Fréttablaðið - 18.11.2006, Qupperneq 86

22.00
Daniel A. Pinero eða DP One
er einn af efnilegustu hip-hop plötu-
snúðum Bandaríkjanna um þessar
mundir. Hann er í hóp sem heitir
Turntable Anihilists og meðlimur
í Rock City Rockers, TCK og Zulu
Kingz. Ásamt því hefur hann deilt
sviði með RUN-DMC, Slick Rick, Talib
Kweli, Mos Def, Common og M.O.P.
Hann verður á NASA í kvöld.
Hildur Bjarnadóttir opn-
ar í dag sýningu í Safninu
í gamla Faco-húsinu við
Laugaveg. Verkin sem hún
sýnir eru öll unnin sérstak-
lega fyrir þessa sýningu
Safnsins. Hildur hefur á
undanförnum árum fengist
við gerð verka sem sækja í
eldri hannyrðir.
Hún notar tækni handíða í víðu
samhengi þráðar og vefs og vísar
gjarna í aldalanga hannyrða- og
handverkshefð kvenna. Í nýlegum
verkum sínum hefur hún og gert
málarastrigann að vettvangi fyrir
formpælingar sínar og dregur um
leið upp hugmyndafræði karllægs
sjónarhorns sem ríkir í listasög-
unni. Þar sem saga málverksins er
í fyrirrúmi og jafnan það sem
karlar hafa gert á því sviði. Ólíkt
þeim listamönnum, sem hafa
öldum saman notað strigann sem
undirstöðu málverks, vinnur Hild-
ur með strigann sjálfan og sögu-
lega merkingu hans, gerir hann að
upphafsreit í leit að svörum: hvað
skilur handverkið frá hinum
„fögru listum“, hún vekur spurn
um opinbera listhefð, hámenningu
og lágmenningu, karllega list og
kvenlega. Verk Hildar í Safni líta,
við fyrstu sýn, út fyrir að vera
„mónókróm“ – einlit og einsleit –
málverk, hörstrigar, sem málað
hafi verið yfir með ljósum lit.
Reyndin er þó að, að baki hvers
verks fer fram vinna, sem byggir
á aldagamalli textílhefð. Hildur
vefur verkin frá grunni, úr fínasta
hör sem fáanlegur er og litar þráð-
inn með akrílmálningu áður en
hún tekur til við að vefa úr honum.
Þau eru málverk án myndar, það
er handverkið sjálft sem er verkið
og vísanir þess í handverkssögu,
listasögu, karla- og kvennamenn-
ingu.
Hildur Bjarnadóttir er fædd
1969, nam myndlist við Myndlista-
og handíðaskólann og við Pratt
Institute í New York, Bandaríkj-
unum. Verk hennar hafa verið
sýnd víða; í helstu söfnum og sýn-
ingarrýmum á Íslandi, svo og í
Bandaríkjunum, Kanada, Þýska-
landi, Póllandi, Noregi og Svíþjóð,
Hildur hlaut á árinu Sjónlistaorð-
una fyrir myndlist og hefur auk
þess hlotið í verðlaun The Betty
Bowen Memorial (2001), Menn-
ingarverðlaun The American
Scandinavian Society of New York
(1999) og Myndlistarverðlaun
Pennans (2000). Hildur sýnir nú
verk sín í fyrsta sinn í Safni og
stendur sýning hennar út árið
2006.
Félag um átjándu aldar fræði
gengst fyrir málþingi í fyrirlestra-
sal Þjóðarbókhlöðu í dag og hefst
það kl. 13 og lýkur um kaffileytið.
Þar verða flutt sex erindi fræði-
manna um ýmislegt er lýtur að
sögulegum minnum frá einkalífi
þess tíma sem félagið einbeitir sér
einkum að. Kvonbænir og kaupöl
heitir erindi Árna Björnssonar, dr.
phil. Ísland í ljósi vestur-evrópsks
hjúskaparmynsturs er efni Ólafar
Garðarsdóttur, sagnfræðings.
Djákninn á Reynisstað og kona
klausturhaldarans – Af ástum Jóns
Steingrímssonar og Þórunnar
Hannesdóttur Scheving er efni
Torfa K. Stefánssonar Hjaltalín,
guðfræðings. Raunir biskupsdótt-
ur – Þættir úr lífssögu Helgu
Steinsdóttur er efni Sigurðar Pét-
urssonar.
Ævisaga Guðrúnar Ketilsdótt-
ur – sjálfsævisaga baráttukonu
eða kímni-
saga af flóni?
spyr Guðný
Hallgríms-
dóttir sagn-
fræðingur.
Skóp ástin
örlög Þuríð-
ar bóndadótt-
ur? er við-
fangsefni
Þórunnar
Guðmunds-
dóttur sagn-
fræðings.
Flutningur
hvers erindis tekur um 20 mínút-
ur. Um 10 mínútur gefast til fyrir-
spurna og umræðna að loknu
hverju erindi. Ágrip erinda liggja
frammi á málþinginu. Þau verða
síðar aðgengileg á heimasíðu
félagsins: www.akademia.is/18.
oldin.
Af ástum og örlögum
Grasrótarsýningar Nýlistasafns-
ins eru undanfarin sex ár búnar að
vera spennandi samantekt á því
hvað er að gerast í yngsta hópi
starfandi myndlistarmanna. Það
var hlutverk Grasrótarinnar frá
upphafi að kynna það ferskasta í
íslenskri nútímalist. Að þessu
sinni ákváðu sýningarstjórarnir
Andrea Maack, Huginn Þór Ara-
son og Jóhannes Atli Hinriksson
að velja einn upprennandi ungan
myndlistarmann til sýningar í öllu
safninu. Með því vildu þau skapa
heilsteypta sýningu þar sem lista-
maðurinn fær notið sín til fulln-
ustu. Nær þrjú hundruð fermetrar
Nýló eru því lagðir undir mynd-
heim Huldu Vilhjálmsdóttur.
Þetta er stærsta sýning sem
Hulda hefur staðið fyrir þótt hún
hafi komið víða við á ferli sínum
frá því hún sýndi fyrst 1997.
Níunda árið hennar er brátt og
baki og það tíunda fram undan.
Hulda Vilhjálmsdóttir útskrifaðist
frá málaradeild MHÍ 2000 og
hefur unnið sleitulaust síðan að
listsköpun sinni. Sérstakur stíll
listakonunnar hefur þróast í gegn-
um árin og hefur Hulda verið ötul
við sýningarhald að ýmsu tagi.
Verkin í Nýló eru 72 að tölu og af
öllu tagi, þótt málverk í bland við
teikningar, skúlptúra, ljósmyndir
o.fl. séu þar fyrirferðarmest. Þau
eru flest til sölu. Hulda heldur úti
vefsíðu þar sem skoða má feril
hennar og kynnast sögu hennar og
viðhorfum, www.huldavil.com.
Sýningin í Nýló opnar á laugardag
kl. 16. Nýlistasafnið er opið frá
miðvikudegi til sunnudags frá kl.
13-17 og á fimmtudögum til kl. 22.
Stendur sýningin til 17. desember.
Hulda í Grasrótinni
!
Kvennakór í Grafarvogi
P
IP
A
R

•
S
ÍA

•
6
0
7
0
4

Háaleitisbraut 68
103 Reykjavík • Sími 568 4240
www.astund.is • astund@astund.is
30% afslátt af öllum vörum
veitum við viðskiptavinum okkar
Í tilefni af 30 ára
afmæli Ástundar
Einnig af öllum tilboðsvörum.
Reiðtygi
Hnakkar
Reiðfatnaður
Íþróttavörur
Dans- og ballettvörur
Fimleikafatnaður.
Útivistarfatnaður
Fatnaður hinna vandlátu