Fréttablaðið - 06.06.2006, Page 85

ÞRIÐJUDAGUR 6. júní 2006 29
MÁN - FÖS
Nú eru Vínbúðirnar Dalvegi og Holtagörðum opnar alla virka daga frá kl. 9.00 til 20.00.
BREYTTIR TÍMAR
Jón Ólafsson tónlistarmaður
vann fyrst með Bubba fyrir um
það bil sex árum í Litlu hryll-
ingsbúðinni en var búinn að
þekkja hann í mörg ár fram að
því. Jón segir að til séu enda-
lausar sögur af Bubba. „Bubbi
átti leðurjakka sem hann sagði
öllum að væri frá Genúa á
Ítalíu. Svo þegar menn fóru að
rýna betur í jakkann þá stóð
Genuine leather,“ segir Jón og
hlær. „Ég veit ekki hvort þessi
saga er sönn eða login, þetta er
bara saga sem ég heyrði,“ bætir
hann við.
Leðurjakkinn
frá Genúa
JÓN ÓLAFSSON Tónlistarmaðurinn Jón
Ólafsson hefur heyrt margar sögur af
Bubba. FRÉTTABLAÐIÐ/HEIÐA
Bárður Bárðarson, sem er formað-
ur aðdáendaklúbbs Bubba, kynnt-
ist Bubba þegar Silja Aðalsteins-
dóttir fékk hann til að vinna við
bókina Bubba.
„Fyrir sex árum eða eitthvað
svoleiðis bjó ég á Klapparstíg og
ætlaði að skreppa á tónleika með
Bubba á Gauki á Stöng, Stríð og
friður var þá nýtilkomin. Þegar ég
var sestur þarna með kaffibollann
kom umboðsmaður Bubba hlaup-
andi og spurði hvort ég vildi að
þessir tónleikar færu fram. Ég
horfði á hann furðu lostinn, en
hann sagði að ég yrði að redda text-
anum að einu laga Bubba. Hann
ætlaði að flytja þetta lag en mundi
ekki textann og neitaði að byrja
tónleikana fyrr en textinn væri
kominn í kollinn á honum því þetta
var byrjunarlagið. Svo að ég þurfti
að hlaupa heim og prenta þetta út.
Þegar ég kom lafmóður á Gaukinn
leit Bubbi á textann og sagði: „Já,
þetta er fyrsta orðið, nú man ég
þetta.“ Stórreykingamaðurinn ég
hljóp sem sagt á sprettinum upp á
Klapparstíg út af einu orði!“
Reykingamaður
á hlaupum
BÁRÐUR BÁRÐARSON Formaður aðdáenda-
klúbbsins prentaði út texta við eitt laga
kóngsins en honum nægði að sjá fyrsta
orðið.
„Bubbi Morthens var mitt goð,
sérstaklega þegar ég var strákur,“
segir Óli Palli, útvarpsmaður á
Rás 2. Hann segir að ekki líði sá
dagur að hann spili ekki
eitthvað af plötum
Bubba, en hann
kynntist átrúnað-
argoðinu þegar
hann var nem-
andi í Fjöl-
brautaskólan-
um á Akranesi.
„Þegar ég var
nítján ára
bað ég
hann að koma í stúdíó og spila með
mér á gítar í einu lagi. Ég hafði
puttabrotnað og gat þess vegna
ekki spilað á gítar og notað upp-
tökutíma í stúdíói sem ég hafði
unnið í tónlistarkeppni í skólan-
um. Svo ég hringdi bara í Bubba,
þekkti hann ekki neitt, og hann
var alveg til í þetta. Ég keyrði
til Reykjavíkur og náði í hann
þar sem hann bjó, hann spilaði
þetta inn á gítar og ég söng.
Ég á kassettu einhvers staðar
með þessu lagi,“ segir Óli Palli,
greinilega ánægður með sam-
starf sitt með Bubba.
Átrúnaðargoð úr æsku
ÓLI PALLI Gerði heimildarmynd
um Bubba en hann hafði á sínum
unglingsárum haft kynni af
kappanum.
Þorsteinn Kragh umboðsmaður
hefur lengi unnið með Bubba. „Ég
kynntist Bubba á vertíð einhvern
tímann á milli 1983-84, við vorum
saman í herbergi en ég fór ekki að
vinna fyrir hann fyrr en í nóvem-
ber 1989. Mér er það minnisstætt
þegar ég var með Bubba á Kanarí
en hann fór mjög oft til Spánar til
að fá innblástur fyrir plöturnar
sínar. Þarna var hann að semja
lögin á plötuna Sögur af landi og
varð þetta atvik kveikjan að lag-
inu Guli flamingóinn. Við vorum á
næturklúbbi og á sviðinu voru
atriði, hvert öðru lélegra og rúsín-
an í pylsuendanum var sextugur
Spánverji með ljósgult hár og
tvær fimmtugar danspíur sem
voru eins og reyrðir flóðhestar.
Þetta var alveg svakalega fyndið
og Bubbi gat náttúrlega ekki hald-
ið niðri í sér hlátrinum. Ég pikkaði
í hann og bað hann um að stilla sig
aðeins af kurteisissökum. Ég hélt
fyrir munninn af hlátri en Bubbi
veltist um og var þetta orðið frem-
ur vandræðalegt. Hann endaði
með að setja trefilinn sinn upp í
sig til að hlæja ekki upp hátt nema
hvað að guli Spánverjinn misstíg-
ur sig á sviðinu og dettur um
annan flóðhestinn. Bubbi dettur
gargandi á milli borðanna á gólfið
með trefilinn upp í sér og þangað
þurfti ég að sækja hann á gólfið
helbláan í framan og bókstaflega
að kafna úr hlátri.“
Kafnaði næstum því á Spáni
ÞORSTEINN KRAGH Lenti í afar sér-
stæðu atviki með Bubba á Kanarí þegar
Bubbi samdi lögin á Sögur af landi.