Fréttablaðið - 12.06.2006, Page 4

4 12. júní 2006 MÁNUDAGUR
GENGIÐ
GENGI GJALDMIÐLA 9.6.2006
Gengisvísitala krónunnar
Bandaríkjadalur 73,63 73,99
Sterlingspund 135,74 136,4
Evra 93,22 93,74
Dönsk króna 12,499 12,573
Norsk króna 11,922 11,992
Sænsk króna 10,1 10,16
Japanskt jen 0,6459 0,6497
SDR 108,86 109,5
HEIMILD: Seðlabanki Íslands
KAUP SALA
129,2766
BANDARÍKIN, AP Sjálfsvíg fanganna
þriggja sem fundust látnir í klef-
um sínum í Guantanamo-fanga-
búðum Bandaríkjahers á Kúbu á
laugardag voru „ekki gerð af
örvæntingu, heldur eru þetta
óhefðbundnar hernaðaraðgerðir
gegn okkur (Bandaríkjamönnum),“
sagði aðmírállinn Harry Harris,
sem er stjórnandi fangabúðanna, í
samtali við fréttamenn í gær.
„Þeir bera enga virðingu fyrir
mannslífum,“ sagði Harris.
„Hvorki okkar lífum né sínum
eigin.“
Annar yfirmaður hersins,
Colleen Graffy, sagði í samtali við
breska ríkisútvarpið að sjálfsvígin
væru „góður áróður til að draga
athygli“ að baráttu öfgasinnaðra
múslima.
Orð þeirra hafa vakið mikla
reiði víða um heim allan og hafa
talsmenn mannréttindasamtaka
stigið fram og sagt mennina hafa
verið fulla örvæntingar vegna
meðferðarinnar sem þeir sættu í
búðunum.
Tveir mannanna voru frá Sádi-
Arabíu og einn frá Jemen. Allir
höfðu þeir setið í fangabúðunum
frá því að þær voru settar upp árið
2002. Mennirnir höfðu tekið þátt í
hungurverkfalli, sem fjöldi fanga í
búðunum hefur verið í frá því í
ágúst á síðasta ári, og höfðu fanga-
verðir neytt mat ofan í þá eins og
aðra fanga með slöngum sem
þræddar voru í gegnum nef þeirra
og niður í maga.
Ættingjar um 130 fanga frá
Sádi-Arabíu sem sitja í búðunum,
sem og mannréttindasamtök þar í
landi, lýstu því yfir í gær að þeir
legðu engan trúnað á að mennirnir
hefðu framið sjálfsvíg, heldur
hefðu þeir annað hvort verið pynt-
aðir til dauða eða verið reknir til
þessa verknaðar.
Sjálfsvíg er mikil synd í augum
múslima og er það ein ástæðan
fyrir því að fólkið leggur ekki trún-
að á sögu talsmanna Bandaríkja-
hers.
Yfirmenn búðanna segja 25
fanga hafa reynt sjálfsvíg 41 sinni
síðan búðirnar voru reistar, en lög-
menn fanganna segja tilfellin vera
mun fleiri. Þetta er þó í fyrsta sinn
sem nokkrum tekst að fremja
sjálfsvíg þar, en samkvæmt upp-
lýsingum Bandaríkjahers tókst
þeim að hengja sig í lökum sínum
og fötum hver í sínum klefa.
Talsmenn hersins segja fang-
ana hafa skipulagt sjálfsvígin.
Mennirnir skildu allir eftir sig
bréf, en yfirmenn Bandaríkjahers
hafa ekki greint frá efni þeirra.
Utanríksiráðherra Svíþjóðar,
Jan Eliasson, kallaði eftir lokun
búðanna í gær og sagði Evrópu-
sambandið vera einhuga í því máli.
Í maí hvatti nefnd Sameinuðu þjóð-
anna til lokunar búðanna, en á síð-
ustu mánuðum hafa þýski kanslar-
inn Angela Merkel, danski
forsætisráðherrann Anders Fogh
Rasmussen og breski forsætisráð-
herrann Tony Blair gert hið sama.
George W. Bush Bandaríkjafor-
seti lýsti yfir áhyggjum sínum
vegna láts fanganna.
smk@frettabladid.is
Hvatt til að Guantanamo-
fangabúðunum verði lokað
Alþjóðasamfélagið hefur brugðist harkalega við fréttum af sjálfsvígum þriggja fanga sem voru í haldi
Bandaríkjahers ásamt um 460 öðrum mönnum í Guantanamo-fangabúðunum á Kúbu. Talsmenn Banda-
ríkahers segja sjálfsvígin vera „óhefðbundnar hernaðaraðgerðir“ gegn Bandaríkjunum.
Bandaríkin hófu að nota Guantan-
amo-fangabúðirnar á Kúbu í janúar
2002 undir fólk sem talið er tengjast
al-Kaída hryðjuverkanetinu eða
talibönum. Alls hafa 759 manns
setið þar í haldi, samkvæmt banda-
ríska varnarmálaráðuneytinu.
Af þeim hafa tíu manns sætt form-
legri ákæru. Verið er að vinna að
ákærum gegn rúmlega 20 manns til
viðbótar.
Um 290 föngum hefur verið sleppt
eða hafa verið sendir annað, og nú
sitja þar um 460 fangar.
Bandaríska varnarmálaráðuneytið
segir að búið sé að samþykkja að
sleppa eða flytja 136 manns til
viðbótar, en ekki sé hægt að sleppa
þeim fyrr en heimalönd þeirra hafi
sannfært Bandaríkjamenn um að
öryggi þeirra verði ekki ógnað þegar
þeir koma til síns heima.
Guantanamo-
fangabúðirnar
GUANTANAMO-FANGABÚÐIRNAR Þrír fangar í fangabúðum Bandaríkjahers við Guantanamo-flóa á Kúbu frömdu sjálfsvíg á laugardag. Atburðurinn hefur vakið gífurlega athygli víða um
heim og kalla sífellt fleiri ráðamenn eftir lokun búðanna. FRÉTTABLAÐIÐ/AP
FASTEIGNIR Engin samdráttur er á
fasteignamarkaði á höfuðborgar-
svæðinu, samkvæmt tölum frá
Fasteignamati ríkisins fyrir veltu
og fjölda þinglýstra kaupsamn-
inga. Velta nam tæpum 22 millj-
örðum króna í maímánuði og
jókst um 28,3 prósent frá sama
tímabili í fyrra, þegar hún var
rúmir sautján milljarðar. Einnig
varð aukning í fjölda þinglýstra
kaupsamninga ef sömu mánuðir
eru bornir saman. Fjöldi kaup-
samninga nam 779 í maí 2006 en
var 725 árið áður, sem er 7,4 pró-
senta aukning. „Þetta er merki-
legt í ljósi þess að þensla á fast-
eignamarkaði var í hámarki á
þessum tíma [í maí 2005],“ segir í
hálf fimm fréttum KB banka.
Umsvif á fasteignamarkaði juk-
ust einnig á milli apríl og maí og
jókst velta um 25 prósent. Þó ber
að hafa í huga að páskarnir voru í
apríl. Aukningin var fyrst og
fremst í viðskiptum með fjölbýli
en 29,6 prósent fleiri kaupsamn-
ingum var þinglýst í maí en apríl.
Hins vegar varð lítils háttar sam-
dráttur í viðskiptum með sérbýli.
Velta á fasteignamarkaði á höfuðborgarsvæðinu eykst milli ára:
Engin merki um samdrátt
UPPBYGGING FASTEIGNA Velta á fasteigna-
markaði jókst í maímánuði.
FRÉTTABLAÐIÐ/HÖRÐUR
Bára Sigurjónsdóttir, fyrrverandi
kaupkona, lést fimmtudaginn 8. júní,
84 ára að aldri. Hún
fæddist 20. febrúar
1922 í Hafnarfirði.
Bára kom víða við
á lífsleiðinni. Hún
lauk prófi úr Kvenna-
skólanum í Reykja-
vík og prófi í dans-
kennslu, leikfimi- og
sundkennslu í Dan-
mörku árið 1939.
Bára rak dansskóla á árunum
1939-1943 en langflestir þekkja
hana þó sem kaupkonu í verslun-
inni Hjá Báru á Hverfisgötunni. Þá
verslun rak hún frá árinu 1950.
Eftir fimmtíu ára farsælan rekstur
hætti Bára störfum árið 2000.
Andlát:
Bára Sigurjóns-
dóttir látin
BÁRA SIGUR-
JÓNSDÓTTIR
MEXÍKÓ, AP Fólk í borgum svo sem
Madríd á Spáni, Mexíkóborg í
Mexíkó og í Toronto í Kanada hjól-
aði nakið um í gær og hvatti sam-
landa sína sem og yfirvöld til að
minnka olíuneyslu og að bæta hjól-
reiðastíga. Flestir voru eingöngu
íklæddir skóm og hjálmum.
„Við verðum að taka til þessara
ráða svo bílstjórar sjái okkur og
sýni okkur virðingu,“ sagði Aug-
ustin Mendez í Mexíkóborg, þar
sem um 25 hjólreiðamenn tóku
þátt í túrnum. - smk
Óvenjuleg mótmæli:
Naktir hjól-
reiðamenn
NAKTIR HJÓLREIÐAMENN Hjólað var gegn
olíu í Madríd á Spáni á laugardag.
LÖGREGLUMÁL Ekið var á sjö ára
stúlku á reiðhjóli á Vesturgötu í
Keflavík um klukkan 14 í gær.
Stúlkan hjólaði í veg fyrir bíl sem
ekið var eftir götunni. Hún var flutt
með sjúkrabíl til skoðunar á Heil-
brigðisstofnun Suðurnesja en
meiðsl voru talin minniháttar enda
var stúlkan með reiðhjólahjálm.
Lögreglan í Keflavík hafði í nógu
að snúast en óskað var eftir aðstoð
hennar á skemmtistað í bænum þar
sem einn gestanna hafði hlotið
höfuðhögg og skurð á höfuð. Sauma
þurfti nokkur spor og veit lögreglan
hver stóð að baki árásinni.
Þá voru skemmdarverk unnin á
trjágróðri baka til við Valgeirsbakarí
í Njarðvík auk þess sem skemmd
var loftvifta í bakaríinu. - sgi
Umferðarslys í Keflavík:
Ekið á stúlku