Fréttablaðið - 17.08.2006, Side 70

50 17. ágúst 2006 FIMMTUDAGUR
sport@frettabladid.is
FÓTBOLTI Það er eflaust mikið af
fólki sem bíður spennt eftir að
boltinn fari að rúlla í ensku úrvals-
deildinni, en þeirri bið mun ljúka á
laugardaginn. Meðal leikja sem þá
fara fram er viðureign Reading og
Middlesbrough en með fyrrnefnda
liðinu leika tveir íslenskir lands-
liðsmenn, Brynjar Björn Gunn-
arsson og Ívar Ingimarsson.
„Það er gríðarleg spenna í
bænum fyrir leiknum á laugardag
enda er þetta í fyrsta skipti sem
félagið er í úrvalsdeild í rúmlega
130 ár. Það er mjög mikil eftir-
vænting sem ríkir og við leikmenn
hlökkum til að takast á við þetta
erfiða en skemmtilega verkefni,“
sagði Ívar Ingimarsson við Frétta-
blaðið eftir landsleikinn á þriðju-
dag. Ívar lék á sínum tíma með Val
og ÍBV hér á landi en hann er þó
uppalinn á Stöðvarfirði, þar sem
hann hóf ferilinn hjá liði Súlunn-
ar.
Ekki eru mjög miklar breyting-
ar á leikmannahópi Reading fyrir
tímabilið. „Það verður nú aðeins
meiri samkeppni um stöður núna
heldur en í fyrra en það er bara af
hinu góða. Maður fer inn í tímabil-
ið og verður að standa sig vel til að
halda sér inni í byrjunarliðinu. Við
höfum reyndar aðeins fengið tvo
nýja menn, markaðurinn er þannig
að það er erfitt að fá réttu leik-
mennina á réttu verði.“
Ívar kom til Reading árið 2003
en þá var hann keyptur á hundrað
þúsund pund frá liði Wolves. Hann
hefur verið hjá félaginu síðan og
gildir núverandi samningur hans
út næstu tvö tímabil. „Þrátt fyrir
að það líti út fyrir að við förum inn
í tímabilið með tvo nýja leikmenn
gerum við það fullir sjálfstrausts.
Það vill oft vera þannig með öll lið
sem voru að komast upp að ekki er
búist við miklu af þeim. Þannig er
það með okkur og við erum bara
ánægðir með það, við ætlum að
koma fólki á óvart,“ sagði Ívar.
Reading vann 1. deildina af
öryggi síðasta tímabil og liðið setti
einnig stigamet í deildinni þegar
það lauk keppni með alls 106 stig.
„Það er enginn sem á fast sæti í
þessu liði, við erum með frekar
jafnt lið og það eru allir í baráttu
um að vera í byrjunarliðinu,“ sagði
Ívar, sem átti mjög gott tímabil í
fyrra og hefur staðið sig vel á und-
irbúningstímabilinu núna. Hann
skoraði til að mynda sigurmark í
æfingaleik gegn Feyenoord fyrir
skömmu.
„Ég tel okkur spila mjög góðan
bolta en það er náttúrulega allt
öðruvísi fótbolti spilaður í úrvals-
deildinni. Þegar við vorum að
leika í ensku 1. deildinni þá gátum
við spilað þennan hefðbundna
breska neðri deildar bolta þegar
þess þurfti. Notuðum langar send-
ingar fram völlinn og sóknar-
mennirnir okkar frammi voru að
vinna skallaboltana. Að sama
skapi þá höfðum við mjög flinka
leikmenn sem gátu spilað boltan-
um vel meðfram jörðinni og hefur
þetta verið svona blanda af þessu
tvennu.“
Brynjar Björn kom til liðsins í
fyrrasumar og hefur öðlast lykil-
hlutverk hjá liðinu líkt og Ívar.
„Enska úrvalsdeildin er nátt-
úrulega ein sterkasta deildin í
heiminum og það er frábært tæki-
færi að fá að taka þátt í henni. Öll
liðin í henni eru sterk og það er
því ekki bara mikil eftirvænting
að fá að kljást við þessi stórlið
heldur verður bara gaman að taka
þátt í öllum leikjum. Það er allt
brjálað í bænum og hefur eigin-
lega verið síðan við komumst upp.
Alvaran byrjar á laugardaginn og
við hlökkum til þess,“ sagði Ívar.
Fyrsti leikur Reading verður á
heimavelli félagsins, Madejski
Stadium. „Þetta byrjar nokkuð
þétt, það kemur náttúrulega þetta
landsleikjahlé í september og því
byrjar tímabilið af krafti,“ sagði
Ívar en hann telur mikilvægt fyrir
Reading að byrja á heimavelli.
„Það er sérstaklega mikilvægt
fyrir lið sem eru nýkomin upp að
fá góða byrjun og vonandi ná inn
einhverjum stigum. Það róar
mannskapinn og myndi gera okkur
mjög gott.“ elvargeir@frettabladid.is
Við ætlum að koma fólki á óvart
Enska úrvalsdeildin hefst á laugardaginn og eigum við Íslendingar tvo nýja fulltrúa í deildinni, báðir leika
þeir með nýliðum Reading. Annar þeirra er varnarmaðurinn Ívar Ingimarsson sem ólst upp á Stöðvarfirði.
ÍVAR INGIMARSSON Átti frábæran leik í hjarta varnarinnar gegn Spánverjum á þriðjudagskvöldið. FRÉTTABLAÐIÐ/VILHELM
Ísland upp um eitt sæti
Íslenska landsliðið hefur hækkað sig um
eitt sæti á nýjum styrkleikalista FIFA sem
birtur var í gær. Ísland er nú í 106. sæti
en ekki er búið að reikna inn jafnteflið
gegn Spáni á þriðjudagskvöldið. Spán-
verjar eru í sjöunda sætinu en Brasilía er
á toppi listans.
> Straumur til Eyja
Handknattleiksdeild ÍBV er að vinna
hörðum höndum að því þessa dagana
að styrkja karla- og kvennalið sín fyrir
komandi tímabil. Ungversk stúlka
bættist við kvennaliðið í gær en hún
er 26 ára og heitir Andrea Löw. Hún
getur leikið í vinstra horninu og einnig á
miðjunni og hefur síðustu ár leikið með
Cornexi í heimalandinu en liðið varð
meðal annars Evrópumeistari félagsliða
á síðasta tímabili. Þá hafa tveir leikmenn
samið við karlaliðið, annar þeirra er
markvörður-
inn Jóhann
Ingi Guð-
mundsson
sem var í
fríi á síðasta
tímabili og
þá hefur Leifur
Jóhannesson
snúið aftur eftir árs
dvöl hjá ÍR.
U21-landslið Íslands gerði markalaust
jafntefli gegn Austurríki á útivelli í gær.
Þetta var fyrri leikur liðsins í undan-
riðli fyrir Evrópumótið sem fram fer á
næsta ári. Lukas Kostic, landsliðsþjálfari
Íslands, sagði eftir leikinn að mótherj-
arnir hefðu verið meira með boltann, en
íslenska liðið hefði fengið mun fleiri færi
og verið óheppið að ná ekki sigri.
„Austurríkismennirnir náðu aðeins einu
sinni að ógna marki okkar og þá var það
varla meira en hálffæri. Þeir voru mikið í
löngum sendingum og áttum við ekki í
erfiðleikum með að stöðva þá. Við feng-
um hins vegar fullt af færum og sum
þeirra voru algjör dauðafæri. Þá áttum
við að fá tvær vítaspyrnur en búlgarski
dómarinn dæmdi ekkert, í seinna
skiptið var Rúrik (Gíslason) kominn einn
í gegn, búinn að leika á markvörðinn og
ætlaði að skjóta en þá fer maður beint
í hann og hann fellur en dæmd var
aukaspyrna á Rúrik,“ sagði Lukas.
„Í blálok leiksins fengum við síðan auka-
spyrnu og upp úr henni komst Rúrik
einn gegn markverði en skotið fór rétt
framhjá. Ég er bara svekktur
fyrir hönd strákanna að
ekki hafi náðst sigur í
þessum leik, við erum
með talsvert
betra lið en þeir.
Eftirlitsmaðurinn
sagði við mig
eftir leikinn
að við værum
með frábært
lið og sagði að
við ættum að byggja í kringum þessa
stráka,“ sagði Luka en margir stór-
efnilegir leikmenn eru í U21-landsliði
Íslands.
Seinni leikur íslenska liðsins í riðlinum
er á heimavelli gegn gríðarsterku liði
Ítalíu þann 1. september og
með sigri í honum
kemst það mjög
líklega áfram. „Það er
ýmislegt í okkar
stráka spunnið
og með smá
heppni þá
getum við
náð góðum
úrslitum gegn
ítalska liðinu,“
sagði Lukas Kostic.
LUKA KOSTIC, ÞJÁLFARI U21 LANDSLIÐSINS: HEFÐI VILJAÐ SJÁ LIÐIÐ NÁ AÐ SIGRA AUSTURRÍKI
Ég er svekktur fyrir hönd strákanna
FÓTBOLTI Í gærkvöldi voru ótal-
margir vináttulandsleikir á dag-
skránni en þá hófst einnig undan-
keppni Evrópumótsins með
þremur leikjum. Belgía og Kaz-
akhstan gerðu óvænt markalaust
jafntefli í A-riðli, Georgíumenn
rúlluðu yfir Færeyjar á útivelli 6-
0 í B-riðli þar sem Shota Arveladze,
leikmaður AZ Alkmaar, skoraði
þrennu og svo vann Makedóna
sigur á Eistlandi í Tallinn með sig-
urmarki á lokamínútunni í E-riðl-
inum.
Á Old Trafford í Manchester
vann England fjögurra marka
stórsigur á Evrópumeisturunum
frá Grikklandi í vináttulandsleik.
Leikurinn fór rólega af stað en
heimamenn voru meira með bolt-
ann og komust yfir í leiknum, en
þar var að verki sjálfur fyrirliðinn
John Terry. Hætta skapaðist eftir
aukaspyrnu frá Frank Lampard
sem endaði með því að Stewart
Downing skallaði á Terry, sem
skoraði fyrsta mark leiksins.
Lampard skoraði ekkert á HM en
hann skoraði frekar furðulegt
mark fyrir enska liðið stuttu eftir
mark félaga síns.
Englendingar voru komnir á
flug og Peter Crouch, hinn hávaxni
sóknarmaður, bætti við tveimur
mörkum fyrir leikhlé. Það fyrra
eftir að hann náði að fylgja eftir
skoti sem var varið frá Lampard
og það síðara eftir fyrirgjöf Stew-
art Downing frá vinstri.
Síðari hálfleikurinn var mun
rólegri en þar leit ekkert mark
dagsins ljós, gríska liðið náði lítið
að ógna marki enska liðsins og
úrslitin því 4-0. Fjölmargir aðrir
vináttulandsleikir voru í gær,
Norður-Írar sem eru með okkur
Íslendingum í riðli í undankeppni
EM unnu góðan útisigur á Finnum
og Danir, sem einnig eru með
okkur í riðli, unnu sannfærandi
sigur á Póllandi svo einhver úrslit
séu nefnd. - egm
Fjölmargir landsleikir fóru fram víðs vegar um Evrópu í gærkvöldi:
Rúllað yfir Evrópumeistarana
BRAUT ÍSINN John Terry var mættur með
fyrirliðabandið og skoraði fyrsta mark
Englands í gær. NORDICPHPOTOS/GETTY
Undankeppni EM:
EISTLAND - MAKEDÓNÍA 0-1
0-1 Goce Sedloski (73)
FÆREYJAR - GEORGÍA 0-5
0-1 Kankava (16), 0-2 Iashvili (18), 0-3 Arveladze
(37), 0-4 Kobiaschwili (51), 0-5 Arveladze (62),
0-6 Arveladze (82)
BELGÍA - KAZHAKSTAN 0-0
Helstu vináttulandsleikir:
RÚSSLAND - LETTLAND 1-0
1-0 Pogrebnik (90)
FINNLAND - NORÐUR ÍRLAND 1-2
0-1 David Healy (34), 0-2 Lafferty (64), 1-2 Väyr-
ynen (74)
DANMÖRK - PÓLLAND 2-0
1-0 Bendtner (32), 2-0 Rommedahl (62)
NOREGUR - BRASILÍA 1-1
1-0 Morten Pedersen (51), 1-1 Carvalho (62)
TÉKKLAND - SERBÍA 1-3
1-0 Stajner (3), 1-1 Lazovic (41), 1-2 Pantelic (54),
1-3 Trisovic (54)
ÞÝSKALAND - SVÍÞJÓÐ 3-0
1-0 Schneider (4), 2-0 Klose (8), 3-0 Klose (44)
ÍTALÍA - KRÓATÍA 0-2
0-1 Silva (27), 0-2 Modric (42)
BOSNÍA/HERZ.- FRAKKLAND 1-1
1-0 Barbarez (16), 1-1 Gallas (40)
ENGLAND - GRIKKLAND 4-0
1-0 Terry (14), 2-0 Lampard (30), 3-0 Crouch (35),
4-0 Crouch (42)
ÚRSLIT GÆRDAGSINS
FÓTBOLTI Newcastle United og
Glasgow Celtic eru bæði talin vera
að berjast um danska miðjumann-
inn Thomas Gravesen sem leikur
með Real Madrid. „Augljóslega er
meira freistandi fyrir leikmenn að
spila í ensku úrvalsdeildinni en
þeirri skosku en Celtic er í Meist-
aradeild Evrópu og það hefur sitt
að segja,“ sagði John Sivebaek,
umboðsmaður Gravesen og fyrr-
um leikmaður Manchester United.
Real Madrid eru sagðir tilbúnir að
hlusta á öll tilboð sem ekki eru
undir tveimur milljónum punda
en launamál gætu sett strik í
reikninginn þar sem talið er að
Gravesen þéni um áttatíu þúsund
pund á viku á Spáni. - dsd
Thomas Gravesen:
Newcastle eða
Celtic?