Fréttablaðið - 12.04.2007, Síða 34

Hjónin Sólrún Sveinbergsdóttir
og Sigurjón Helgason á Dalvík
safna beljum.
„Ég er einmitt að taka upp úr
kassa með yfir hundrað nýjum
hlutum sem við pöntuðum af e-
Bay,“ segir Sólrún Sveinbergs-
dóttir á Dalvík en hún og eigin-
maður hennar, Sigurjón Helga-
son, eiga stórt og mikið safn af
alls kyns kúm. Hjónin hafa safn-
að beljunum í tuttugu ár og hafa
þurft að stækka við hús sitt til að
koma þeim öllum fyrir. „Fyrsti
hluturinn var gjöf til mannsins
míns frá mömmu minni en hann
starfaði á þeim tíma sem bústjóri
á Einangrunarstöðinni í Hrísey.
Þegar mamma dó tóku aðrir til
við að færa okkur eina og eina kú
sem fólk rakst á á ferðalögum. Nú
er ótrúlegasta fólk að gefa okkur
þetta,“ segir Sólrún og bætir við að
þau sjálf kaupi allar þær kýr sem
þau rekist á. „Þetta hefur heldur
betur undið upp á sig og maður er
farinn að spá hvort það sé nokkuð
til meðferð við þessu,“ segir Sól-
rún hlæjandi. „Við höfum komið
öllu dótinu í varanlegt húsnæði en
við smíðuðum sólstofu út frá hús-
inu og getum haft dótið uppi allt
árið um kring. Áður vorum við
með það ofan í kössum yfir vetur-
inn.“ Sólrún segist ekki búast við
að hætta söfnuninni í framtíðinni.
„Ef kýrnar eru farnar að þrengja
að þá reynum við bara að hagræða
í hillunum.“
Safna kúm af öllum gerðum
www . u n i k a . i s
Fákafeni 9 Sími: 568 6700
mán-fös. 10-18 og laug. 11-16