Fréttablaðið - 24.09.2006, Blaðsíða 74

34 24. september 2006 SUNNUDAGUR
FÓTBOLTI Átta leikir voru í ensku
úrvalsdeildinni í knattspyrnu í
gær. Á Anfield Road í Liverpool
tóku heimamenn á móti Totten-
ham og sigruðu með þremur mörk-
um gegn engu. Mark Gonzalez,
Dirk Kuyt og John Arne Riise
skoruðu mörkin en þau komu öll í
síðari hálfleik.
„Eftir fyrsta markið náðum við
tökum á leiknum og það var lykill-
inn að þessum sigri. Þetta var ekki
alveg að ganga hjá okkur í fyrri
hálfleik en við fundum taktinn í
síðari hálfleik,“ sagði Rafael Benit-
ez, framkvæmdastjóri Liverpool.
„Við áttum meira skilið úr þess-
um leik en þetta snýst um að nýta
færin og við gerðum það ekki. Í
heildina er ég ánægður með leik
okkar, þá sérstaklega miðjumenn-
ina, en við megum ekki hengja
haus yfir þessu,“ sagði Martin Jol,
framkvæmdastjóri Tottenham.
Arsenal vann sinn fyrsta heima-
leik á leiktíðinni þegar liðið sigr-
aði Sheffield United, 3-0. William
Gallas opnaði markareikning sinn
hjá Arsenal þegar hann skoraði
fyrsta mark leiksins á 65. mínútu.
Í kjölfarið fylgdu svo tvö mörk,
fyrst kom sjálfsmark frá Paul
Jagielka og þar á eftir mark frá
Thierry Henry.
„Þetta er mikill léttir fyrir
okkur. Í hálfleik vorum við ákveðn-
ir að halda áfram að spila vel og
halda ró okkar og við settum þá
undir mikla pressu með markinu
frá Gallas. Ég hafði alltaf á tilfinn-
ingunni að markið myndi koma,“
sagði Arsene Wenger, stjóri Ars-
enal.
Chelsea gerði góða ferð til
nágranna sinna í Fulham og fór
með 2-0 sigur af hólmi. Með sigr-
inum endurheimti liðið toppsæti
deildarinnar að minnsta kosti
fram yfir helgi en Portsmouth
getur náð því aftur með sigri á
Bolton á mánudaginn.
Frank Lampard hefur mátt
sæta töluverðri gagnrýni upp á
síðkastið fyrir sína frammistöðu
en í gær svaraði hann þeirri gagn-
rýni með tveimur mörkum. Fyrra
markið skoraði Lampard úr víta-
spyrnu á 73. mínútu og sjö mínút-
um síðar bætti hann öðru marki
við. Heiðar Helguson lék síðasta
stundarfjórðunginn fyrir Fulham.
Aston Villa lagði Charlton, 2-0,
á heimavelli en Aston Villa er
ennþá taplaust á þessari leiktíð.
Hermann Hreiðarsson sneri aftur
í lið Charlton eftir að hafa tekið út
leikbann og lék allan leikinn.
Manchester City sigraði West
Ham á heimavelli, 2-0, þar sem
Georgios Samaras skoraði bæði
mörkin. West Ham hefur ekki enn
unnið leik eftir að Argentínumenn-
irnir Tevez og Mascherano gengu
til liðs við félagið.
Middlesbrough byrjar tímabil-
ið afleitlega en í gær tapaði liðið á
heimavelli fyrir Blackburn, 1-0,
þar sem Shabani Nonda skoraði
sigurmarkið í fyrri hálfleik.
Wigan náði ekki að sigra nýlið-
ana í Watford á heimavelli en loka-
tölur urðu 1-1. Watford er enn að
leita að sínum fyrsta sigri í deild-
inni en liðið hefur gert þrjú jafn-
tefli og tapað þremur leikjum til
þessa. - dsd
Liverpool valtaði yfir Tottenham
Liverpool rúllaði yfir vonlaust lið Tottenham í ensku úrvalsdeildinni og virðist vera búið að finna taktinn.
Chelsea endurheimti toppsætið og þá vann Arsenal sinn fyrsta heimasigur á leiktíðinni.
DIRK KUYT Hollendingurinn skoraði eitt mark fyrir Liverpool í gær og hefur nú skorað
í síðustu tveimur leikjum fyrir liðið. Hér fagnar hann marki sínu í gær við mikinn
fögnuð stuðningsmanna Liverpool. NORDIC PHOTOS/GETTY IMAGES
Enska úrvalsdeildin:
ARSENAL - SHEFFIELD UTD. 3-0
1-0 William Gallas (64.), 2-0 Phil Jagielka, sjálfs-
mark (69.), 3-0 Thierry Henry (80.).
ASTON VILLA - CHARLTON 2-0
1-0 Gabriel Agbonlahor (35.), 2-0 Luke Moore (62.).
FULHAM - CHELSEA 0-2
0-1 Frank Lampard (73.), 0-2 Frank Lampard (80.).
LIVERPOOL - TOTTENHAM 3-0
1-0 Mark González (63.), 2-0 Dirk Kuyt (73.), 3-0
John Arne Riise (90.).
MANCHESTER CITY - WEST HAM 2-0
1-0 Georgios Samaras (50.), 2-0 Georgios Sam-
aras (63.).
MIDDLESBROUGH - BLACKBURN 0-1
0-1 Shabani Nonda (26.).
READING - MANCHESTER UNITED 1-1
1-0 Kevin Doyle (48.), 1-1 Cristiano Ronaldo (73.).
WIGAN - WATFORD 1-1
1-0 Henri Camara (29.), 1-1 Hameur Bouazza (63.)
STAÐAN:
CHELSEA 6 5 0 1 11-3 15
PORTSMOUTH 5 4 1 0 9-0 13
MAN. UTD 6 4 1 1 12-4 13
ASTON VILLA 6 3 3 0 8-3 12
EVERTON 5 3 2 0 10-4 11
LIVERPOOL 6 3 1 2 8-6 10
READING 6 3 1 2 8-7 10
ARSENAL 5 2 2 1 6-3 8
BOLTON 5 2 2 1 4-3 8
BLACKBURN 6 2 2 2 6-8 8
FULHAM 6 2 2 2 5-9 8
MAN. CITY 6 2 1 3 5-8 7
NEWCASTLE 5 2 0 3 5-7 6
WIGAN 5 1 2 2 5-6 5
WEST HAM 6 1 2 3 6-9 5
M‘BROUGH 6 1 2 3 5-10 5
TOTTENHAM 6 1 1 4 2-8 4
WATFORD 6 0 3 3 4-7 3
CHARLTON 6 1 0 5 4-11 3
SHEFF. UTD 6 0 2 4 2-9 2
Landsleikur í körfubolta:
ÍSLAND-ÍRLAND 68-56
ÚRSLIT GÆRDAGSINS
FÓTBOLTI Nýliðar Reading eru í sjö-
unda sæti í ensku úrvalsdeildinni
eftir sex leiki en í gær gerði liðið
1-1 jafntefli á heimavelli sínum
gegn Manchester United. Ívar
Ingimarsson var að sjálfsögðu á
sínum stað í vörninni hjá Reading
en Brynjar Björn Gunnarsson
kom inn á sem varamaður þegar
um stundarfjórðungur var eftir af
leiknum.
„Ég var farinn að halda að þetta
væri okkar dagur þegar Cristiano
Ronaldo átti þetta frábæra ein-
staklingsframtak og jafnaði,“
sagði Steve Coppell, knattspyrnu-
stjóri Reading. Í upphafi seinni
hálfleiks komst Reading yfir með
marki Kevin Doyle úr vítaspyrnu
sem dæmd var á Gary Neville,
fyrirliða Manchester United. Á 73.
mínútu jafnaði Ronaldo þegar
hann lék á varnarmann og skoraði
með föstu skoti í hornið.
„Á heildina litið er ég sáttur við
þetta stig sem við vorum að vinna
okkur inn. Mínir menn börðust vel
og eiga hrós skilið,“ sagði Coppell.
Sir Alex Ferguson, knattspyrnu-
stjóri United, var ekki eins hress
en gaf sér tíma til að hrósa mót-
herjunum. „Leikmenn Reading
börðust fyrir öllum boltum og
voru sívinnandi. Samt sem áður
áttum við að gera betur,“ sagði
Ferguson.
„Þetta féll ekki með okkur í
dag, markvörður þeirra varði frá-
bærlega í þrígang. Það er erfitt að
spila á móti liði sem spilar eins
varnarsinnað og Reading gerði í
þessum leik.“
United er nú í þriðja sæti
deildarinnar en næsti deildarleik-
ur liðsins er á heimavelli gegn
Newcastle eftir viku og á miðviku-
dag leikur það gegn Benfica í
Meistaradeildinni. - egm
Reading byrjar tímabilið á Englandi vel:
Jafntefli við Man. Utd
BRYNJAR BJÖRN Á hér í baráttunni við Louis Saha, sóknarmann Manchester United,
en þeir komu báðir inn sem varamenn í gær. NORDICPHOTOS/GETTY