Fréttablaðið - 03.03.2007, Side 16

[Hlutabréf]
Icelandic Group tapaði
tæplega 1,4 milljörðum
króna á fjórða ársfjórðungi
2006. Sala á fjórðungnum
nam 360 milljónum evra,
eða 33,8 milljörðum króna.
Rekstrarhagnaður án
afskrifta (EBITDA) nam
187 milljónum króna. Hlut-
fall rekstrarhagnaðar án
afskrifta af rekstrartekj-
um (EBITDA-hlutfall) var
0,6 prósent.
Niðurstaðan var tölu-
vert undir markmiðum
stjórnenda félagsins, sem
höfðu sett markið á 400
milljóna evra sölu á tíma-
bilinu og 4,5 prósenta
EBITDA-hlutfall.
Litið til ársins í heild
tapaði Icelandic Group
1,08 milljörðum króna.
EBITDA ársins er 3,5
milljarðar króna. Heildar-
eignir félagsins við árslok
námu 85,6 milljörðum
króna.
Árið 2006 var litað af
slökum rekstrarárangri
og mikilli endurskipu-
lagningu hjá Icelandic
Group. Í fréttatilkynningu
frá félaginu er haft eftir
Björgólfi Jóhannssyni,
forstjóra Icelandic Group,
að félagið sé nú í stakk
búið til að sýna góðan
árangur á árinu 2007.
Uppgjör veldur vonbrigðum
Greiningardeild Landsbankans
hækkaði verðmat sitt á Alfesca í
5,65 krónur á hlut í kjölfar þess að
félagið skilaði góðu uppgjöri á
fjórða ársfjórðungi. Þá telur
greiningardeildin að kaupin á
franska rækjuframleiðandanum
Adrimex, sem tilkynnt var um við
birtingu uppgjörsins, styrki félag-
ið.
Gengi bréfa í Alfesca hækkaði
um hátt í tvö prósent í gær og stóð
við lokun markaðar í 4,86 krónum.
Greiningardeildin hefur sett
markgengi félagsins á 6,30 krón-
ur á hlut. Það þýðir að hún telur
innistæðu vera fyrir um þrjátíu
prósenta hækkun á gengi félags-
ins á næstu tólf mánuðum.
Hækka verð-
mat á Alfesca
Hluthafar fyrirtækjasamstæðunn-
ar Stork N.V. í Hollandi brugðu út
af venju þegar þeir léttu ekki
ábyrgð af framkvæmda- og yfir-
stjórn félagsins vegna verka þeirra
á síðasta ári á aðalfundi félagsins
sem fram fór í gær. Þá var einn
yfirstjórnarmanna, C. den Hartog,
ekki skipaður aftur í stjórnina.
Stærstu hluthafar félagsins,
bandarísku fjárfestingasjóðirnir
Centaurus og Paulson, sem saman
fóru með 57,3 prósent atkvæða
þeirra sem mættir voru á aðalfund-
inn, kusu gegn því að létta ábyrgð
af stjórninni, en slíkt er venjulega
formsatriði og gert til að fría stjórn-
armenn skaðabótaábyrgð. Eins
lögðust sjóðirnir gegn endurskipan
Den Hartog. Sjóðirnir hafa frá því
síðasta haust deilt hart við stjórn-
ina um stefnu fyrirtækisins. Þeir
vilja selja hliðarstarfsemi frá, svo
sem Stork Food Systems, sem
Marel vill kaupa. Marel á fyrir, í
félagi við Landsbankannn og Eyri
Invest, um átta prósenta hlut í
Stork N.V.
Á aðalfundinum sátu hjá við
atkvæðagreiðsluna 8,3 prósent
atkvæða og má leiða að því líkur að
þar hafi verið hlutur Marels. For-
svarsmenn fyrirtækisins vildu ekki
tjá sig um fundinn, en fyrirtækið
hefur ekki viljað taka afstöðu í
deilu bandarísku sjóðanna og Stork.
Marel og Stork hafa hins vegar átt í
óformlegum viðræðum um kaup á
Stork Food Systems.
Brugðið út af venju hjá Stork
Sýningin opnar aftur 3. mars
Opnunartími: alla daga frá 10–17
Aðalstræti 16
www.reykjavik871.is
Lífið á
landnámsöld
Landnámssýningin við Aðalstræti veitir gestum
tækifæri til að skyggnast inn í lífið á landnáms-
öld. Miðpunktur sýningarinnar er skálarúst frá
10. öld. Einnig má þar finna fornleifar frá því
um 871 og eru það elstu mannvistarleifar sem
fundist hafa á Íslandi.
Einstök margmiðlunartækni gerir gestum kleift
að ímynda sér hvernig lífi heimilisfólks í fyrstu
byggð Reykjavíkur var háttað og hvernig
umhverfi og landslag borgarinnar var við
landnám.
Fjölmiðla- og afþreyingarfélagið
365 hf. tapaði 6,9 milljörðum króna
á síðasta ári. Sé einungis horft á
áframhaldandi starfsemi nemur
tapið 1,2 milljörðum. Hagnaður
fyrir afskriftir, fjármagnsliði og
skatta nam 1.552 milljónum
króna.
Á fjórða ársfjórðungi nam tap
félagsins 2.246 milljónum króna.
Það er langt umfram meðaltalsspá
greiningardeilda bankanna, sem
hljóðaði upp á 212,5 milljóna króna
tap. Sala á tímabilinu nam 3.595
milljónum króna og EBITDA-
hagnaður nam 1.362 milljónum.
„Síðasta ár hefur verið tími
mikilla umbreytinga hjá 365 hf. og
forvera þess, Dagsbrún hf. Vinna
við þessar breytingar hefur verið
tímafrek og kostnaðarsöm, auk
þess sem 365 hf. hefur þurft að
taka á sig miklar afskriftir vegna
endurmats á virði þeirra fjárfest-
inga sem ráðist var í, en eru utan
framtíðarreksturs 365 hf,“ er haft
eftir Ara Edwald, forstjóra 365, í
fréttatilkynningu. „Ljóst er að
rekstrarniðurstaða félagsins er
óásættanleg.“
365 hf. er móðurfélag 365 miðla,
sem meðal annars reka Frétta-
blaðið, Senu, Sagafilm og D3.
Langt undir spám