Fréttablaðið - 22.01.2007, Blaðsíða 50

Margir bíða spenntir eftir
fyrstu sólóplötu Ólafar
Arnalds og nú gerir Frétta-
blaðið það heyrinkunnugt
að frumburðurinn, „Við og
við“, er væntanlegur um
miðjan febrúar.
„Það er mjög erfitt að lýsa eigin
tónlist – það er erfiðasta spurning-
in sem maður getur fengið,“ segir
Ólöf. „Yrkisefnin eru öll um
ákveðnar manneskjur í mínu lífi,
þau fjalla mikið til um fjölskyld-
una mína og þá allra nánustu.“
Ólöf semur lög og texta plötunnar
auk þess að syngja og leika undir á
gítar.
„Þegar ég var að semja lögin
fannst mér þau ósköp skrýtin en
um leið og ég spilaði þau fyrir vini
mína sögðu þau mér að þau væru
mjög „Ólafar-leg,“ segir hún og
kímir. „Ég held að þetta sé mjög
áhlýðileg og indæl músík. Sumt er
mögulega runnið undan rifjum
einhverrar söngvaskáldahefðar
en svo er líka fullt af öðru nýju
sem kemur beint frá mér.“
Ólöf segist hlusta töluvert á
tónlist söngvaskálda en segir að
áhrifin komi alls staðar að. „Það er
svo margt sem síast inn, úr öllum
áttum og heimsálfum, en svo er
líka mikill kraftur í tungumálinu,“
útskýrir hún. „Textarnir eru allir
á íslensku og það er kannski eitt-
hvað úr íslensku þjóðlagaminni
sem ratar inn í músíkina – ég veit
það ekki.“ Ólöf kveðst nýbyrjuð að
fást við textagerðina. „Ég hef
fengist við skriftir og orð en ekki
verið að gera texta og ég var ekki
heldur að fást við sönglög. Þetta
byrjaði þegar ég gerði texta við
lögin hans Skúla Sverrissonar – þá
kom ég út úr skápnum sem texta-
höfundur,“ segir hún sposk. Fyrr-
greind plata Skúla, Sería, var ein
af umtöluðustu plötum síðasta árs
en Ólöf syngur einnig þrjú lög á
plötunni.
Ólöf útskrifaðist af nýmiðla-
braut Listaháskóla Íslands í vor.
„Ég byrjaði í klassísku tónlistar-
námi sex ára gömul en ég hef líka
verið í stöðugu sjálfsnámi – ég
lærði til dæmis sjálf á gítarinn,“
segir hún. „Þetta spilar saman en
ég upplifi þetta reyndar sem alveg
tvo aðskilda heima en maður notar
þessa klassísku kunnáttu sem
tungumál til þess að að fá það í
gegn sem manni býr í brjósti.“
Hún útskýrir að lögin á plöt-
unni séu hugsuð svo að þau geti
staðið ein og sér með gítarundir-
leik. „Í grunninn eru þau söngur
og gítar en svo eru líka fínlegar
útsetningar og viðbætur sem geta
verið allt frá einum „slæd-gítar“
upp í tíu manna band með strengj-
um og blásurum.“
Í gegnum tíðina hefur Ólöf leik-
ið með fjölda hljómsveita og á
plötunni nýtur hún liðsinnis fjöl-
margra vina sinna og félaga. Hún
titlar þó tvo guðfeður að plötunni,
Kjartan Sveinsson, liðsmann Sigur
Rósar, sem er upptökustjóri og
sérlegur ráðgjafi og fyrrgreindan
Skúla Sverrisson, sem kom að
hugmyndavinnu við útsetningar
ásamt því að leggja til hljóðfæri.“
Æskuvinkona Ólafar, Sara Riel,
sér síðan um hönnun plötuum-
slagsins.
Ólöf segir það hafa reynst sér
einkar lærdómsríkt að vinna að
plötunni. „Maður kynnist alls
konar nýjum hlutum en það er
ákveðin eldskírn að koma ein-
hverju frá sér sem maður stendur
og fellur með alveg einn. Það er
kannski stærsti lærdómurinn –
einfaldlega að þora.“
Ólöf stefnir á að halda útgáfu-
tónleika og kveðst gjarnan myndu
vilja ferðast um landið og halda
tónleika. „Ég ætla bara að leyfa
þessu að þróast. Ég er ekki með
nein stíf plön en ætla að vera dug-
leg að spila. Ég verð bara að sjá
hvert músíkin vill fara og reyna
að fylgja henni eftir.“
Kl. 11.00
Færeysku listmálararnir Edward Fuglø, Astri
Luihn, Sigrun Gunnarsdóttir, Torbjørn Olsen,
Eyðun av Reyni og Ingálvur av Reyni sýna verk
sín í menningarmiðstöð Hafnarfjarðar í Hafnar-
borg. Listamennirnir á sýningunni Einsýna List
eru að mörgu leyti ólíkir en eiga það sameiginlegt
að vera óhræddir við að gera tilraunir með tækni,
form og myndbyggingu. Sýningin stendur til 4.
febrúar.

„DAUÐUR, SKÍTUGUR, TÓMUR“
DAGUR VONAR
!