Fréttablaðið - 26.04.2007, Síða 50

fréttablaðið útivist 26. APRÍL 2007 FIMMTUDAGUR14
Leifur Þorsteinsson hefur starf-
að með Ferðafélagi Íslands til
fjölda ára og gengið úti um allt
land.
Á hverju sumri fer Leifur í fjölda
gönguferða sem taka venjulega
þrjá til fimm daga hver. „Ég veit
ekki hvað ég ætla að fara marg-
ar í sumar, en þær verða einhvers
staðar á milli fimm og tíu,“ segir
hann og hlær.
Í gönguferðum sem taka nokkra
daga er yfirleitt gist í skálum að
sögn Leifs. „Einstaka sinnum
erum við í tjöldum en það fer nú
svona heldur minnkandi og venju-
lega er allur farangur trússaður á
milli gististaða,“ segir hann.
Leifur hefur gengið um landið
í tugi ára og segir að gönguþörf-
in sé bara í blóðinu. „Ég hef haft
gaman af því að ganga frá því að
ég man eftir mér og það versnar
bara með árunum. Ég fór í fyrstu
löngu gönguferðina mína með
frænda mínum árið 1970. Hann var
þá reyndur jaxl en ég bara ungur
og óreyndur. Við gengum úr Land-
mannalaugum suður að Þórsmörk
og þetta var löngu áður en byggð-
ir voru einhverjir skálar og brýr
yfir allar ár. Ég fór svo að starfa
með Ferðafélagi Íslands árið 1975,
var reyndar erlendis við nám í sex
ár, og frá 1982 hef ég verið í þessu
meira og minna á hverju einasta
sumri.“
Á þessum árum hefur Leifur
gengið um marga af fallegustu
stöðum á Íslandi. „Ég er búinn að
fara talsvert víða og segi stundum
að ef ég væri alltaf að fara á nýja
staði væri ég búinn að fara mjög
víða. Ég hef til dæmis farið í Fjörð-
ur, Hvanndali, Héðinsfjörð, Borg-
arfjörð eystri og á Staðarfellsfjöll,
Lónsöræfi og Hornstrandir.“
Leifur segist eiga erfitt með
að gera upp á milli þeirra staða
sem hann hefur komið til. „Þetta
er meira og minna allt í uppáhaldi
hjá mér. Það sem ég þekki kannski
best eru Torfajökulsfjöllin, því ég
er búinn að fara oftast leiðina úr
Landmannalaugum og suður að
Þórsmörk. Þar er náttúrlega ein
af stærstu perlunum í íslenskri
náttúru að mínu mati, en þær eru
líka margar fleiri. Að standa uppi
á Kálfatindum á Hornbjargi og
horfa yfir Húnaflóa fullan af þoku
á meðan allt er bjart fyrir vestan
er náttúrlega meiri háttar,“ segir
Leifur. „Það er bara alls staðar
gaman að vera ef ekki er kolvit-
laust veður,“ bætir hann svo við
að lokum og hlær.
emilia@frettabladid.is
Alls staðar gaman að vera
Leifur í góðra vina hópi á Hornströndum.Séð niður í Hattver, Torfajökull í baksýn.
Leifur hefur gengið um landið síðan 1970. FRÉTTABLAÐIÐ/VALLI
Andraco ehf
Varanlegt sólpallaefni – framtíðarlausn án viðhalds
Nýjung á markaðnum í dag
- Lengdir : 366cm og 488cm
- Þykkt og breidd : 35mm x 142mm
Lyngdal 6 • 190 Vogar • S. 868-5876 • andraco@internet.is
Kári Brynjólfsson er nítján ára
gamall hjólreiðamaður og
hjólar allan ársins hring. Hann
sér ekki ástæðu til að taka
bílpróf þar sem hann fer allra
sinna leiða á hjólinu.
„Ég hjóla í og úr vinnu en auk
þess æfi ég hjólreiðar þannig að
ég hjóla í þrjá tíma eftir vinnu
að minnsta kosti þrisvar í viku,“
segir Kári. Á æfingum hjólar hann
oft um 50 kílómetra í senn en oft
fer það líka yfir 100 kílómetra.
„Við hjólum oft á Þingvelli og
Nesjavelli þegar við förum í lengri
hjólatúrana,“ segir Kári en hann
hefur keppt í hjólreiðum bæði hér
heima og erlendis. „Ég hef nokkr-
um sinnum farið út til að keppa á
Norðurlandamótum og keppti líka
á Smáþjóðaleikunum í Andorra,“
bætir hann við.
„Ég verð aldrei þreyttur á að
hjóla því það er með því skemmti-
legra sem ég geri,“ segir Kári.
Hann telur það algjört aukaat-
riði að vera með bílpróf því það
sé ekkert mál að hjóla allan ársins
hring. „Á veturna er ég með nagla-
dekk undir hjólinu og það er hægt
að hjóla í hvernig veðri sem er.
Það tekur bara mislangan tíma.“
Þarf ekki bílpróf
Kári Brynjólfsson hjólar
allt sem hann þarf að fara
auk þess sem hann æfir
hjólreiðar að minnsta kosti
þrisvar í viku.
FRÉTTABLAÐIÐ/RÓSA