Fréttablaðið - 03.03.2007, Síða 6

Endurskoðandi Baugs
sem áritaði ársreikninga félagsins
frá stofnun þess vissi ekki um
kaupréttarákvæði í ráðningar-
samningum þriggja æðstu stjórn-
enda félagsins, sem gerðir voru
árið 1998, fyrr en síðla árs 2002,
eftir að rannsókn lögreglu á Baugi
var hafin.
Þetta kom fram í vitnisburði
Stefáns H. Hilmarssonar í Baugs-
málinu í Héraðsdómi Reykjavíkur
í gær, en Stefán var endurskoðandi
og meðeigandi hjá KPMG endur-
skoðun og áritaði ársreikninga
Baugs frá árunum 1998 til 2002.
Komið hefur fram við meðferð
málsins í héraðsdómi að kauprétt-
arákvæði voru í ráðningar-
samningum Baugs við þá
Óskar Magnússon stjórnar-
formann, Jón Ásgeir
Jóhannesson forstjóra,
og Tryggva Jónsson
aðstoðarforstjóra, en
samningarnir voru gerð-
ir árið 1998. Einnig hefur komið
fram að hluti kaupréttarákvæð-
anna var fullnustaður árið 1999.
Jón Ásgeir sagði í skýrslutöku
fyrir dómi að kaupréttarsamning-
ar stjórnenda hefðu legið fyrir hjá
KPMG, sem sá um greiðslur á laun-
um og hlunnindum stjórnenda.
Ákæruvaldið heldur því fram
að vegna kaupréttarákvæðanna
hafi hlutabréf í Baugi sem félagið
átti sjálft, samtals fjögur prósent
af bréfum í félaginu, verið færð á
vörslureikning Baugs hjá Kaup-
þingi í Lúxemborg, sjálfstæðu dótt-
urfélagi Kaupþings, og bókuð sem
seld bréf í bókum Baugs.
Stefán sagði í gær að hann hafi
fengið að vita af kaupréttarákvæð-
unum, og að þau hafi að hluta til
verið uppfyllt, í október 2002, en
rannsókn lögreglu hófst seint í
ágúst það sama ár. Upplýsing-
ar um þessi kaupréttar-
ákvæði hafi hann fengið frá
innri endurskoðun Baugs. Á
sama tíma hafi hann fengið
að vita af vörslureikningnum í
Kaupþingi Lúxemborg.
Kaupréttarsamningarnir tengj-
ast málinu þar sem í einum lið
ákærunnar eru þeir Tryggvi og Jón
Ásgeir ákærðir fyrir að færa sölu á
hlutabréfum í Baugi á reikning hjá
Kaupþingi í Lúxemborg, en þau
bréf voru meðal annars notuð til að
uppfylla kaupréttarákvæðin. Segir
í ákærunni að markmiðið hafi verið
að draga dul á að stjórnendurnir
væru raunverulegir viðtakendur.
Vissi ekki um
kaupréttinn
Endurskoðandi sem áritaði ársreikninga Baugs vissi
ekki um kauprétt æðstu stjórnenda félagsins fyrr en
rúmum mánuði eftir að lögreglurannsókn hófst.
Engin úttekt hefur verið
gerð á fölsuðum tölvupósti sem
lagður var fram í Baugsmálinu á
dögunum, þar sem verjandi hefur
ekki orðið við kröfum sækjanda
um að afhenda rafrænt eintak af
póstinum.
Tryggvi Jónsson, einn ákærðu í
málinu, minntist fyrst á tölvupóst-
inn falsaða fyrir dómi, og sagði
hann einn aðstoðarmann lögmanna
Baugsmanna hafa falsað póstinn á
skömmum tíma, í þeim tilgangi að
sýna fram á hversu auðvelt væri
að falsa slíkan póst.
Jakob R. Möller, verjandi
Tryggva, afhenti síðan útprentun
af póstinum, og sækjandi lagði
hann fram sem skjal í málinu.
Sigurður Tómas Magnússon,
settur ríkissaksóknari í Baugs-
málinu, sagði aðspurður í gær að
þrátt fyrir áskorun ákæruvaldsins
hefði ekki verið lagt fram rafrænt
eintak af þessum meinta tölvu-
pósti. Þegar pósturinn kom fram
sagði Sigurður að hann myndi láta
kanna hvort sérfræðingar lög-
reglu sæju í gegnum falsið, en til
þess þarf rafrænt eintak af póstin-
um.
Sigurður Tómas segir að þar
sem pósturinn hafi ekki verið
afhentur verði ekki á öðru byggt í
málinu en að tölvupósturinn hafi
verið búinn til í ritvinnsluforriti
en ekki sendur í gegnum tölvu-
póstforrit. Skjalið eigi því ekkert
sameiginlegt með þeim rafrænu
gögnum sem byggt sé á í málinu.
Ekki hægt að rannsaka falsið
BAUGS M Á L I Ð
„Þegar menn hafa vond-
an málstað að verja eiga þeir til að
draga athyglina frá kjarna máls-
ins,“ segir Elliði Vignisson, bæjar-
stjóri í Vestmannaeyjum, um orð
Gísla Baldurs Garðarssonar lög-
manns, sem heldur því fram að ekki
liggi fyrir neinar sannanir um að
olíufélögin hafa haft með sér sam-
ráð í öðrum tilfellum en fyrir útboð
Reykjavíkurborgar.
Vestmannaeyjabær hefur stefnt
olíufélögunum og krefst 27 millj-
óna króna skaðabóta vegna sam-
ráðs þeirra um útboð bæjarins í
apríl 1997.
Gísli Baldur Garðarsson, lög-
maður Olís og stjórnarformaður
félagsins, sagði í Fréttablaðinu
eftir að héraðsdómur dæmdi olíu-
félögin til að greiða Reykjavíkur-
borg og Strætó bs. 78 milljónir
króna vegna samráðs fyrir útboð,
að önnur mál „væru ekkert lík“
máli Reykjavíkurborgar.
Þessu mati Gísla Baldurs er Ell-
iði ósammála. „Mál Vestmanna-
eyjabæjar er alveg sambærilegt
við mál Reykjavíkurborgar. Það
liggja fyrir skýrar sannanir um að
olíufélögin höfðu samráð fyrir
útboðið. Meðal annars kemur fram
í gögnum málsins að olíufélögin
greiddu hlutdeild í framlegð sín á
milli, og það er fullkomlega sam-
bærilegt við það sem gert var fyrir
útboð Reykjavíkurborgar.“
Hæstiréttur á eftir að dæma í
máli Reykjavíkurborgar gegn olíu-
félögunum.
Opnum um helgina
í Fellsmúla 28
(við hliðina á Góða hirðinum)
Opið 10-18 alla daga
Glæsilegt úrval fyrir konur og börn!
Finnst þér dómurinn í Bubba-
málinu réttlátur?
Ferðu til útlanda í sumarfríinu?
Nærri tvö hundruð
fótgönguliðar í svissneska
hernum réðust óvart inn í
nágrannaríkið Liechtenstein
aðfaranótt fimmtudags, en sem
betur fer tók enginn heimamanna
eftir „innrásinni“.
Svissnesku hermennirnir voru
á ósköp venjulegri heræfingu í
niðamyrkri þegar þeir villtust og
vissu ekki fyrr en þeir voru
komnir tvo kílómetra yfir
landamærin.
Embættismenn í báðum
löndunum sögðu ólíklegt að þessi
vandræðalegu mistök myndu
hafa nokkur eftirmál.
Réðust inn í
Liechtenstein