Fréttablaðið - 17.08.2006, Qupperneq 26

17. ágúst 2006 FIMMTUDAGUR26
hagur heimilanna
Framhaldsskólarnir fara á
fullt nú um mánaðamótin
og ekki seinna vænna að
útvega allt sem þarf til að
geta byrjað skólaárið eftir
sumarið. Skólabækur eru
stór útgjaldaliður og því
ekki úr vegi að rýna aðeins
í hvar þær fást og hvernig
best má komast frá því að
eyða allri sumarhýrunni í
þær.
Meðal bókaverslana sem halda
úti skiptibókamarkaði eru Griff-
ill og Office 1 í Skeifunni,
Eymundsson í Austurstræti og
Mál og menning á Laugavegin-
um, svo dæmi séu tekin. Inn-
kaupsverð og söluverð á bókun-
um er mismunandi eftir
verslunum og sumar verslanirn-
ar taka ekki við illa förnum
bókum.
„Skiptibókamarkaðurinn
hefur verið á mikilli ferð í svona
tíu daga, en við lokum honum í
raun aldrei yfir árið,“ segir Þór-
unn Inga Sigurðardóttir, verslun-
arstjóri í Pennanum Austur-
stræti. „En þetta eykst dag frá
degi þar til skólarnir byrja í
næstu viku. Við tökum við bókum
og seljum þær aftur, en ef bæk-
urnar eru úreltar er tekið við
þeim og borgað 50 krónur fyrir.
Við gerðum samning við Íslenska
gámafélagið sem mun sjá um að
endurvinna þær fyrir okkur.“
Þórunn segir alltaf vera líf og
fjör í skiptibókasölunni. „Svo
fylgir skafmiði með öllum bókum
sem við tökum við og getum selt
aftur. Í vinning eru til dæmis far-
tölvur, iPodar, minniskubbar og
úttektir úr búðunum okkar. Við
köllum þetta skiptimiða,“ segir
Þórunn.
„Markaðurinn hefur gengið
mjög vel, og er núna í fyrsta
skiptið í sérhúsnæði við hliðina á
hinni búðinni,“ segir Nína Krist-
björg Hjaltadóttir, verslunar-
stjóri í Griffli, Skeifunni. „Krakk-
arnir hafa farið af stað örlítið
fyrr en undanfarin ár. Við gerum
mikið af verðkönnunum og fylgj-
umst grannt með samkeppnisað-
ilunum. Við segjumst vera alltaf
ódýrari og viljum standa við það.
Ef við sjáum lægra verð annars
staðar lækkum við okkar verð
samkvæmt því. Við pössum vel
upp á þetta og tökum alltaf inn
mjög mikið af bókum. Ég tel að
við séum með mjög góða þjón-
ustu fyrir námsmenn.“
Fréttablaðið gerði óformlega
könnun á hvað það kostar fyrir
nemendur að hefja nám í tveim-
ur framhaldsskólum, Mennta-
skólanum í Reykjavík og Mennta-
skólanum við Hamrahlíð. Tekinn
var saman áætlaður kostnaður
við bækur fyrir nýnema á mála-
braut í MR annars vegar og
nýnema á félagsfræðibraut í MH
hins vegar. Athugaðar voru tvær
verslanir með skiptibókamark-
að, Penninn í Austurstræti og
Griffill í Skeifunni. Griffill var
með talsvert lægra verð á þeim
bókum sem teknar voru inn í
útreikningana. Það má útskýra
að einhverju leyti með því að
Griffill átti oftar notuð eintök af
bókunum, en í Pennanum þurfti
oft að kaupa bækurnar nýjar í
plastinu. Meira var þó um að ein-
staka bækur af listanum fengj-
ust ekki í Griffli, en í Pennan-
um. steindor@frettabladid.is
„Stjórnmálamenn eru nú þekktir fyrir að setja
sínar gjörðir í jákvætt ljós, jafnvel þær miður góðu,
þannig að ég vil nú helst ekki gangast við neinum
sérlega slæmum kaupum,“ segir Jónmundur
aðspurður um verstu kaup hans. „Þurfi ég að telja
eitthvað upp nefni ég leirdúfukastara sem ég og
vinur minn Haraldur Johannessen, hagfræðingur
og fyrrverandi aðstoðarmaður umhverfisráðherra,
keyptum okkur fyrir nokkrum árum. Við erum
báðir áhugamenn um skotveiði og til að verða
sannar skyttur keyptum við saman handkast-
ara til æfinga. Það rann hins vegar upp fyrir
okkur að mikla lagni og talsverða krafta þurfti
til að leirdúfan losnaði úr sæti sínu og kæmist
á flug. Skemmst er frá því að segja að æfingin
endaði á því að Haraldur þeytti dúfunni
af alefli í höfuðið á mér af stuttu færi.
Kastarinn góði hefur staðið óhreyfður í
bílskúrnum síðan.“
Bestu kaupin segir hann vera sólpall
sem þau hjónin létu smíða í sumar umhverfis
húsið. „Það sér loks fyrir endann á þeirri lang-
þráðu framkvæmd. Af einskærri bjartsýni og
framkvæmdahug lét ég vélskóflu moka upp úr
öllum garðinum í fyrravor og stóð í þeirri trú að
allt yrði klappað og klárt mánuði seinna. Það sem
ég hafði hins vegar gleymt að reikna með er hinn
alkunni skortur á iðnaðarmönnum í bland við þann
hæfileika margra þeirrar stéttar að fá mann
til að trúa því að senn fari nú allt að gerast
hjá manni. En nú er verkinu lokið og þessi
prýðilegi pallur gefur húsinu og lífi fjölskyld-
unnar í því aukið gildi. Eftir á að hyggja hef
ég sjaldan verið ánægðari með
einstök kaup og er viss um að
sú tilfinning mun endast að
minnsta kosti fram á næsta
ár þegar það kemur í hlut
húsbóndans að bera við-
arvörn á herlegheitin.“
NEYTANDINN: JÓNMUNDUR GUÐMARSSON, BÆJARSTJÓRI Á SELTJARNARNESI
Fékk leirdúfuna í hausinn af alefli
Handhafar Vildarkorts Visa og Icelandair geta nú nýtt sér tíu þúsund vildarpunkta sem
sex þúsund króna greiðslu upp í hvaða flug sem er. Tilboðið gildir til 1. október 2006.
Félagar í Vildarklúbbnum fá 3.000 til 14.400 vildarpunkta þegar þeir fljúga með Ice-
landair. Þar að auki fá handhafar Vildarkortsins punkta af erlendri veltu kortanna sem
og viðbótarpunkta hjá samstarfsfyrirtækjum. Til að punktar skili sér inn á punktayfirlit
þarf að skrá Sagakortsnúmerið við bókun ferðar. Ef punktar skila sér ekki er hægt að
skrá flug með Icelandair allt að sex mánuði aftur í tímann á heimasíðu flugfélagsins.
■ Tilboð hjá Vildarklúbbnum:
Lækkað verð með punktum
Skólabækur fyrir minna
á skiptibókamörkuðum
SKIPTIBÓKAMARKAÐUR GRIFFILS Nóg þarf að kaupa af bókum fyrir veturinn og fer oft stór hluti sumarlauna nemenda í bókakaupin.
MENNTASKÓLINN Í REYKJAVÍK
Dæmigerð bókainnkaup fyrir fyrsta ár
nýnema á málabraut
Ódýrasti pakkinn í Pennanum: 39.740 kr.
Ódýrasti pakkinn í Griffli: 32.534 kr.
MENNTASKÓLINN Í HAMRAHLÍÐ
Dæmigerð bókainnkaup fyrir fyrstu önn
nýnema á félagsfræðibraut
Ódýrasti pakkinn í Pennanum: 19.276 kr.
Ódýrasti pakkinn í Griffli: 14.435 kr.
Sveinn Rúnar mælir með
því að fjölskyldan drífi síg
í berjamó því þar fái fólk
útiveru, hreyfingu og
kyrrðina í náttúrunni
allt í senn. Þá má
að sjálfsögðu spara
stórfé með því að tína berin í stað þess
að kaupa þau. „Ég geri mikið af því að
geyma berin sem ég tíni fersk og tek
þau síðan úr frysti jafnóðum og geri úr
þeim sultu. Með þessu móti þarf ekki
eins mikinn sykur í sultuna.“
Sveinn segir berin holl og góð og í
þeim séu öflug andoxunarefni sem eigi
sinn þátt í því að hægja á öldrun.
GÓÐ HÚSRÁÐ
BERIN HÆGJA Á ÖLDRUN
■ Sveinn Rúnar Hauksson læknir segir
bláberjasúpu góða við niðurgangspest-
um en sjálfur er hann mikill berjamað-
ur og gerir úr þeim sultu og súpu.
Margar fataverslanir eru með tilboð á ýmsum vörum á haustmánuð-
unum miðuð að því unga fólki sem er á leið í skóla á ný. Erfitt er
að henda reiður á öllum tilboðunum og verður fólk bara að skoða
sjálft. En til dæmis má nefna að verslunin Brim á Laugavegi er
með skólatilboð á fötum, en það hljóðar upp á 9.900 krónur ef
keyptar eru buxur og eitt af fernu, bolur, peysa, skyrta eða jakki.
Dressman á Laugavegi er með tilboð á Batistini gallabuxum og
kosta þær 2.990 krónur. Fleiri tilboða er að vænta á næstunni,
að sögn búðarstarfsmanna.
■ Verslun og þjónusta
Víða skólatilboð á fötum á haustin
Hagur heimilanna
> Skráður fjöldi hjólhýsa og tjaldvagna
Heimild: Hagstofa Íslands
5.
53
6
8.
07
1
9.
98
5
2004
2001
1995
Fj
öl
di
3.
60
1
1998