Fréttablaðið - 22.01.2007, Qupperneq 22

Modulhús ehf. er nýtt fyrirtæki
á Hvammstanga. Það flytur
inn staðlaðar timburhúsaein-
ingar frá Svíþjóð sem hægt er
að raða saman á marga vegu.
„Þetta gengur þannig fyrir sig að
viðskiptavinurinn kemur með
teikningu að húsi sem hann vill
reisa. Einingunum er hægt að raða
upp hvernig sem er því það er ekki
um nein stöðluð hús að ræða. Þetta
er eins og legókubbar. Þú bara
raðar upp draumahúsinu,“ segir
Guðmundur Helgason, fram-
kvæmdastjóri Modulhúsa, þegar
forvitnast er um starfsemina.
Hann segir einingarnar úr sænskri
furu og koma í þremur breiddum,
30, 60 og 120 sm. „Hagræðing í
framleiðslunni er mikil sem aftur
skilar sér í góðu verði,“ segir
hann.
Verksmiðjan sem framleiðir
einingarnar heitir Tomoku Hus
AB og er í Dölunum í Svíþjóð. Hún
eru í eigu Japana og þeir sjá um
stjórnunina. Guðmundur segir
einingarnar þó settar saman af
Svíum. „Þar kemur sænsk reynsla
og sænskt hugvit að góðum notum
en verksmiðjan er líka mjög
tæknivædd og þar er mikil sjálf-
virkni á ferðinni. Allt hjálpast að
við að halda niðri verðinu,“ segir
hann.
Framleiðslan hefur hingað til
aðallega farið á Japansmarkað að
sögn Guðmundar en er nú að dreif-
ast um Evrópu líka. „Það er gaman
að segja frá því að fyrsta svona
húsið sem reis í Evrópu var á Hall-
ormsstað,“ segir hann og bætir við
að átta hús séu komin upp hér á
landi og hafi reynst vel. „Eitt Tom-
okuhús er nýrisið hér á Hvamms-
tanga, það er 250 fermetrar að
stærð og uppsetning eininganna
tók tvo daga. Meistaranum líst
afspyrnuvel á húsið og sagðist
myndu leika sér að því að setja
upp minna hús á einum degi.
Gluggar eru búnir til af verk-
smiðjunum, einangrunin er inn-
byggð í einingarnar og burðar-
virkið í þakið fylgir með. Síðan
þarf að klæða húsin innan og utan
og þá er auðvelt að bæta við ein-
angrun ef vilji er til. Klæðningin
fylgir hins vegar ekki með. „Það
eru alls konar klæðningarefni á
markaðnum og þar velur hver og
einn,“ bendir Guðmundur á.
Frá staðfestingu pöntunar þar
til gámurinn með húsinu getur
verið kominn á byggingarstað líða
um það bil átta vikur að sögn Guð-
mundar. Hann telur Tomoku-ein-
ingarnar ekki einungis henta í
íbúðarhús heldur bæði skemmur
og gripahús. „Það voru flugmenn í
Svíþjóð sem byggðu lítið hús yfir
vélina sína. Ég sé alveg fyrir mér
hesthús og hvað sem fólki dettur í
hug,“ segir hann að lokum og
bendir þeim sem vilja fræðast
nánar um húsin á heimasíðu fyrir-
tækisins, www.modulhus.is.
Hver og einn byggir sitt
draumahús úr einingum
Pólýhúðum allt frá hillum upp í
utanhússklæðningar. Pólýhúðun er
sterk, hagkvæm og umhverfi svæn.
Smiðjuvegi 1 • s. 544-5700 • www.polyhudun.is