Fréttablaðið - 22.01.2007, Page 56

Það kom í hlut Rögnu
Ingólfsdóttur og Tinnu Helgadótt-
ur að há hreinan úrslitaleik um
gullið á Evrópumóti B-þjóða í bad-
minton sem fór fram í Laugardals-
höll um helgina. Staðan í viður-
eigninni var þá 2-2 og því ljóst að
úrslitin myndu ráðast í tvíliðaleik
kvenna.
Ragna og Tinna unnu fremur
auðveldan sigur, 21-16 og 21-16.
Ísland stóð því uppi sem sigurveg-
ari mótsins en fyrir úrslitaviður-
eignina hafði Ísland tryggt sér eitt
af efstu þremur sætum mótsins
sem tryggir þátttökurétt í A-deild
Evrópukeppninnar.
Ísland vann allar sínar viður-
eignir á mótinu. Ragna Ingólfs-
dóttir, einn sterkasti keppandi
mótsins, tapaði aðeins einni viður-
eign allt mótið og var vitaskuld
hæstánægð með árangurinn.
„Þetta var ótrúlegt. Það gekk
allt upp. Við náðum afskaplega vel
saman og áhorfendur studdu
okkur vel allan tímann,“ sagði
Ragna.
Hún segir að fyrirfram hafi
Ísland átt þriðja sterkasta liðið í
sínum riðli og því hafi árangurinn
komið nokkuð á óvart, ekki síst
þeim sjálfum.
„Okkar leikaðferð var að taka
bara eina viðureign fyrir í einu.
Það kom okkur þó alltaf örlítið á
óvart hversu vel okkur gekk.
Ísland vann þessa keppni árið 1999
og vildum við vissulega leika það
eftir, sérstaklega á heimavelli. En
okkur datt aldrei í hug að okkur
myndi takast að klára þetta mót
með svona miklum stæl. Ég trúi
þessu varla ennþá,“ sagði hún.
Mótið var vel sótt af áhorfend-
um og eins og Ragna segir var vel
stutt við bak íslenska landsliðsins.
„Það var búið að skipuleggja mikið
og gott klapplið sem var búið að
æfa alls kyns lög. Það var klappað
eftir hvern einasta bolta og maður
gat aldrei leyft sér að slaka neitt á.
Við vorum einfaldlega barin
áfram. Badminton er einstaklings-
íþrótt en okkur leið eins og við
værum í hópíþrótt og er það í
fyrsta sinn sem ég upplifa það.
Það mætti kannski helst líkja
þessu við stemninguna sem ríkir á
leik með landsliðinu í handbolta.“
Sem fyrr segir tapaði Ragna
aðeins einni viðureign á mótinu en
vann alla sína leiki í einliðaleik.
„Ég þekki allar þessar stelpur
frá öðrum mótum og hef oftast
unnið þær áður. Ég taldi mig því
eiga góðan möguleika í einliða-
leiknum. Svo gekk mjög vel í tví-
liðaleiknum. Fyrstu tvo leikina
spilaði ég með Katrínu (Atladótt-
ur) sem ég þekki afar vel og svo
með Tinnu. Og við náðum einnig
mjög vel saman þó við höfum
aldrei spilað saman áður í tvíliða-
leik.“
Ísland verður á meðal keppnis-
þjóða þegar keppni í A-deild verð-
ur háð í Danmörku á næsta ári.
„Ég vona að okkur muni ganga vel
þar. Þetta er allavega mikil og góð
reynsla sem við öðlumst við að
keppa við þá bestu í Evrópu.“
Íslenska landsliðið í badminton vann frækinn sigur í Evrópukeppni B-þjóða en mótinu lauk í Laugardals-
höllinni í gær. Ísland vann lið Írlands í úrslitaviðureigninni þar sem úrslitin réðust í síðasta leiknum.
Wigan tapaði sínum
sjöunda deildarleik í röð þegar
liðið beið lægri hlut 0-2 fyrir
Everton á heimavelli sínum í gær.
Mikel Arteta kom Everton yfir úr
vítaspyrnu á 65. mínútu en fram
að því hafði leikurinn verið
einstaklega bragðdaufur. Arteta
skoraði síðan aftur í uppbótar-
tíma eftir sendingu frá Phil
Neville sem fagnaði þrítugsaf-
mæli sínu í gær.
Wigan er aðeins tveimur
stigum frá fallsæti en fyrir neðan
er lið West Ham. Everton heldur
hins vegar áfram að sigla lygnan
sjó um miðja deild.
Sjöunda tap
Wigan í röð
Miklar gleðifréttir fyrir landsliðskonur
Ólafur Garðarsson,
umboðsmaður Ólafs Inga
Skúlasonar, leikmanns Brentford
á Englandi, staðfesti við Frétta-
blaðið í gær að Ólafur Ingi færi
með Helsingborg í æfingaferð til
Suður-Afríku á föstudaginn. Hann
æfði með liðinu í Svíþjóð í síðustu
viku og er mikill áhugi hjá
félaginu fyrir því að fá Ólaf Inga.
Það má því líklegt telja að ef
hann stendur undir væntingum í
Suður-Afríku sé lítið því til
fyrirstöðu að hann gangi til liðs
við félagið.
Fer með til Suð-
ur-Afríku
Sænska úrvalsdeildarfé-
lagið GAIS hefur gert tilboð í
Eyjólf Héðinsson, leikmann
Fylkis. Hann æfði með liðinu
fyrir skömmu og heillaði forráða-
menn liðsins. Með því leikur
Keflvíkingurinn Jóhann B.
Guðmundsson. Eyjólfur mun
sjálfur vera spenntur fyrir GAIS
sem á nú í viðræðum við forráða-
menn Fylkis.
„Það voru einhverjar tölur
nefndar en málið er enn á
viðræðustigi,“ sagði Hörður
Antonsson, formaður meistara-
flokksráðs Fylkis.
Lagði fram til-
boð í Eyjólf
Fjórir leikmenn Osasuna
fengu að líta rauða spjaldið á
laugardag þegar liðið tapaði 1-0
fyrir Atletico Madrid í spænska
boltanum. Osasuna er fyrsta liðið
í spænsku deildinni sem fær það
mörg rauð spjöld í einum leik í tíu
ár. Snemma leiks varð kamer-
únski sóknarmaðurinn hjá
Osasuna, Pierre Webo, fyrir
barðinu á kynþáttaníði stuðnings-
manna Atletico.
Tólf mínútum fyrir leikslok fór
fyrsta rauða spjaldið á loft.
Dæmd var vítaspyrna á Carlos
Cuellar en Fernando Torres skaut
í stöng. Á 84. mínútu skoraði Ze
Castro eina mark leiksins og eftir
það varð allt vitlaust á vellinum.
Nokkrum sekúndum fyrir
lokaflautið varð Raúl García
fjórði leikmaður Osasuna til að fá
rauða spjaldið.
Fjögur rauð
Arsenal átti frábæra end-
urkomu í stórleik gærdagsins í
enska boltanum þegar liðið vann
2-1 sigur á toppliði Manchester
United. Eftir markalausan fyrri
hálfleik skoraði Wayne Rooney
með skalla þegar átta mínútur
voru liðnar af þeim síðari. Robin
van Persie náði að jafna á 83. mín-
útu og í viðbótartíma var það
Thierry Henry sem skoraði dram-
atískt sigurmark með skalla.
Hvorugt liðið náði að sýna bestu
spilamennsku sína í gær en Sir
Alex Ferguson, knattspyrnustjóri
Manchester United, nagar sig
væntanlega í handarbökin yfir því
að liðið missti af þremur dýrmæt-
um stigum á nokkrum mínútum.
Mark Rooneys var aðeins hans
annað í fjórtán leikjum. Jose Mour-
inho hlýtur að hafa brosað þegar
Henry skoraði en forysta United
helst í sex stigum eftir leiki helgar-
innar. Arsenal er í fjórða sætinu,
stigi á eftir Liverpool sem er fimm
stigum á eftir Chelsea.
„Það er ekki á hverjum degi
sem maður skorar með skalla og
frábært að koma svona til baka
gegn Manchester United eftir að
hafa lent undir. Við vorum
óákveðnir í byrjun og United
stjórnaði leiknum. Við byrjuðum
síðari hálfleikinn betur en fáum
síðan þessa blautu tusku í andlitið
þegar þeir skoruðu,“ sagði Henry.
Arsene Wenger, stjóri Arsenal,
var einnig í skýjunum eftir leik-
inn.
„Ég er með nokkur ljón í mínu
liði sem verða sterkari með hverj-
um leiknum. Það er alltaf gaman
að ná að sigra United en þessi
sigur var sérstaklega sætur. Þegar
þeir komust yfir ætluðu þeir bara
að reyna að halda þeirri stöðu en
það virkaði ekki,“ sagði Wenger.
Sir Alex Ferguson, stjóri United,
sagðist vona að sínir menn myndu
læra að þessum mistökum. Þá
hrósaði hann Michael Carrick
fyrir hans frammistöðu í leiknum.
Sigurmark Henry í uppbótartíma