Fréttablaðið - 26.04.2007, Síða 48

fréttablaðið útivist 26. APRÍL 2007 FIMMTUDAGUR12
Undanfarin þrjú ár hefur það færst
í aukana að íslenskar fjölskyldur
festi sér kaup á hjólhýsi. Enda er
gaman að geta ferðast um fallega
landið okkar án þess að þurfa að
þjást af bakverk út af lélegri dýnu
eða ójöfnum jarðvegi á tjaldstæð-
um.
Hjólhýsi eru mörg orðin jafn
góð og sumarbústaðir, enda flest
hönnuð sem heilsárshús og þannig
má nota þau bæði sumar og vetur
og hvar sem er á landinu, nema
kannski á hálendinu.
Verðbil hjólhýsa er frá tveimur
milljónum króna og upp úr og sum
þarf að panta sérstaklega að utan.
Hjá Víkurverki í Kópavogi er gott
úrval hjólhýsa og gaman að fara
þangað í skoðunarferð. Með flott-
ari hjólhýsum sem þar er að finna
er hið þýskættaða Lord Exquis-
ite 590 RD en það kemur frá LMC
framleiðandanum. Í Lord Exquis-
ite er til að mynda gólfhiti, leður-
klæddur sófi, góður bakaraofn og
sérlega góð einangrun. Í raun eru
aðstæðurnar svo góðar að veður
getur aldrei orðið afsökun fyrir því
að skella sér ekki í útilegu! - mhg
Þýsk lúxusvilla á hjólum
Arnar Barðdal við Lord Exquisite 590 RD hjólhýsi frá Þýskalandi. Lord Exquisite kostar tæpar fimm milljónir króna og hægt að nota allan ársins hring, enda það besta sem kemur frá framleiðandanum.
Leðurklæddur og rúmgóður sófi, en með einu handtaki er hægt að
fella niður borðið og þá er komið auka gistipláss.
Horft inn í svefnherbergið frá eldhúsi. Þar er að finna gott hjónarúm
(195x152) með sérhannaðri Hylex-svampdýnu.
Gaseldavél með þremur hellum og vask-
ur með heitu og köldu vatni og glerloki.
Hægt er að fella það niður og þá mynd-
ast aukið vinnurými á borðinu.
Horft úr borðkrók inn eftir hjólhýsinu
sem státar meðal annars af innrétting-
um úr kirsuberjavið og góðu skápa-
plássi.
Smekkleg handlaug og gott skáparými fyrir snyrtivörur og annað í
þeim dúr.