Fréttablaðið - 14.11.2006, Page 55

Hljómsveitin Dýrðin hefur starf-
að frá árinu 1994, með töluverðum
hléum og einhverjum manna-
breytingum. Hún hefur getið sér
gott orð sem tónleikasveit síðustu
ár, m.a. á Airwaves-hátíðunum
2005 og 2006 og hefur spilað eitt-
hvað vestanhafs, en þessi fyrsta
plata sveitarinnar er gefin út af
plötufyrirtækinu Skipping Stones
Records í Oakville í Connecticut.
Tónlist Dýrðarinnar er frísk-
legt popp-pönk. Lögin eru melód-
ísk og einfaldur hljómborðsleikur
setur sterkan svip á þau ásamt
söng Hafdísar Hreiðarsdóttur. Oft
minnir þessi tónlist á poppaðar
pönksveitir eins og Buzzcocks og
jafnvel Fræbblana, en líka á jap-
anskar stelpurokksveitir eins og
Shonen Knife og The 5.6.7.8‘s.
Það eru ellefu lög á plötunni og
þau standa öll fyrir sínu þó að þau
séu misgóð. Ég er sérstaklega
hrifinn af lögunum Prins í álögum
og Popp & Co., bæði skotheldir
smellir sem ættu hæglega að geta
náð vinsældum í útvarpi. Textarn-
ir eru skemmtilega hversdagsleg-
ir og lausir við hátíðleika og remb-
ing og passa tónlistinni vel. Platan
er ágætlega unnin. Hljómurinn er
fínn, hljóðfæraleikur er skamm-
laus og söngur Hafdísar hæfir
þessari tónlist vel.
Í heildina litið er þessi plata
Dýrðarinnar hin besta skemmtun.
Hún telst ekki til tíðinda í rokk-
sögulegu samhengi, en ánægjan
sem sveitin hefur sjálf af tónlist-
inni skín í gegn og það er mikils
virði.
Skemmtilegt popp-pönk
Menntaskólar landsins hafa
margir hverjir tekið sig
saman og gert böllin hjá sér
algjörlega reyklaus. Þetta
hefur gefið góða raun.
Menntaskólinn við Sund er einn af
þessum skólum og segir Arnar
Ágústsson, ármaður skólafélags
MS, að þetta hafi verið ákveðið í
vor. „Við ákváðum að prufukeyra
þessa nýju reglu á lokaballinu
okkar í vor og það er ótrúlegt
hversu vel þetta leggst í fólkið,“
segir Arnar og bætir því við að
Menntaskólinn við Reykjavík hafi
verið fyrstur skóla til að gera
þetta á síðasta ári. „Þetta er nátt-
úrulega það sem koma skal á öllum
skemmtistöðum og kaffihúsum
borgarinnar þannig að við
vissum að við þyrftum
að lúta að þessari reglu
fyrr eða síðar. Við
vildum bara vera
nokkrum skrefum á
undan.“
Arnar vill ekki
meina að reykinga-
bannið á böllum sé
eitthvað tengt því
veseni sem skólinn
lenti í vegna mikilla
óláta á busaballi skól-
ans árið 2005. „Þetta
tengist því ekki
neitt en skól-
inn hefur
samt sem
áður á
sér ljótan
stimpil
eftir það
og því
viljum
við breyta.“ Félagslíf skólans
hefur breyst síðan þessir atburðir
urðu, og til að mynda hafa nem-
endur skólans ekki fengið að taka
með sér gesti á böllin til þessa.
Arnar segir að reykingabannið
hafi mikil áhrif á böllin og segir
þau ívið rólegri en áður. „Það er
mjög skrýtið hversu mikið rólegri
böllin eru þegar sígarettureykur-
inn er ekki í nösunum á öllum. En
það segir okkur bara að reykurinn
hefur meiri áhrif en við höldum,“
segir Arnar.
Jónas Margeir Ingólfsson, for-
maður nemendafélags Mennta-
skólans við Hamrahlíð, segir
félagið vera að skoða þennan
möguleika innan skólans vel og
vandlega. „Við hér höfum ákveðið
að fara mjög lýðræðislega leið að
þessu og leyfum þeim sem kaupa
miða á böllin okkar að kjósa
hvort þeir vilja hafa ballið
reyklaust eða ei. Hingað
til hafa fleiri viljað hafa
reykingar á böllum, því
miður,“ segir Jónas, en
bætir því við að mikill
áhugi sé meðal skóla-
stjórnarinnar að hafa
böllin reyklaus. „Þegar
reykingabannið gengur í
gildi í júlí munum við
fagna því. Hvað er betra
en ung og hrein lungu.“
Þ Í N U P P L I F U N
Þ I N N L Í F S T Í L L
ÞÍN FASTEIGNASALA
OG LEIGUMIÐLUN Á SPÁNI
Sími 00 34 96 676 40 86 www.perlainvest.com
GOLFBÍLL FYLGIR ÖLLUM FASTEIGNUM VIÐ GOLFVELLI
STAÐFESTA ÞARF KAUP FYRIR ÁRAMÓT
ALLT AÐ 100% FJÁRMÖGNUN
BANKAÁBYRGÐ Á ALLAR GREIÐSLUR
ÍSLENSKA ALLA LEIÐ
P E R L A
investments