Tíminn - 24.05.1978, Blaðsíða 5

Miðvikadagur 24. mai 1978
5
Vilhjálmur
Einarsson settur
skólameistarivið
Menntaskólann
á Eiðum
Menntamálaráðuneytið hefur
sett Vilhjálm Einarsson skóla-
meistara við Menntaskólann á
Egilsstöðum um eins árs skeið frá
1. september 1978 að telja. Jafn-
framt hefur ráðuneytið veitt
honum launalaust leyfi frá starfi
Héraðsskólans i Reykholti um
rætt timabil.
(Frétt frá menntamálaráðu-
neytinu)
Háskóli
*
Islands
fær að
byggja
JG-RVK — A fundi borgarráðs
Reykjavikur nýverið var lagt
fram bréf skipulagsnefndar,
dags. 9. þ.m., varðandi framtið-
arskipulag á lóð Háskóla Islands,
ásamt bréfi rektors Háskóla
Islands, dags 16. þ.m., varðandi
byggingu á Háskólalóðinni.
Borgarráð heimilar Háskóla
Islands að reisa eina byggingu á
hvoru framkvæmdasvæði fyrir
sig, merktum A2 og B, sbr.
uppdrátt Þróunarstofnunar nr. 1,
dags 3.3. 1978, og bréf háskóla-
rektors, jafnhliða þvi, sem unnið
verður að endanlegri gerð deili-
skipulags fyrir svæði A og B.
Nánari staðsetning bygginganna
innan ofangreindra reita skal
ákvarðast af skipulagsnefnd.
Aðalfundur
Breiðabliks
Aðalfundur Ungmennafélags-
ins Breiðabliks var haldinn 16.
marz siðastliðinn og hófst hann
með skýrslu formanns félagsins,
Reynis Karlssonar.
Fjölþætt iþróttastarfsemi var
hjá félaginu að vanda og náðist
góður árangur I mörgum
greinum. Fékk félagið nokkra Is-
landsmeistara á árinu bæði i ein-
staklingsgreinum og flokka-
iþróttum og voru þeir heiðraðir
sérstaklega á fundinum.
Reynir Karlsson, sem verið
hefur formaður félagsins undan-
farin tvö ár, baðst undan endur-
kjöri, en stjórn félagsins skipa nú
þessir menn: Torfi Tómasson
formaður, Gestur Guðmundsson
varaformaður, Jóhann Baldurs-
son gjaldkeri, Friðrik Jónsson
ritari og Helga Kristjáns-
dóttir spjaldskrárritari.
Óska eftir
að kaupa
notaða heybindivél.
Upplýsingar í síma
(91)1-00-14.
14 ára stúlka
óskar eftir að komast i
sveit i sumar.
Er vön sveitastörfum.
Upplýsingar í síma 8-
17-80.
Árangurshlutfall
borana fer vaxandi
— Freyr Þórarinsson, á ársfundi Rannsóknaráðs
Kás — Jarðhitarannsóknir á
lághitasvæðum nefndi Freyr
Þórarinsson jarðeðlisfræðingur
erindi sitt er hann flutti á árs-
fundiRannsóknaráðsrikisins sl.
föstudag. Sagöi hann að lághita-
svæði hérlendis væru um 250
talsins, flest I byggð, mest i
Borgarfirði og á Suðurlandi, en
væru annars dreifð um landið.
Islendingar væru meðal
þeirra sem einna mest nýttu
jarðvarma lághitasvæða. Nú
nytu t.d. 60% landsmanna jarð-
varma við húshitun, og mætti
búastviðaðsútala hækkaði upp
i 80% í framtiðinni. Einnig taldi
hann aðra jarðhitanotkun geta
aukizt að einhverju marki, t.d. i
fiskiðnaði og landbúnaði.
Hlutur jarðvarmans i orku-
notkun landsmanna næmi þriðj-
ungi heildarorkunotkunar, og
um 3/5 hluta allrar nýttrar orku
innlendra orkugjafa.
Siðan lýsti Freyr þeim aðferð-
um sem beitt væri við jarðhita-
rannsóknir, t.d. jarðfræðilega
kortlagningu, jarðeðlisfræðileg-
ar mælingar, efnagreiningu á
uppleystum efnum i heitu vatni
og siðast en ekki sizt boranir og
rannsóknir tengdar þeim.
Nútimalegar jarðhitarann-
sóknir yrðu þannig að spanna
mörg svið sérfræðiþekkingar og
verkkunnáttu, og náin sam-
vinna yrði að vera á milli allra
aðila, þvi að samræming niður-
staðna væri lykillinn að vel-
heppnuðum rannsóknum. Mikil-
vægi rannsóknanna ykist jafnt
og þétt með aukinni jarðhita-
nýtingu, ekki sizt vegna þess að
Freyr Þórarinsson
búið væri að virkja aðgengileg-
ustu svæðin, og þvi væru nýrri
verkefni yfirleitt flóknari og
krefðust ýtarlegri rannsókna.
Freyr ræddi nokkuð um
undirbúning og rannsóknir fyrir
hitaveitu Akureyrar, en þar
væri nú dýpsta hola landsins,
2800m.Nú væribúið aðbora þar
átta holur, og gert ráð fyrir að
úr þeim fengist helmingur þess
vatns sem hitaveita Akureyrar
þarfnast.
Að endingu ræddi Freyr
vinnslurannsóknir og sýndi
fram á hvaða áhrif þær gætu
haft á árangur borana. Helztu
gögn er sýndu þróun í árangri
borana mætti lesa úr borunum
fyrir hitaveitu Reykjavikur,
vegna þesshve lengi og samfellt
hefði veriðaðþeim staðið. En á
20 ára timabili heföi gufubor
rikisins og Reykjavikurborgar
boraö rúmlega 70 holur fyrir
hitaveitu Reykjavikur.
Þessum borunum mætti
skipta i fjóra flokka eins og
meðfylgjandi mynd sýnir:
1958-63, þegar borað var á
Laugarnessvæðinu, 1967-70,
þegar borað var á Elliöaár-
svæðinu, og 1970-73 og 1973-77,
þegar borað var á Reykjum i
Mosfellssveit. Skástrikuðu
súlurnar á myndinni sýndu
hvernig meðaldýpi hola hefði
vaxið með árunum, og væntan-
lega héldi sú þróun áfram.
Doppóttu súlurnar sýndu hins
vegar hversu mikill hluti bor-
holanna heppnaðist og væri
nýttur til jarðefnavinnslu. Þetta
hlutfail, sem oft væri nefnt
árangurshlutfall, færi greini-
lega vaxandi yfir þetta 20 ára
timabil og mætti að verulegu
leyti þakka árangri rannsókna
jafnhliða borununum.
Sagði Freyr, að lftið hefði ver-
ið fjallað um arösemi slikra
rannsókna, þótt hún væri i raun
aðalatriðið. Að visu væri ekki
auövelt að reikna út arðsemi i
krónum og aurum, en þjóðhags-
leg hagkvæmni jarðhitanotkun-
ar yrði aö vera sá mælikvarði
sem menn horfðu á.
A þessari mynd má sjá að árangurshlutfall borana hefur farið sl-
vaxandi slðustu ár. Nánar i lesmáli.
„Grænlenzku stígvélin ekki
hönnuð fyrir stiga”
— rabbað við Magdalenu Ingimundardóttur
sst—Þegar blm. dvaldist dag-
stund á Akranesi fyrir skömmu
hafði hann pata af þvi, að
nokkrum konum úr S.B.K.,
Sambandi borgfirzkra kvenna,
stæði til boða ásamt fleiri
konum i Kvenfélagasambandi
Islands ferð til Grænlands i
sumar, vikuna 10.—17. ágúst.
Til þess að forvitnast nánar um
þessa ferð og tildrög hennar fór
undirritaður á fund Magdalenu
Ingimundardóttur formanns
S.B.K.
Þannig var, að i fyrra komu
hingað til lands 25 konur frá
Grænlandi og voru þær á vegum
Sambands sunnlenzkra kvenna
og svo okkar sambands, sagöi
Magdalena, þegar við spjöll-
uðum við hana.Og nú stendur til
að þessi heimsókn verði endur-
goldin og munu 25 konur héðan
af Islandi fara til Júlianehab 10.
ágúst, ef næg þátttaka fæst.
— Hver hafði forgöngu að
þessari ferð grænlenzku kvenn-
anna i fyrra, spyrjum við næst.
— Upphafið að þessari ferð
átti Hendrik Lund bæjarstjóri i
Júlianehab og eftir þvi sem ég
Magdalena Ingimundardóttir.
veit bezt mun hann hafa verið
hér um tima við nám. Það stóð
til að hann kæmi með hingað i
fyrra, en af þvi varð þó ekki,
sagði Magdalena.
— Þegar grænlenzkar konur
eru á íslandi detta manni fyrst i
hug tungumálaerfiðleikar.
Hvernig gengu þau mál fyrir
sig?
— Það leystist nú eiginlega af
sjálfu sér, sagði Magdalena.
Einar fimm eða sex af græn-
lenzku konunum töluðu dönsku
og við gátum flestar gert okkur
skiljanlegar á henni og þannig
var það úr sögunni.
Hvað virtist ykkur koma
þeim helzt á óvart hér?
Það var nú ýmislegt sem
þeim fannst athyglisvert hér.
Þeim fannst við búa rikmann-
lega, en þær eru nú varla einar
um það. Þá undruðust þær
mikið öll þau býsn af rafmagns-
tækjum sem við höfum til ýmis-
legra nota og þykja sjállsagðir
hlutir hér. — Þær ferðuðust
mikið i rútum og voru heldur
óhressar yfir því og kunnu þvi
illa og i fyrstu urðum við að
reyna að sannfæra þær um að
þetta væri með öllu hættulaust.
Hvað fannst ykkur athyglis-
verðast við þessar grænlenzku
konur?
Það kom manni fljótt á óvart
hve þær voru vel menntaðar eða
vel að sér um marga hluti. Þær
virtust hafa ferðazt töluvert og
þá einna helzt um Danmörk.
Kannski höfum við haft þá við-
teknu skoðun i of rikum mæli, að
fólk á Grænlandi sé meira og
minna óupplýst. Eitt i fari þess-
ara kvenna vakti mikla athygli
okkar og það var hvaö söngur-
inn var mikið sameiningarafl
hjá þeim. Hvar sem hljóðfæri
varð á vegi þeirra i ferðinni tóku
þær lagið og sungu býsnin öll
fyrirhafnarlaust, sagði Magda-
lena.
— Minnisstætt atvik úr ferð-
Já, — það er ýmislegt sem er
manni minnisstætt. Viö ýms
tækifæri i ferðinni klæddust þær
, þessum grænlenzka viðhafnar-
búningi, þ.á.m. selskinnssstig-
vélunum, sem ná yfirleitt upp
fyrir hné og eru heldur stif og ó-
þjál. Meðal þeirra staða sem við
sýndum þeim var t.d. spitalinn
á Akranesi.
En þegar þærætluðuaö ganga
upp stiga á milli hæða þar,
reyndist þaö alveg vonlaust,
vegna þess hve óþjál stigvélin
voru. Og það er eitt og annað i
þessum dúr, sem manni kemur i
hug, sagði Magdalena Ingi-
mundardóttir að lokum.
Tónlistarviðburður i Færeyjum
Kás —1 sumar fá Færeyingar i
heimsókn viðfræga tónlistar-
menn, 17 manna strokhljómsveit,
Camerata Lysy, sem halda mun
Gunnar Kvaran cellóleikari sem
var milligöngumaöur um
tónleikahaldið en hann er einn
hljómsveitarmanna.
þrenna tónleika i eyjunum.
Stjórnandi og einn af einleikurun-
um með hljómsveitinni er fiölu-
leikarinn Alberto Lysy, sem tal-
inn er einn af fimm beztu núlif-
andi fiðluleikurum.
Þetta er i fyrsta skipti sem
hljómsveitin kemur fram á
Norðurlöndun um, og er einstak-
ur viðburður I færeysku tónlistar-
lifi. Að sögn færeyska blaðsins 14.
septembers er það fyrir tilstuðlan
Gunnars Kvaran cellóleikara að
tónleikarnir fara fram, en hann
er mikill Færeyingavinur og
spilaði m.a. á Færeyskri menn-
ingarvöku fyrir nokkrum árum.
Færeyingar eru að vonu»ánægð-
ir með þetta framtak Gunnars,
sem ber upp á heimsókn
Margrétar drottningar til
Færeyja, og verður hún viðstödd
eina tónleikana að eigin ósk.