Fréttablaðið - 18.11.2006, Síða 10

Franklin Steiner hefur
höfðað meiðyrðamál á hendur
Blaðinu vegna umfjöllunar þess
um sig í grein þar sem fjallað var
um störf lögreglunnar í Reykjavík.
Þetta staðfesti Sveinn Andri
Sveinsson, lögmaður Franklins, í
Kastljósinu á fimmtudagskvöld. Í
umræddri grein var því haldið
fram að Franklin hefði verið
umfangsmesti fíkniefnasali
landsins á ákveðnu tímabili.
Sveinn Andri segir þá fullyrðingu
vera kolranga og órökstudda. Því
verður farið fram á að forsvars-
menn Blaðsins verði dregnir til
ábyrgðar fyrir ummælin og þau
dæmd dauð og ómerk.
Franklin Steiner
í mál við Blaðið
Ríki og sveitarfélög munu
skipta með sér kostnaði við lengda
viðveru allt að 370 fatlaðra grunnskóla-
barna í 5. til 10. bekk frá 1. janúar 2007.
Ríkisstjórnin samþykkti í gær að
félagsmálaráðuneytið gangi til við-
ræðna við Samband íslenskra sveitarfé-
laga um útfærslu á greiðsluþátttöku
ríkisins til bráðabirgða í tvö ár. Magnús
Stefánsson félagsmálaráðherra ætlar
sér skamman tíma til að ganga frá því.
Lengi hefur verið unnið að framtíð-
arlausn varðandi hver greiði kostnað
vegna þjónustu við þennan aldurshóp
eftir að skóladegi lýkur. Er þar átt við
dægradvöl og aðstoð við heimanám sem veitt er
grunnskólabörnum eftir að skólastarfi lýkur
klukkan 13 og stendur fram til klukkan 17. Sveitar-
félögin veita yngri grunnskólabörnum
þessa þjónustu, bæði fötluðum og
ófötluðum.
Starfshópur sem fjallaði um málið
og skilaði skýrslu í haust lagði til að
gert yrði sérstakt samkomulag milli
félagsmálaráðuneytisins og Sambands
íslenskra sveitarfélaga um skiptingu
kostnaðarins og reiknað er með að
hlutur ríkissjóðs geti orðið 60 milljónir
króna á ári í tvö ár.
Lagt er til að lög um málefni fatlaðra
verði endurskoðuð til að kveða skýrt á
um hlutverk og ábyrgð ríkis og
sveitarfélaga varðandi lengri viðveru
fatlaðra grunnskólabarna. Í dag hvílir lagaskylda
hvorki á ríki né sveitarfélögum um að bjóða þessa
þjónustu.
saman
við eigum vel
Staðalbúnaður MASC stöðugleikastýring
ABS hemlalæsivörn • EBD hemlajöfnunarkerfi
MATC spyrnustýring • Aksturstölva • Hiti í framsætum
Fjarstýrðar samlæsingar • Rafdrifnar rúðuvindur
Mitsubishi Colt er frábær bíll sem hefur sópað að sér verðlaunum, enda
kostirnir augljósir; glæsileg hönnun, mikið innra rými með mikla möguleika,
nýjar öflugar vélar, 6 hraða „Allshift“ sjálfskipting og margt fleira.
Komdu og prófaðu hann
Verð: 1.590.000 kr.
Þingflokkur Frjáls-
lynda flokksins segir umræðu síð-
ustu daga vera villandi. Enginn
þingmannanna vildi ræða viðtal
við Margréti Sverrisdóttur í blað-
inu í gær, en þar sagðist hún ekki
vilja vera í flokki sem markaðist
af skoðunum Jóns Magnússonar
hæstaréttarlögmanns og jafnaði
þeim við þjóðernishyggju.
Sverrir Hermannsson, stofn-
andi flokksins, var sá eini úr
kjarna Frjálslyndra sem vildi
ræða deilumál Jóns og Margrétar.
„Ég held nú að þetta verði afgreitt
í sátt og samlyndi. Um hvað er
deilt? Það er deilt um það að Mar-
grét heldur sig nákvæmlega við
málefnaskrá flokksins. Og að
halda það að einhver utanveltu-
besefi eins og Jón Magnússon,
sem er ekki einu sinni löglegur
félagi í Frjálslynda flokknum, hafi
eitthvað um það að segja, kemur
ekki til nokkurra greina,“ sagði
Sverrir í gær.
Magnús Þór Hafsteinsson sagði
að stefnumál flokksins hefðu ekki
breyst og að skoðanir Jóns væru
hans einkamál. „Það sem Jón
Magnússon hefur skrifað eru fyrst
og fremst hans eigin viðhorf. Fólk
hefur mismunandi áherslur og
túlkar sig með mismunandi hætti,“
Magnús sagði einnig að honum
þætti grein Jóns Magnússonar
„Ísland fyrir Íslendinga?“ vera fín
í því samhengi sem hann sæi hana.
Hins vegar væri hann afar ósáttur
við að orð Jóns væru slitin úr sam-
hengi. Hann túlkar grein Jóns ekki
sem rasisma.
Sigurjón Þórðarson tók í svip-
aðan streng og Magnús. „Ég er
sammála inntakinu í greininni um
að hingað eigi ekki að koma öfga-
fólk og skiptir þá engu hver trú
þeirra er. Umræðan um málefni
útlendinga snýst hins vegar fyrst
og fremst um kjör launafólks sem
er í beinni samkeppni við óheft
flæði starfsfólks frá öðrum lönd-
um. Andstæðingar flokksins
leggja alla áherslu á að draga
umræðuna frá þessu og færa yfir
á vafasamt svið kynþáttahyggju,
sem er langt í frá stefna flokks-
ins.“
Guðjón A. Kristjánsson vildi
ekkert segja um málið í gær, annað
en að stefna Frjálslynda flokksins
hefði ekki breyst.
Segir Jón Magnússon ekki löglegan flokksmann
Forsvars-
menn rekstrarfélags Tívolí-
skemmtigarðsins í Kaupmanna-
höfn kynntu á fimmtudag áform
um að reisa 102 metra hátt
lúxushótelháhýsi í garðinum,
eftir hönnun
breska
stjörnuarki-
tektsins
Normans
Foster
lávarðar.
Stefnt er
að því að
hótelturninn, sem yrði ein hæsta
bygging borgarinnar, verði
tilbúinn síðla árs 2010, svo fremi
sem öll tilskilin leyfi fáist fljótt.
Forsvarsmenn Tívolísins segja
að hótelbyggingin sé liður í
viðleitni félagsins til að breyta
því úr árstíðabundnum í heilsárs-
rekstur.
Hundrað metra
hótelháhýsi