðvelt að vinna hér;
„eins og ég segi; við erum mjög
skyld þótt þið Íslendingar séuð
fiskimenn og við Svíar skógar-
fólk.“ Auðvelt sé að komast í sam-
band við fólk hér. „Það hafa líka
ótrúlega margir Íslendingar verið
í Svíþjóð - okkur telst til að minnst
40.000 Íslendingar hafi dvalið í
hálft ár eða lengur í Svíþjóð. Um
4.000 Íslendingar búa þar, nema
og starfa. Það er líka jákvætt að
þessi nánu tengsl eiga sér stað svo
að segja af sjálfu sér. 25.000 Svíar
koma til Íslands á ári og um 10.000
Íslendingar fara til Svíþjóðar
árlega,“ útskýrir sendiherrann.
Norrænt samstarf hafi að sjálf-
sögðu einnig mikið að segja; það
eru stöðugt einhverjir norrænir
fundir eða ráðstefnur í gangi sem
stefna fólki frá hinum Norður-
löndunum hingað, að ógleymdu
Norræna húsinu sem gegnir miklu
hlutverki við að efla menningar-
tengsl landanna.
Sendiráðið er lítið (3 sendifull-
trúar, 3 staðarráðnir) og einbeitir
sér að tilteknum verkefnum. „Nú
eru Sameinuðu þjóðirnar í brenni-
depli í tilefni af framboði Íslands
til setu i öryggisráðinu 2009-2010.
Þannig skipulögðum við heimsókn
Hans Blix hingað fyrr á árinu, í
samstarfi við Háskóla Íslands og
Háskólann á Akureyri,“ segir
sendiherrann.
Sænskir dagar á Húsavík
Annar hápunktur í starfsemi
sendiráðsins í ár segir Ströje-
Wilkens að verði Sænskir dagar á
Húsavík, sem haldnir verða í
tengslum við Mærudaga í síðustu
júlívikunni í sumar. Sænsk tengsl
Húsavíkur má rekja allt aftur til
þess er Svíinn Garðar Svavarsson
sigldi í kringum Ísland fyrstur
manna svo vitað sé árið 870 og átti
vetursetu þar sem Húsavík er
núna. Sendiherrann segir hugynd-
ir uppi um að koma á fót nýju safni
á Húsavík undir nafninu Garðars-
hólmi, helguðu landnámi Íslands
og siglingum víkinga.
Meðal þess sem sendiráðið
leggur Sænskum dögum á Húsa-
vík verða glerlistaverkin sem Karl
XVI Gústaf Svíakonungur færði
Íslendingum að gjöf er hann sótti
landið heim fyrir tveimur árum.
„Svo er það auðvitað þjóðhátíðar-
dagskráin,“ segir Ströje-Wilkens,
en þjóðhátíðardagur Svíþjóðar er í
dag. „Við ákváðum að efna til dag-
skrár með íþróttum og leikjum í
stað hefðbundins kokkteilboðs.“
Hátíðin hefst kl. 17 við Norræna
húsið. Þar verða ýmsir dæmigerð-
ir sænskir leikir, svo sem brenni-
bolti og kubb, og reiðtúr og get-
raunir með vinningum fyrir
börnin. „Þá mun ég mæta íslenzka
menningar- og íþróttamálaráð-
herranum Þorgerði Katrínu Gunn-
arsdóttur í borðtennisleik,“ segir
sendiherrann og er óhætt að full-
yrða að sá „vináttulandsleikur“
verði hápunktur dagskrárinnar.
„Á morgun (7. júní) kemur
svo Göran Persson forsætisráð-
herra á leiðtogafund Eystrasalts-
ráðsins. Svíar eru að taka við for-
mennskunni í ráðinu af
Íslendingum um næstu mánaða-
mót og því fer fundurinn fram hér.
Persson var síðast hér á ferð í
haust sem leið, á leiðtogafundi
norrænu ráðherranefndarinnar,
sem jafnan fer fram í tengslum
við Norðurlandaráðsþing. „Á fjór-
um mánuðum hér hitti ég fleiri
ráðherra úr sænsku ríkisstjórn-
inni en á ellefu árum í Rómönsku
Ameríku. Sem segir sitt um hve
náin tengslin eru,“ segir sænski
sendiherrann Madeleine Ströje-
Wilkens.
MADELEINE STRÖJE-WILKENS Sænska landsliðstreyjan sem hangir á gangi sendiráðsins við Lágmúlann í Reykjavík minnir á þema þjóð-
hátíðardagskrárinnar sem efnt verður til á vegum sendiráðsins og Sænska félagsins við Norræna húsið í dag. FRÉTTABLAÐIÐ/HARI
Nánast eins og að koma heim
FRÉTTAVIÐTAL
AUÐUNN ARNÓRSSON
audunn@frettabladid.is
Madeleine Ströje-Wilkens tók við sem sendiherra Svíþjóð-
ar á Íslandi í fyrrahaust. Hún segir það vera til marks um
hve tengsl landanna eru náin að á hálfu ári sem sendiherra
hér hefur hún hitt fleiri ráðherra úr sænsku ríkisstjórn-
inni en hún gerði á ellefu ára ferli sem sendifulltrúi Sví-
þjóðar í Rómönsku Ameríku.