Fréttablaðið - 03.03.2007, Qupperneq 40

París er borg tískunnar og víst
er að aðeins í örstutt tímabil á
hverju ári leggst tískuheimur-
inn hér í borg í dvala. Þetta er í
kringum jólin og svo í ágúst
eftir að sumarútsölum lýkur.
Tískuárið hefst svo er líður á
janúarmánuð og eftir hámark
sumarfría í ágúst fer allt af stað
að nýju.
Árið hefst með hátískusýn-
ingum komandi sumars og
herralína næsta vetrar fylgir
svo fast á eftir. Á sama tíma eru
haldnar alls kyns sýningar og
kaupstefnur eins og Première
classe og Who´s next? Þar sem
eru kynntir straumar og stefnur
í efnum og svo fatatískan sem
er tilbúin til notkunar (prêt-à-
porter). Á eftir fylgir undirfata-
sýning og sú nýjasta sem er
aðeins ársgömul, Private, þar
sem forystu tískumerki sem
bjóða vörur í meðalháum verð-
flokki sýna framleiðslu sína.
Þetta eru nöfn eins Noa, noa,
American Vintage, Bill Tornade
og fleiri. Í ár voru það skandin-
avísk merki sem voru í gesta-
hlutverki.
Það er því kannski ekki skrýt-
ið þegar litið er til mikilvægi
tísku og umfangs hennar hér í
borg að finna megi tískusöfn og
fleira sem tengist tísku. Til
dæmis má nefna Tísku- og vefn-
aðarsafnið, Musée de la mode et
du textile, þar sem bráðlega
verður opnuð sýning á búning-
um sem Jean-Paul Gaultier
hannaði við ballettsýningar
Régine Chopinot frá 1983-94.
Musée Galleria er einnig helgað
tísku og þar verður opnuð sýn-
ing í apríl á vinnu Jean-Charles
de Castelbajac. Ekki má heldur
gleyma Stofnun Pierre Bergé-
Yves Saint Laurent þar sem ein-
stakt varðveislustarf er unnið
og yfir 5.000 hátískuklæði eftir
YSL eru varðveitt sem íslensk
fornrit væru.
Í miðborginni rétt fyrir
neðan Forum des Halles-versl-
unarmiðstöðina þar sem finna
má yfir þrjúhundruð búðir að
mestu neðanjarðar er í húsi
númer 22 á Pierre Lescot-götu í
fyrsta hverfi tískubókabúð.
Þessi bókabúð er sérhæfð í öllu
milli himins og jarðar sem teng-
ist tísku, textíliðnaði og jafnvel
arkitektúr. Þar má til dæmis
finna bækur eins og La bible de
denim (Biblía gallaefnisins), Le
temps de Chanel sem fjallar um
úraframleiðslu tískuhússins,
bækur um útsaum sem og sögur
tískuhúsa eða hönnuða eins og
Yves Saint Laurent og Louis
Vuitton svo einhver nöfn séu
nefnd. Ekki má heldur gleyma
ótrúlegu úrvali af tískutímarit-
um sem fjalla um dömu- og
herratísku og jafnvel sérblöð
eingöngu um barnatísku.
Það er nefnilega ástæða fyrir
því að París heldur enn í dag
titlinum borg tískunnar í hugum
flestra þrátt fyrir að aðrar tísku-
borgir vilji ekki vera eftirbátar
Parísar. Og nú er hafin enn ein
tískuvikan í París, haust- og
vetrartískan 2007-8 fyrir konur.
Hver segir að póker sé bara fyrir karlmenn?
Saumaklúbbar eiga það til að verða svolítið einhæfir. Brauð-
réttir með skinku og osti, rauðvín, sódavatn, slúður og hugsan-
lega einhverjar hannyrðir. Því ekki að brjóta þetta upp með því
að byrja að spila póker? Póker er töluvert auðvelt spil að
læra og eftir að þið eruð komnar á bragðið gæti verið að
öllum brauðréttum og hannyrðum yrði fleygt út um
gluggann.
Væri því ekki tilvalið að sameina undirfatakynningu og
fatapóker, spila upp á peninga og gefa svo allan
ágóðann til rannsókna á brjóstakrabbameini eða
öðru góðu málefni? Eða eins og skáldið sagði -
Því ekki að taka lífinu létt?
Póker hjá
saumaklúbbnum
Elizabeth Arden hefur sent frá sér margnota
krem sem ekki klikkar.
Árið 1930 bjó Elizabeth Arden til krem sem gagnast
við ýmsum vanda. Kremið kallaði hún Eight hour
cream eftir að hafa séð að rispa var gróin á hné lítils
drengs átta klukkustundum eftir að kremið var
borið á.
Átta klukkustunda kremið má nota á fjölbreytt-
an hátt. Til dæmis til að forma augabrúnir, næra
húðina eftir flugferðir, fá eðlilegan gljáa á húðina,
mýkja hendur, naglbönd, húðina á hnjánum, fótun-
um... Í raun má nota þetta krem hvernig
sem er og hvar sem er á húðina.
Það sem gerir Eight hour kremið
svo einstakt er að í því er samsetn-
ing af petroleum og E-vítamíni, en
einnig beta-hydroxy mýkingar-
efni sem enn í dag er uppistaðan í
mörgum frægum kremum.
Umbúðirnar eru afar skemmti-
legar en þær eru hannaðar í anda
gömlu daganna. Kremið er í lítilli
glerkrukku með málmloki sem minnir
virkilega á þá tíma þegar langamma
var ung. Stjörnurnar í Hollywood
keppast við að hæla þessu kremi, en
meðal annars lét Jennifer Beals hafa
það eftir sér að krem þetta væri eitt af
því fáa sem hún myndi taka með sér á
eyðieyju. - mhg
Krúttlegar umbúðir
en kraftmikið krem