Fréttablaðið - 21.09.2006, Qupperneq 46

■■■■ { miðborgin } ■■■■■■■■■■■■■■■■■■■■■■■■■■■■■■■■■■■■■■■■■■■■■■■4
Það þarf oft ekki að leita langt til
þess að finna notalega staði undir
berum himni þar sem fáir eru á ferli
og kjörið er að drekka kaffi úr máli
á meðan gluggað er í dagblöðin.
Ljósmyndari Fréttablaðsins heim-
sótti nokkra fallega og friðsæla
staði í miðborg Reykjavíkur.
Rólega Reykjavík
Það er ekki bara ys og þys í miðbænum heldur eru
margir fallegir og rólegir staðir í gróðursælu umhverfi
sem vert er að gefa gaum.
Alþingisgarðurinn er fallegur og friðsæll, nema ef hávaðinn af þingpöllunum verður of mikill.
Garður Einars Jónssonar er fallegur. Og yndislegt að rölta á milli forkunnarfallegra högg-
myndanna.
Í Grjótaþorpinu er sjaldan mikill skarkali;
þessi bekkur er í fallegu umhverfi í
Mjóstræti.
Þennan friðsæla lund er að finna á mótum Kirkjustrætis og Aðalstrætis.
Við norðurenda Reykjavíkurtjarnar er
gaman að gefa öndunum brauð og fræðast
um leið um þær tegundir sem þar lifa.
Margir bekkir eru við tjörnina í Reykjavík,
þar er kjörið að setjast niður og fylgjast
með því sem fyrir ber. fréttablaðið/gva
Gaman getur verið að rölta
niður Laugaveginn með börnin
með sér á góðum degi. Hins-
vegar eru börnin ekki alltaf
jafnspennt fyrir búðarápi og
löngum kaffihússetum. Hér
er tiltekið eitt og annað sem
hægt er að gera með börnun-
um í miðborginni:
HLJÓMSKÁLAGARÐURINN er víð-
áttumikill og spennandi fyrir börnin.
Þar er hægt að hlaupa um og sparka
bolta eða leika í leiktækjunum sem
þar er að finna. Útigrill er að finna í
garðinum og jafnvel hægt að kippa
með sér kolum og einum pylsupakka
og gera sér glaðan dag.
ENDURNAR Á TJÖRNINNI
hafa í mörg ár lifað á því
brauði sem reykvísk börn
hafa fært þeim. Hvert ein-
asta barn í Reykjavík og
víðar verður að fara a.m.k.
einu sinni niður á tjörn og
gefa öndunum brauð. Þá er
mikilvægt að mamma og
pabbi gleymi ekki mynda-
vélinni heima og smelli einni af
börnunum við tjörnina.
BÓKABÚÐ MÁLS OG MENNINGAR
hefur að geyma skemmtilega barna-
deild þar sem úrval af bókum og
leikföngum er nokkuð gott. Ágætt
er að rápa þar aðeins um og kaupa
jafnvel eina spennandi bók eða liti
til að setjast með á reyk-
lausa kaffihúsið Súfistann
á efstu hæðinni.
INGÓLFSTORG er alltaf líf-
legt og gaman að sitja þar
og fylgjast með krökkunum
að leika sér á hjólabrettum.
Við torgið er svo fyrirtaks
ísbúð þar sem hægt er að
fá alls konar ís, sérsniðinn að þörf-
um hvers og eins.
HALLGRÍMSKIRJUTURN er ekki
bara fyrir túristana því börnum
þykir sérstaklega gaman að fara upp
í turninn. Þaðan er hægt að horfa
yfir alla borgina, og alltaf gaman
að sjá heimili sitt í fjarska.
Í bæinn með börnin
����
�����������
���������
������� �����
�������������� �����
����������������� ����
���������� �������
������������� ���
���������� ���
���������
��������
���� ����
���������������� ����������
Laugavegi 63 • s: 551 442 2
Skoðið úrvalið á laxdal. is
Úlpuúrv al