Fréttablaðið - 17.08.2006, Side 40

17. ágúst 2006 FIMMTUDAGUR10
Heilbrigð sál
BORGHILDUR SVERRISDÓTTIR
EINKAÞJÁLFARI OG B.A. Í SÁLFRÆÐI
Að verða það sem maður hugsar
Ein af stærstu ástæðum þess að
við náum ekki árangri, hvort sem
það er í lífinu almennt eða í
heilsurækt, er vegna þess að við
setjum okkur ekki markmið.
90% fólks nær ekki heilsurækt-
armarkmiðum sínum eða að
halda árangrinum. 10 prósent
fólks nær hins vegar markmið-
um sínum, viðheldur þeim og
setur sér fleiri og stærri mark-
mið. Munurinn á þessum hópum
er að þessi 10 prósent setja sér
skýr og skrifleg markmið, lesa
þau á hverjum degi og eru með
hugann við efnið alla daga. Þegar
við stefnum að einhverju, hvort
sem það er að kaupa okkur íbúð
eða byggja okkur upp líkamlega,
er það sannarlega hugurinn sem
ber okkur hálfa leið og jafnvel
lengra. Hann þarf að fá stöðuga
upprifjun og endurtekningu svo
við hegðum okkur í samræmi við
markmið okkar.
Ef þú veist ekki hvert ferðinni er
heitið, er líklegast að þú endir
hvergi
Mikilvægt er líka að hafa mark-
miðin nákvæm og á jákvæðum
nótum. Ekki skrifa til dæmis að
þú viljir ná af þér fitunni á mag-
anum, heldur að þú ætlir að ná
ákveðnu miklu fituhlutfalli af
líkamanum. Enda fer fitan ekki
bara af einu svæði. Aðalmálið er
að vita hvar þú ert og hvert þú
ætlar.
Að vita og að framkvæma
Flestir vita alveg hvað þeir þurfa
að gera, til að ná árangri með lík-
ama sinn. Borða reglulega nær-
ingarríkan mat og hreyfa sig. En
það er mikill munur á að vita
hvað maður á að gera og gera
það sem maður veit. Markmiðið
er brúin milli þessara tveggja
póla.
Þegar undirmeðvitundin stjórn-
ar
Það sem þú hugsar endurtekið
um yfir daginn kemst fljótt inni í
undirmeðvitund þína og þú ferð
að trúa og endurtaka. Þegar það
gerist er eins og það sé sett í
„hlutlausan“ og hlutirnar fara að
ganga snurðulaust fyrir sig án
mikillar umhugsunar. Ástæðan
fyrir því að þú gerir það sem þú
gerir á hverjum degi er að þú
hefur endurtekið það nógu oft og
hugsað nógu mikið um það, að
undirmeðvitundin hefur tekið
við. Það er hún sem stýrir hvers-
dagslífinu og þangað viltu kom-
ast með aðferðirnar sem færa
þér árangur í líkamsræktinni
sem og öðru sem þú stefnir að.
Að endurtaka markmiðið í hug-
anum eða lesa það yfir, helst
nokkrum sinnum á dag, er því
lykillinn að því að ná hvaða
markmiði sem er.
Til að ná árangri:
1. Hafðu markmiðið nákvæmt og
skýrt með nákvæmri dagsetn-
ingu um hvenær þú vilt vera
búin(n) að ná því. Settu þér bæði
langtíma- og skammtímamark-
mið.
2. Hafðu markmiðið mælanlegt.
Taktu stöðuna í upphafi, reglu-
lega á leiðinni og svo í lokin til að
þurfa ekki „að horfa á grasið
vaxa“, því þá finnst okkur ekkert
gerast.
3. Settu þér raunsætt markmið.
Ef þú þarft að fara langa leið,
skaltu taktu þér tíma.
4. Hafðu markmiðið einfalt. Þeir
sem ætla að góma tvær mýs, ná
hvorugri! Eitt í einu!
5. Hafðu markmiðið á jákvæðum
og persónulegum nótum og í
nútíð eins og þú sért búin(n) að
ná þeim.
6. Hegðaðu þér eins og þú værir
búin(n) að ná markmiðinu. Ef
markmiðið er að verða í topp-
formi skaltu hegða þér eins og
manneskja í toppformi. Hún
situr ekki fyrir framan sjónvarp-
ið með snakkpokann og nammið,
fær sér hammara og franskar í
hádeginu eða kallar það hreyf-
ingu að ganga út í bíl eða innan-
húss í vinnunni.
7. Til að ná markmiðum okkar
þurfum við oftast að fara út fyrir
þægindarammann. Enginn sem
skarar fram úr eða nær góðum
árangri, er innan þægindaramm-
ans.
8. Ekki vera hrædd við „þrösk-
ulda“, þó þeir geti haldið þér
niðri eða kippt þér til baka. Þeir
eru hluti af lífinu og merkustu
meistarar hafa þurft að glíma
milljón sinnum við þá áður en
meistaraverkin hafa orðið til.
Aldrei að gefast upp!
9. Allt sem þú hefur, er dagurinn
í dag. Vertu í núinu og gerðu allt-
af þitt besta í hvaða aðstæðum
sem er.
10. Finndu sterkan tilgang fyrir
markmiðið. Það koma dagar þar
sem einbeiting er lítil og dauf.
Sterkur tilgangur virkar sem
besta hvatningin á slíkum augna-
blikum.
11. Lestu markmiðið á hverjum
degi og endurtaktu það í hugan-
um. Það er eina leiðin til að koma
því í undirmeðvitundina og
hegða sér á hverjum degi í sam-
ræmi við það, án mikillar fyrir-
hafnar.
Kær kveðja,
Borghildur
Íþróttaálfurinn ætlar að
hlaupa krakkamaraþon Glitnis
í fyrsta skiptið í ár. Hlaupið
er ætlað öllum hlaupaglöðum
börnum, 11 ára og yngri.
„Eitt það
skemmtileg-
asta sem ég
geri er að
hlaupa með
vinum
mínum. Þess
vegna ætla ég að taka
þátt í Latabæjarmaraþoni
Glitnis og mér þætti mjög
gaman ef þið vilduð koma
og hlaupa. Fyrst hitum við
okkur aðeins upp og hlaup-
um svo stutta vegalengd,“
segir íþróttaálfurinn.
Hann hvetur alla krakka
til að mæta, ekki endi-
lega til að vera fyrst og
vinna heldur bara til að
vera með og hafa
gaman af því að
hreyfa sig.
Hlaupið er frá
útibúi Glitnis við
Lækjargötu. Kl.
13.45 mætir
íþróttaálfurinn
til að hita upp
með krökk-
unum en það er mikil-
vægt að vera heitur áður en maður
tekur þátt í maraþoni. Annars gæti
maður tognað. Hálftíma síðar, kl.
14.15, ættu allir að vera orðnir vel
heitir og tilbúnir í hlaupið en þá
verður líka lagt af stað. Sá sem er
of seinn er fúlegg!
Hlaupaleiðin er einföld og ekki
of löng og ekki of stutt. Hlaupið
er út Fríkirkjuveginn og beygt til
hægri yfir brúna á tjörninni en sú
gata heitir Skothúsvegur. Þar var
víst einu sinni hús
þar sem skotveiði-
menn
æfðu sig
en það er
löngu horf-
ið. Þegar
maður er
kominn yfir
brúna beygir
maður til
vinstri með-
fram tjörninni
og hleypur svo
í kringum
hana, út á Sól-
eyjargötu og
svo beinustu
leiðina aftur að
Glitni. Þar er
endamarkið og
þegar maður
klárar er maður
búinn að hlaupa
heilan einn og hálf-
an kílómetra.
Allir krakkar
sem taka þátt í
hlaupinu þurfa
að skrá sig og
borga 800 krón-
ur í keppnis-
gjald. Þeir fá bol
sem er sérhannaður fyrir hlaupið
og líka verðlaun þegar hlaupið er
búið. Allar nánari upplýsingar er
að finna á internetinu á www.
glitnir.is.
tryggvi@frettabladid.is
Hlaupið með
íþróttaálfinum
Fleiri feitir en
hungraðir
OFFITUTILFELLUM FJÖLGAR EKKI
BARA Á VESTURLÖNDUM.
Samkvæmt bandarískum sér-
fræðingum glímir nú fleira fólk við
offitu en við hungursneyð. Breytt
mataræði og öðruvísi lífsmunstur í
Kína og Japan ræður þar miklu um.
Með minnkandi erfiðisvinnu, meira
sjónvarpsáhorfi og aukinni neyslu
á feitum dýraafurðum í stað græn-
metisafurða hafa milljónir Kínverja
og Japana fitnað hratt á síðustu
árum. Sérfræðingarnir benda á að
offita sé ekki aðeins vandamál á
Vesturlöndum og ef ekkert yrði
aðhafst myndu sjúkdómar sem
tengjast offitu á borð við sykursýki
og hjartasjúkdóma aukast hratt
víða um heim.
- vör
Fleiri glíma við offitu en hungursneyð.
Íþróttaálfur-
inn hvetur
alla til að
hlaupa í
krakkamar-
aþoni.
��������������
���������
��������������������������������
A
R
G
U
S
0
6
-0
3
5
0
�������������������� ������������������������� ��������
���
������������ �����
�����������������
550 5000
AUGLÝSINGASÍMI