Fréttablaðið - 26.04.2007, Qupperneq 44

fréttablaðið útivist 26. APRÍL 2007 FIMMTUDAGUR8
Júlíus Ívarsson fann sig í fjöll-
unum á Íslandi og fagnar nú
fimmtugsafmælinu með ferð á
Mont Blanc.
„Ég byrjaði að fara á fjöll fyrir
alvöru fyrir um tíu árum. Ég fer
mest á fjöllin hérna í kringum
Reykjavík, bæði dags- og helgar-
ferðir. Síðan reyni ég að fara eina
eða fleiri stærri ferðir á ári og hef
farið bæði á Strandir og Hvanna-
dalshnjúk,“ segir Júlíus Ívars-
son fjallamaður. Í fyrra tók Júlí-
us af skarið og skipulagði fimmtíu
manna hópferð á Hvannadals-
hnjúk í samvinnu við íslenska
fjallaleiðsögumenn og endurtek-
ur nú leikinn.
„Hópurinn samanstendur af
samstarfsfélögum, fjölskyldu og
vinum. Æfingar hófust tveimur
mánuðum áður en ferðin var farin
og markmiðið var að allir kæmust
á toppinn. Það tókst og nú endur-
tökum við leikinn,“ segir Júlíus.
Í ár verður ferðin farin 18. maí
og æfingar því löngu hafnar. Að
sögn Júlíusar notar hópurinn bæði
Helgafellið og Esjuna til æfinga
og fer þá gjarnan óhefðbundnar
leiðir til dæmis frá Mosfellsdal.
„Fæstir í hópnum höfðu fjall-
areynslu og litu jafnvel á þessa
ferð sem síðbúið áramótaheit til
að koma sér í form,“ segir Júlí-
us og mælir eindregið með því
að fólk fari hægt af stað áður en
haldið er í lengri fjallaferðir.
„Ég sé stundum fólk sem fjár-
festir í útbúnaði fyrir hundruð
þúsunda, fer of geyst og gefst upp.
Það borgar sig að labba á striga-
skónum til að byrja með og fara
styttri ferðir. Það þarf að vera
ákveðinn stígandi eins og í fjall-
inu sjálfu,“ segir Júlíus.
Fjallamennskan er að sögn Júlí-
usar hin besta líkamsrækt, sér-
staklega fyrir fólk sem vinnur
innivinnu. Sjálfur segist hann fá
gífurlega orku frá náttúrunni og
fríska loftinu.
Fram undan eru strangar æf-
ingar hjá Júlíusi enda stefnan
tekin á Mont Blanc seinna á árinu.
Ferðin verður farin með íslensk-
um fjallaleiðsögumönnum og að
sögn Júlíusar er ferðin farin í stað
afmælisveislu.
„Ég varð fimmtugur nýlega og
ferðin á Mont Blanc er svona mín
veisla. Konan mín lét þau boð út
ganga að ég væri að fara þessa
ferð og ég fékk mikið af útbúnaði
í tilefni afmælisins og ferðarinn-
ar,“ segir Júlíus að vonum ánægð-
ur.
Markmiðið er að komast sí-
fellt hærra og að sögn Júlíus-
ar er ákveðin áskorun í að sigra
fjall. „Mont Blanc er bara byrjun-
in. Næst fer ég enn hærra og von-
ast til að sigra Kilimanjaro,“ segir
Júlíus. rh@frettabladid.is
Fagnar fimmtugu
á Mont Blanc
Fram undan eru strangar æfingar hjá Júlíusi Ívarssyni enda stefnan tekin á Mont Blanc seinna á árinu. Þar mun hann fagna fimm-
tugsafmælinu. FRÉTTABLAÐIÐ/HÖRÐUR
Íslenskir fjallaleiðsögumenn hafa stutt dyggilega við bakið á Júlíusi í ferðum hans.
Júlíus ásamt göngugörpum eftir ferð á Standir í góðu yfirlæti.
Markmiðið er alltaf að komast hærra og
hærra. Fram undan er ferð á Mont Blanc.
Á grænum hól úti á Granda í
vesturbæ Reykjavíkur stend-
ur hjólhýsi, sem minnir einna
helst á geimskutlu úr kvik-
mynd frá sjötta áratugnum.
Silfurlitað, bjöllulaga og ekki
nema 2 sinnum 4 metrar að
stærð og 550 kíló að þyngd. Að
sögn Björgvins Barðdal, fram-
kvæmdastjóra hjá Seglagerð-
inni Ægi, sem hefur hjólhýs-
ið til sölu, er það góður vitn-
isburður um aukið framboð
hjólhýsa hérlendis þar sem þau
smáu eru að ryðja sér til rúms.
„Hjólhýsi af þessari gerð
kallast T@B hjólhýsi og er frá
framleiðandanum Tabbert,
sem kalla mætti Rolls Royce
í hjólhýsageiranum,“ útskýr-
ir Björgvin. „Töffaralegu útliti
hjólhýsisins og smæð þess var
ætlað að höfða til yngri kyn-
slóða. Stærðin hentar þeim vel
sem vilja hafa nett farartæki í
innkeyrslunni og ferðast létt.“
Þótt T@B sé lítið að utan er
það stórt að innan og búið sams
konar búnaði og stærri hjólhýsi
að sögn Björgvins. „Það rúmar
tvo fullorðna einstaklinga og
eitt barn. Svo fylgir því rúm,
bekkur, borð, ísskápur, vatns-
tankur, gaseldavél, gaskútur
og hitamiðstöð með hitastilli
frá fyrirtækinu TRUMA, sem
er viðurkennt merki á Evrópu-
markaði.“
Björgvin segir eina raun-
verulega muninn á T@B og
öðrum hjólhýsum vera þann að
klósett vanti. Hins vegar megi
hæglega bæta úr því með kaup-
um á ferðaklósetti. „En þótt
klósett vanti í þessi hjólhýsi er
ekki þar með sagt að þau vanti í
aðrar smærri gerðir hjólhýsa,“
útskýrir hann. „Hin eru öll út-
búin klósettum.“
Stutt er síðan farið var að
selja minni hjólhýsi á borð
við T@b á Íslandi og hafa við-
tökurnar verið góðar að sögn
Björgvins. „Þau eru nýjung
hérlendis. Þetta hófst allt
saman með tjaldvögnum fyrir
tuttugu árum. Því næst felli-
hýsum fyrir tíu árum. Loks
komu hjólhýsin fyrir um það
bil þremur árum. Fyrst í stað
virtist fólk bara kaupa það sem
fékkst, en núna veltir það miklu
meira fyrir sér hvað hentar
því best. Sumir vilja stór aðrir
smá. Smærri hjólhýsin eru
þó ekki að ýta þeim stærri
til hliðar. Möguleikarnir
eru bara orðnir fleiri.“
roald@frettabladid.is
Lítil, létt og þægileg
Travel Bird á 13“
dekkjum.
FRÉTTABLAÐIÐ/ANTON
Björgvin Barðdal segir fólk farið að velta meira fyrir sér hvað henti því best
varðandi hjólhýsi. FRÉTTABLAÐIÐ/HÖRÐUR
Útgáfufélagið Heimur stóð
fyrir vali á Ferðafrömuði árs-
ins 2007 á ferðasýningunni í
Fífunni sem fram fór á dögun-
um. Þetta er í fjórða sinn sem
Heimur velur ferðafrömuð og
að þessu sinni var það Jón Ei-
ríksson Drangeyjarjarl sem
varð fyrir valinu.
Í viðurkenningarskjali
segir: Í mati sínu lagði dóm-
nefnd til grundvallar einstaka
athafnasemi, þrautseigju og
metnað við að byggja upp og
reka ferðaþjónustu þar sem
sagnaarfinum er miðlað á eft-
irminnilegan og persónuleg-
an hátt, svo og þátttöku hans
í uppbyggingu og stefnumót-
un ferðaþjónustunnar í heima-
byggð.
Ottó Schopka, ritstjóri
ferðabóka Heims, kynnti val
dómnefndar.
Drangeyjarjarlinn
ferðafrömuður ársins
Otto Schopka afhendir Jóni Eiríks-
syni Drangeyjarjarli viðurkenning-
arskjal.