Fréttablaðið - 26.11.2006, Blaðsíða 6

og 2 lítra Pepsi
10 bitar, stór franskar
P
IP
A
R
• S
ÍA

• 6
0
7
8
8
Málþing um framtíðarsýn í málefnum
grunnskólans og ný grunnskólalög fór fram á Nordica
hóteli í gær. Form málþingsins var nokkuð nýstárlegt
þar sem umræða milli gesta og fyrirlesara fór fram
með MSN-spjalli á nettengdum tölvum sem voru á
hverju borði.
Meðal þeirra sem fluttu ávörp voru Þorgerður
Katrín Gunnarsdóttir menntamálaráðherra og Guðrún
Ebba Ólafsdóttir, formaður endurskoðunarnefndar-
innar. Menntamálaráðuneytið boðaði til málþingsins í
tengslum við heildarendurskoðun á grunnskólalögum,
en nefnd þess efnis var skipuð í mars á þessu ári.
„Þetta var mjög skemmtilegt og óhefðbundið
málþing,“ segir Guðrún Ebba. „Það voru fjórir sem
opnuðu umræðuna um álitamálin á þinginu og á
meðan þeir töluðu gat fólk sent spurningar og
skoðanir á MSN-spjallinu. Allur salurinn tók þátt í
umræðunni.“
Hún segir að helst hafi verið rætt um að auka
sveigjanleika, valfrelsi og sjálfstæði sveitarfélaga og
skóla. „Nú tekur við það ferli hjá endurskoðunar-
nefndinni að skrifa frumvarp um heildarendurskoðun
grunnskólalaga, við erum komin með mjög gott
veganesti.“
Kjörforeldrar sem
ættleiða erlend börn með milli-
göngu löggiltra ættleiðingafélaga
munu fá 480.000 krónur í styrk frá
og með 1. janúar næstkomandi
samkvæmt tillögum um drög að
frumvarpi sem Magnús Stefáns-
son félagsmálaráðherra kynnti á
ríkisstjórnarfundi í fyrradag.
Ísland er nú eina Norðurlandið
sem greiðir ekki ættleiðingar-
styrki til kjörforeldra. Frumvarp
verður væntanlega tilbúið í næstu
viku að sögn Magnúsar, sem von-
ast til að það verði samþykkt fyrir
þinglok.
Heildarkostnaður við að ætt-
leiða barn er rúm milljón sam-
kvæmt upplýsingum frá Íslenskri
ættleiðingu sem er eina félagið
sem hefur verið löggilt af dóms-
málaráðherra til að annast milli-
göngu um ættleiðingar á erlend-
um börnum. Fjöldi ættleiddra
barna frá öðrum löndum hefur
undanfarin ár verið að meðaltali
25 á ári og miðað við sambærileg-
an fjölda yrðu útgjöld ríkissjóðs
vegna styrkjanna um tólf milljón-
ir króna á ári.
Starfshópurinn telur að fjöldi
ættleiðinga á erlendum börnum
geti aukist með ættleiðingarstyrk
til kjörforeldra. Íslensk stjórnvöld
hafa gert formlega samninga um
ættleiðingar við Kína, Indland,
Kólumbíu, Tékkland og Taíland að
sögn Karls Steinars Valssonar,
varaformanns Íslenskrar ættleið-
ingar, og að til standi að skoða
samninga við lönd í Afríku.
Hálf milljón í ættleiðingarstyrk
Á að banna notkun botnvörpu?
Átt þú bókasafnskort?
Stjórnarsamstarfið
hefur gengið vel en framsóknar-
menn þurfa að aðgreina sig skýr-
lega frá samstarfsflokknum –
Sjálfstæðisflokknum. Þetta sagði
Jón Sigurðsson, formaður Fram-
sóknarflokksins, á fundi mið-
stjórnar flokksins í gær.
Í þessari fyrstu stóru ræðu
sinni á vettvangi Framsóknar-
flokksins kom formaðurinn víða
við. Hann fjallaði um stöðu flokks-
ins, stjórnmálaástandið og verk-
efnin framundan.
Jón sagði að stefnumunur og
ágreiningur væri á milli stjórnar-
flokkanna í mörgum málum.
„Við höfum ólíkar áherslur í vel-
ferðarmálum, byggðamálum og
málum sem snerta tekjuskiptingu
og skattkerfi. Okkur greinir á um
það hversu langt skuli ganga í
einkavæðingu og við deilum um
samkeppni, óhefta frjálshyggju
eða þjóðleg samvinnuviðhorf.“
Ágreininginn við stjórnarand-
stöðuna sagði Jón þó meiri. Sagði
hann Samfylkinguna flakka á
milli póla og einkennast af ving-
ulshætti en stefna vinstri grænna
væri hömlulaust afturhald og að
berjast gegn framförum. Jón
minntist ekki á Frjálslynda flokk-
inn.
Að mati formanns Framsókn-
arflokksins verða fjölskyldumál-
in efst á baugi í kosningabarátt-
unni. Sagði hann einnig að á sviði
skattamála þyrfti að skoða stöðu
þeirra sem aðeins telja fram fjár-
magnstekjur og um samgöngumál
sagði hann vilja framsóknar-
manna að gera áætlun til langs
tíma um jarðgangagerð, þannig
að stanslaust verði á komandi ára-
tug unnið að framkvæmdum. Enn
fremur skipti meginmáli að fram-
sóknarmönnum takist að mynda
þjóðarsátt um umhverfisstefnuna
„þannig að allir nái samstöðu,
nema þá hörðustu ofstækis-
menn“.
Yfirlýsing Jóns um Íraksmál
féll í góðan jarðveg og klöppuðu
fundarmenn fyrir henni.
„Við skulum tala hreinskilnislega
um þetta, hvort sem einhver
okkar tengdust þessu sjálf eða
komu þar hvergi nærri,“ sagði
Jón. Hann sagði ákvarðanirnar
hafa byggst á röngum forsendum
og því verið rangar eða mistök.
Í ræðu sinni mærði Jón sam-
verkamenn í þingflokki og ráð-
herraliði Framsóknar og sagði
Kristinn H. Gunnarsson rödd hins
óbundna og einbeitta gagnrýn-
anda. Að því var hlegið og klapp-
að.
Framsókn aðgreini sig
frá samstarfsflokknum
Formaður Framsóknarflokksins segir stjórnarsamstarfið hafa gengið vel. Hann
sagði þó ágreining vera milli flokkanna í mörgum málum, til dæmis greindi þá
á um hversu langt ætti að ganga í einkavæðingu.
Samtök áhuga-
manna um áfengis- og vímuefna-
vandann, SÁÁ, tóku formlega í
notkun nýja 1.500 fermetra
göngudeild við Efstaleiti 7 í gær
og var hún nefnd Von.
Mæting var með besta móti, en
um fimm hundruð gestir heiðruðu
samtökin við þetta tækifæri.
Meðal þeirra var forseti lýðveld-
isins, Ólafur Ragnar Grímsson,
ásamt Vilhjálmi Þ. Vilhjálmssyni
borgarstjóra, sem lýsti yfir
einlægum vilja sínum til nánara
samstarfs við samtökin. Þórarinn
Tyrfingsson, formaður SÁÁ, var
hinn ánægðasti með opnunina og
sagði hana hafa verið glæsilega.
Von í Efstaleiti
Leiðtogafundur
Rússlands og Evrópusambands-
ins í Finnlandi í fyrradag var
árangurslaus að mestu. Vladimir
Pútín Rússlands-
forseti og
leiðtogar
Evrópusam-
bandsríkjanna
komu sér að vísu
saman um að
nauðsynlegt
væri að semja
um frjáls
viðskipti með
orku, en Pútín
gerði þó lýðum
ljóst að hann
væri enn ekki
tilbúinn til slíkra samninga.
Pútín vill hvorki veita
erlendum fyrirtækjum aðgang að
orkulindum Rússlands, né heldur
skipta upp stórum ríkiseinokun-
arfyrirtækjum í Rússlandi.
Fundur skilaði
engum árangri
Aflaverðmæti
íslenskra skipa nam 52,3 milljörð-
um króna á fyrstu átta mánuðum
ársins 2006 samanborið við 47,7
milljarða á sama tímabili 2005.
Aflaverðmæti hefur aukist um 4,6
milljarða eða 9,7 prósent. Afla-
verðmæti ágústmánaðar nam 6
milljörðum en í ágúst í fyrra var
verðmæti afla 5,5 milljarðar.
Aflaverðmæti botnfisks var í lok
ágúst orðið 39,3 milljarðar miðað
við 31,9 milljarða á sama tíma árið
2005. Verðmæti þorskafla var 18,1
milljarður og jókst um 8,4 prósent.
Ufsaaflinn jókst að verðmæti um
78,4 prósent, var 3,2 milljarðar.
Ufsaafli mun
verðmeiri nú