Fréttablaðið - 21.09.2006, Qupperneq 6

6 21. september 2006 FIMMTUDAGUR
LÖGREGLUMÁL Lögreglan í Reykja-
vík handtók í gær fimmtíu og
tveggja ára gamlan karlmann
vegna gruns um kynferðislegt
ofbeldi gagnvart börnum.
Grunur leikur á því að fórnar-
lömb mannsins séu fleiri en eitt.
„Ég get staðfest það að maðurinn
er í haldi lögreglu. Hann er í yfir-
heyrslum vegna grunsemda um
kynferðisofbeldi gagnvart fleiri
en einu barni. Hann hefur unnið
sem blaðberi að undanförnu. Við
erum að skoða þetta mál ítarlega
en rannsókn málsins er stutt
komin,“ segir Bjarnþór Aðal-
steinsson.
Vitni í málinu voru einnig yfir-
heyrð í gær en rannsóknin beinist
að tilteknum atvikum sem til-
kynnt var um til Barnaverndar-
nefndar.
Eins og greint var frá í Frétta-
blaðinu í gær kom málið inn á
borð Barnaverndarnefndar
Reykjavíkur á föstudag. Í fram-
haldi var það sent til lögreglu,
sem hóf fljótt rannsókn á mál-
inu.
Maðurinn hefur reglulega
skrifað inn á vefsíður á veraldar-
vefnum. Ein þeirra síðna þar sem
hann hefur tjáð sig fjallar um
barnauppeldi, trúmál og ýmis
samfélagsleg málefni. Hann er
skráður stuðningsfulltrúi en ekki
hefur fengist staðfest að hann
starfi sem slíkur. „Ég get ekki
staðfest að hann starfi sem stuðn-
ingsfulltrúi,“ sagði Bjarnþór
aðspurður um málið.
magnush@frettabladid.is
Ég get staðfest það að
maðurinn er í haldi
lögreglu. Hann er í yfirheyrslum
vegna grunsemda um kynferðis-
ofbeldi gagnvart fleiri en einu
barni.
BJARNÞÓR AÐALSTEINSSON
LÖGREGLUMAÐUR
LÖGREGLUMÁL Það er hlutverk lög-
reglu að gæta almannaöryggis,
halda uppi lögum og reglu og
tryggja réttaröryggi borgaranna,
segir Bogi Nilsson ríkissaksókn-
ari, spurður álits á rannsókn lög-
reglu, sem sem beinst gæti að
hugsanlegum undirbúningi
hryðjuverka.
„Þá þarf lögregla oft á tíðum
að grípa til einhverra ráðstafana
áður en skaðinn er skeður,“ bætir
ríkissaksóknari við og tekur
fram að mál séu ekki innan
marka embættisins fyrr en um
sé að ræða rannsókn á afbroti.
„Lögreglan hefur vissa almenna
viðurkennda heim-
ild samkvæmt lög-
reglulögunum til
að fylgjast með
með eðlilegum
hætti og stemma stigu við afbrot-
um fyrir fram. Hún getur án vafa
fylgst með þeim athöfnum manna
með löglegum hætti, sem aðrir
geta fylgst með.
Hins vegar getur verið erfitt að
greina á milli hvenær lögregla er
að fylgjast með máli og hvenær
hún er farin að rannsaka það. En
um leið og hún er farin að rann-
saka afbrot hefur hún heimildir
samkvæmt réttarfarslögum og
þar með fer rannsóknin að skipta
máli fyrir ákæruvaldið.“ - jss
BOGI NILSSON
RÍKISSAKSÓKN-
ARI Hlutverk
lögreglu er að
gæta almanna-
öryggis.
Ríkissaksóknari segir það hlutverk lögreglu að gæta almannaöryggis:
Ráðstafana oft þörf áður
en skaðinn er skeður
LÖGREGLUMÁL Engin skýr eða
afdráttarlaus lagaákvæði eru í
raun til um að hefja megi rann-
sókn í „fyrirbyggjandi“ tilgangi
ef ekki er til staðar beinn grunur
um að brotið sé yfirvofandi eða í
undirbúningi. Þetta segir Björg
Thorarensen, prófessor við laga-
deild Háskóla Íslands, spurð um
lagalega hlið forvirkra rannsóknar-
úrræða lögreglu í málum af því
tagi sem greint er frá í Frétta-
blaðinu í dag. Lögregluyfirvöld
rannsaka nú mál sem upp hefur
komið vegna síendurtekinna
heimsókna manns af erlendum
uppruna inn á vefsíður þar sem
leiðbeiningar er að finna um með-
ferð sprengiefnis og gerð
sprengja.
„Hins vegar geta mörkin þarna
á milli verið óljós, það er hvort til-
efni sé til grunsemda eða rök-
studdur grunur sé uppi,“ heldur
Björg áfram. „Erfitt er að slá
fastri einhverri skilgreiningu um
mörkin, en mér þykir dæmi sem
Fréttablaðið er með til skoðunar
tæplega uppfylla kröfu um að rök-
studdur grunur sé til staðar, að
svo miklu leyti sem hægt er að
segja eitthvað um svo knappa lýs-
ingu á atvikum.“
Björg segir lögregluna ekki
hafa í sjálfu sér neinar rýmri
lagaheimildir til að rannsaka
umrædd brot en önnur alvarleg
brot og byggir hún þar á ákvæð-
um laga um meðferð opinberra
mála nr. 19/1991.
„Ef grunur er uppi um yfirvof-
andi brot á þessum ákvæðum
getur lögregla beitt öllum rann-
sóknarúrræðum sem talin eru upp
einkum í X. og XI. kafla þeirra
laga,“ segir Björg, „svo sem hald-
lagningu á munum, húsleit, hand-
töku og fleira. Þá er heimilt að
beita símhlerunum, fá upplýsing-
ar um notkun síma, beita her-
bergjahlustun og myndatökum,
skv. 86. og 87. gr. laga um meðferð
opinberra mála, þar sem þessi
brot varða meira en átta ára fang-
elsi. Loks hefur lögreglan ýmsar
aðferðir, svokallaðar „óhefð-
bundnar“ rannsóknaraðferðir, þar
með talið leynilegt eftirlit, eftir-
fararbúnað, notkun tálbeitu í tak-
mörkuðum mæli og fleira.“
jss@frettabladid.is
Mörg rannsóknar-
úrræði fyrir hendi
Engin afdráttarlaus lagaákvæði eru til hér á landi um að lögregla megi hefja
rannsókn í „fyrirbyggjandi“ tilgangi. Þetta segir prófessor í lagadeild Háskóla
Íslands um rannsóknarheimildir lögreglu, sé rökstuddur grunur ekki til staðar.
„Hugtakið þjóðaröryggi er hvergi skilgreint sem slíkt í íslenskum lögum og
raunar hvergi notað beint eftir því sem ég best veit,“ segir Björg Thoraren-
sen prófessor um merkingu umrædds hugtaks, þótt það sé betur þekkt úr
umræðunni til dæmis um breska og bandaríska löggjöf.
„Eina dæmið sem ég man eftir að vísað sé berum orðum til hugtaksins
„þjóðaröryggis“ er reyndar í Mannréttindasáttmála Evrópu, sem var lögfestur
hér á landi með l. 62/1994. Þar er þess getið í lagagreinum um friðhelgi
einkalífs, um tjáningarfrelsi og funda- og félagafrelsi, að takmarka megi
þessi réttindi í þágu þjóðaröryggis. Þegar rætt er um brot sem ógna þjóð-
aröryggi er samkvæmt almennum málskilningi hér á landi og lagalegum
skilningi, svo og í samræmi við orðnotkun erlendis, átt við alvarlegri brot
á almennum hegningarlögum nr. 19/1940, sem eru til þess fallin að ógna
öryggi almennings eða undirstöðum ríkisins. Þarna falla því tvímælalaust
undir ákvæði XI. kafla laganna um brot gegn stjórnskipan ríkisins og æðstu
stjórnvöldum þess. Þar er til að mynda sérstakt ákvæði um hryðjuverk í 100.
gr. a sem var bætt í lögin samkvæmt tilmælum Öryggisráðs Sameinuðu
þjóðanna eftir hryðjuverkaárásirnar í Bandaríkjunum og líka hugsanlega
að einhverju leyti brot sem talin eru í XIII. kafla um brot á almannafriði og
allsherjarreglu.“
ÞJÓÐARÖRYGGI HVERGI SKILGREINT Í
ÍSLENSKUM LÖGUM
Hnitmiðað námskeið um félagaform, skattlagningu fyrirtækja,
frádráttarbæran rekstrarkostnað, ábyrgð stjórnenda o.fl.
Námskeiðið skiptist í þrjá hluta og geta þátttakendur valið um:
1. Síðdegisnámskeið
Kennt þriðjud. 26. sept., fimmtud. 28. sept. og þriðjud. 3. okt. kl. 17-20.
2. Morgunnámskeið
Kennt þriðjud. 3. okt., fimmtud. 5. okt. og þriðjud. 10. okt. kl. 8:30-11:30
Kennslustaður er Hallveigarstígur 1, Reykjavík. Léttar veitingar í hléi. Verð 25.000 kr.
Leiðbeinandi er Anna Linda Bjarnadóttir, héraðsdómslögmaður, LL.M
VR og fleiri félög styrkja félagsmenn sína til þátttöku á námskeiðinu.
Sjá námskeiðslýsingu á www.isjuris.is
Nánari upplýsingar og skráning í síma 894-6090 eða á alb@isjuris.is
Viltu stofna
fyrirtæki?
Merrild 103
Me›alrista› gæ›akaffi
Fæst nú í heilbaunum!
Hefur flú prófa›?E
N
N
E
M
M
/
S
ÍA
/
N
M
2
3
4
6
2
KJÖRKASSINN
Horfir þú á NFS?
Já 62%
Nei 38%
SPURNING DAGSINS Í DAG:
Hefurðu lent í slagsmálum?
Segðu skoðun þína á visir.is
Fimmtíu og tveggja ára gamall karlmaður var yfirheyrður af lögreglu í gær:
Í haldi fyrir kynferðisbrot
STJÓRNMÁL Illugi Gunnarsson
hagfræðingur gefur kost á sér í
þriðja sætið í prófkjöri Sjálfstæðis-
flokksins í Reykjavík. Sameiginlegt
prófkjör er fyrir Reykjavíkurkjör-
dæmin bæði og
stefnir Illugi því að
því að skipa annað
sætið á öðrum
hvorum framboðslist-
anum.
Illugi var um
árabil aðstoðarmaður
Davíðs Oddssonar í
forsætis- og utanríkis-
ráðuneytinu.
Prófkjör Sjálfstæðisflokksins
verður haldið 27. og 28. október. - bþs
Illugi Gunnarsson:
Býður sig fram
í þriðja sætið
ILLUGI
GUNNARSSON
FR
ÉT
TA
B
LA
Ð
IÐ
/V
IL
H
EL
M