Fréttablaðið - 18.11.2006, Síða 75

svip. Þó annan brag en Akureyri.
Hafnarfjörður er að vaxa saman
við nágrannabæina. „Það dregur
hann niður. Það er bara þannig. Og
tapar sérstöðu,“ segir Kristján Þór
hinn ánægðasti.
Ekki kom Lúðvík Geirssyni,
bæjarstjóra í Hafnarfirði, á óvart
tónninn í kollega sínum á Akur-
eyri. „Rígmontinn ef ég þekki hann
rétt. Við erum nú aldrei sáttir við
annað sætið, Hafnfirðingar,“ segir
Lúðvík og telur sig þá vita að
hverju beri að keppa. Lúðvík seg-
ist reyndar ánægður með könnun-
ina og að Hafnfirðingar hafi alltaf
gert sér grein fyrir því að þeir
væru í toppbaráttunni hvað feg-
urðina varðar.
„Enda Hafnarfjörður einstak-
ur bær á alla lund sem þeir vita
sem hér hafa verið og búið. Ætli
þetta sé ekki einhver nostalgía
með góða veðrið sem hefur haft
sitt að segja hvað Akureyri varð-
ar. En það er líka skjól og sólríkt
í hrauninu hjá okkur. Svo er þetta
líka spurningin um innri fegurð.
Ég er ekki í nokkrum vafa um
hvaða bær yrði efstur á blaði ef
þannig væri spurt. En við erum
langflottastir hér á Stór-Hafnar-
fjarðarsvæðinu.“
Eins og sjá má hér á neðan-
verðri opnunni heyrði Frétta-
blaðið ofan í nokkra nafntogaða
ljósmyndara sem flakkað hafa
um landið og skannað það í gegn-
um linsuopið. Og bar niðurstöð-
una undir þá. Þeir eru flestir á
því að könnunin rími ekki svo illa
við sinn fegurðarstuðul. En þeir
eiga það sammerkt að sakna
ýmissa staða af topp tíu listanum
auk þess sem þeim þykir flestum
skjóta skökku við að Reykjanes-
bær og Kópavogur skuli vera á
topp tíu lista yfir fallegustu staði
landsins. Og vilja meina að þar
hafi eitthvað annað ráðið en
ómengað fegurðarmatið.
fallegasti bær Íslands
Kópavogur
án miðju
Ég held að þeir hljóti að hafa verið margir Akureyringar
sem urðu fyrir svörum. Engir eru
eins stoltir af sínu bæjarfélagi en
þeir,“ segir Gunnar V. Andrésson
ljósmyndari.
Gunnar, eða GVA, nefnir
marga litla staði úti á landi sem
honum finnst alltaf jafn fallegir.
Stærri bæir hafa hins vegar misst
sjarmann.
„Menn hafa misst sig í kassa-
byggingum sem troðið er milli fal-
legri eldri húsa sem eiga meiri rétt
á sér. Akureyri er þar engin undan-
tekning. En Akureyri hefur vissu-
lega alltaf sinn sjarma. Og ótrúlegt
er að Kópavogur sé þarna, bær sem
hefur enga bæjarmynd, fyrr en
núna þessar miklu byggingar sem
komnar eru innst í bæinn. Fyrst og
síðast svefnbær. Ég hef lengi verið
að leita eftir einhverri miðju sem
þessi ormur er sem Kópavogur er.“
En það eru litlu staðirnir úti á
landi sem heilla GVA. „Staðir sem
hafa heillegustu bæjarmyndina:
Vopnafjörður, Stöðvarfjörður,
Djúpivogur... allt bæir sem standa
við höfnina og hafa ekki mengast
mjög. Halda sér vel.“
Sefgörðum 1-3a, 170 Seltjarnarnesi, sími 561 2211, fax 561 4185, borgarplast@borgarplast.is
Sterkir og meðfærilegir - Sjást vel í myrkri - Valda minna tjóni við óhapp
Þyngjanlegir með vatni, saltvatni eða sandi - Auðvelt að tæma gegnum afrennslisstút
Festingar fyrir gaumljós og umferðarmerki - Staflast vel og taka lítið pláss í geymslu
FAGMENNSKA OG ÁREIÐANLEIKI Í 35 ÁR!
íslensk framleiðsla
Aukið öryggi í umferðinni
- vegatálmar úr plasti -
Vottað umhverfisstjórnunar-
kerfi síðan 1999
VO
T
T
A
Ð
U
M
H
V
ER
FISSTJÓ
R
N
U
N
A
R
K
E
R
FI
Vottað gæðakerfi
síðan 1993