Fréttablaðið - 17.08.2006, Síða 20

17. ágúst 2006 FIMMTUDAGUR20
nær og fjær
„ORÐRÉTT“
Óviðunandi
„Það er algjörlega óvið-
unandi og óþolandi að
leikskólinn sé settur í þá
aðstöðu að vera orðinn
skotspónn pólitískra deilu-
mála.“
JÓNÍNA LÁRUSDÓTTIR, LEIKSKÓLA-
STJÓRI Í FÁLKABORG Í BREIÐHOLTI,
MÓTMÆLIR FYRIRHUGAÐRI KLOFN-
INGU MENNTARÁÐS. MORGUN-
BLAÐIÐ, 16. ÁGÚST.
Þingmenn ráða ekki
„Það verða um 850 manns
sem kjósa á flokksþinginu
en þingmennirnir hafa
aðeins rétt til þess að greiða
tólf atkvæði.“
SIV FRIÐLEIFSDÓTTIR, HEILBRIGÐIS-
OG TRYGGINGAMÁLARÁÐHERRA,
SEGIR ÞINGFLOKK FRAMSÓKNAR-
FLOKKSINS EKKI RÁÐA HVER VERÐ-
UR NÆSTI FORMAÐUR FLOKKSINS.
FRÉTTABLAÐIÐ, 16. ÁGÚST.
„Allt bara gott, ég hef verið upptekinn við að
taka við ferðamönnum í sumar, bæði innlend-
um og erlendum, sem vilja koma hingað vestur
og njóta ægifagrar náttúrunnar,“ segir Gylfi
Ólafsson, framkvæmdastjóri ferðaskrifstofunnar
Vesturferða. Að sögn Gylfa er ferðaskrifstofan
sú eina sem sinnir ferðamönnum sem kjósa að
heimsækja svæðið.
„Við bjóðum upp á siglingar út í Vigur, sem
er falleg eyja með mikið æðar- og lundavarp
auk þess sem þar er að finna einu vindmyllu
landsins,“ segir Gylfi, ferðamálafrömuður
Vestfjarða. „Það er siglt frá Ísafirði alla daga
klukkan tvö.“
Siglingin út í Vigur, en eyjan hefur verið köll-
uð perlan í Djúpinu, er ekki það eina sem Vest-
urferðir hefur á boðstólum, því ferðaskrifstofan
býður einnig upp á margs konar spennandi
gönguferðir. Má þar helst nefna gönguferð um
Hornstrandir þar sem göngu-
görpum gefst færi á að skoða
svæði sem lagðist í eyði fyrir um
fimmtíu árum að sögn Gylfa.
„Aðsóknin er búin að vera
þokkaleg í sumar, en þetta kemur
allt með kalda vatninu, Veðrið er búið
að vera fínt í sumar og vegirnir hafa
batnað stórlega, svo fólk
hefur enga ástæðu til að
fresta Vestfjarðaferðinni,“
segir framkvæmdastjórinn
metnaðarfulli.
Gylfi starfaði sem
sumarstarfsmaður hjá
Vesturferðum í fjögur
sumur áður en að hann
tók við stjórn ferða-
skrifstofunnar núna í
vor. „Mér líður vel hér, enda elska ég þetta
svæði,“ segir Gylfi. „Í haust mun ég reka
skrifstofuna áfram úr borginni, en ég er að
fara setjast á skólabekk í Háskóla Íslands
til að nema hagfræði,“ segir Gylfi sem er
nýútskrifaður kennari frá Háskólanum á
Akureyri. „Ég ætla að stunda nám með-
fram vinnunni, enda ferðamennsk-
an enn sem komið er tiltölu-
lega árstíðabundin,“ segir
Gylfi Ólafsson frá Ísafirði.
HVAÐ ER AÐ FRÉTTA? GYLFI ÓLAFSSON, FRAMKVÆMDASTJÓRI VESTURFERÐA
Ástæðulaust að fresta Vestfjarðaferð
Alls mættu 12.327 áhorf-
endur á Laugardalsvöllinn
í blíðskaparveðri á mánu-
daginn til að fylgjast með
vináttulandsleik Íslendinga
og Spánverja í knattspyrnu.
Tilefnið var ærið, ekki einungis
gafst þar kostur á að berja margar
af skærari stjörnum knatt-
spyrnunnar augum, heldur var
nýja stúkan á Laugardalsvellinum
vígð við þetta hátíðlega tækifæri.
Stemningin var góð og kliður
fór um mannskapinn þegar hver
stórstjarnan á fætur annarri steig
fram á iðagrænan knattspyrnuvöll-
inn. Vinsældir knattspyrnunnar
hér á landi eru óumdeilanlegar, það
var greinilegt í gær því flestir í
stúkunni vissu með hvaða liði hin
og þessi knattspyrnuhetjan stund-
ar íþrótt sína.
Eftir því sem sólin lækkaði jókst
stemningin, því þegar leið á leikinn
var hverjum ljóst að landsliðið
okkar var ekki á leið til slátrunar
eins og flestir höfðu búist við fyrir
leik. Strákarnir báru enga virðingu
fyrir stjörnunum, sem margar
hverjar hafa unnið flesta titla sem
í boði eru innan knattspyrnunnar.
Ef eitthvað er, átti liðið okkar
hættulegri færi og í hvert sinn sem
okkar menn gerðu sig líklega jókst
hávaðinn, eins og lög og reglur
gera ráð fyrir.
Áhorfendur mynduðu bylgju í
síðari hálfleik og fór hún hringinn
um Laugardalsvöllinn í ein átta
skipti, svo mikil var stemningin.
Stemningin á vellinum
jókst með lækkandi sól
FORMAÐURINN FYLGIST MEÐ STRÁKUNUM Formaður KSÍ, Eggert Magnússon, lét sig ekki
vanta á leikinn frekar en fyrri daginn.
KÆLIR SIG EFTIR ÁTÖKIN Kantmaðurinn eldfljóti Jose Antonio Reyes sést hér kæla sig niður eftir átökin. Blíðskaparveður var í Laugardalnum á
meðan leikurinn fór fram. FRÉTTABLAÐIÐ/VALLI
ÁHORFENDUR Í ENDURGERÐU STÚKUNNI
Spennan skein úr andlitum þeirra 6.500
áhorfenda sem hreiðruðu um síg í endur-
gerðu stúkunni.
HJÁLMAR JÓNSSON LÆTUR SKOT RÍÐA AF Þetta skot endaði ekki í netmöskvunum, heldur
á meðal áhorfenda. Framherjarnir Veigar Páll Gunnarsson og Gunnar Heiðar Þorvaldsson
bíða átekta. FRÉTTABLAÐIÐ/VALLI
AUGL†SINGASÍMI
550 5000
FYLGIR FRÉTTABLA‹INU ALLA MI‹VIKUDAGA
Brúðkaupsgjafir
Óskalistar: Við höldum vandlega utan um alla óskalista
og öll brúðhjón sem setja saman óskalista hjá
Líf&List fá veglega brúðkaupsgjöf frá versluninni.
Onde matar- og kaffistell
Franskt gæða postulín